EcoVision

Beynəlxalq enerji agentliyi neft qiymətlərində 

sıçrayışı qaçılmaz hesab edir

Beynəlxalq enerji agentliyi (BEA) neftin qiymətinin 

ucuzlaşdığı 9 aylıq dövrün demək olar ki, başa çatdı-

ğını, bazarın dibə endiyini və qiymətlərin bərpa olma-

ğa başlayacağını elan edib.

AzərTAc The Wall Street Journal qəzetinə istinad-

la xəbər verir ki, BEA–nın dərc olunmuş məruzəsində 

neftin  qiymətlərində  sıçrayışın  qaçılmaz  olduğu  de-

yilir. Agentliyin ekspertlərinin proqnozuna görə, neft 

bazarında  təklif  və  tələb  arasında  qeyri-bərabərlik 

artıq  2015-ci  ilin  ikinci  yarısından  etibarən  tədricən 

aradan qalxmağa başlayacaq. Bu müsbət tendensiya 

hasilat həcminin azalması səbəbindən baş verəcək.

Bununla belə, BEA neft qiymətində sıçrayışın kiçik 

olacağı, qiymətlərin bərpasının isə zəif templə davam 

edəcəyi barədə də xəbərdarlıq edib. Agentlik hesab 

edir ki, 2016-cı ildə dünya bazarında neftin barrelinin 

orta qiyməti 60 dollardan yuxarı qalxmayacaq.