EcoVision

44

EcoVision

ƏSAS MÖVZU 

Ramil müəllim, öncə Türkdilli Ölkələrin Əməkdaşlıq 

Şurasının  baş  katibi  kimi  fəaliyyətə  başlamağınız 

münasibətilə Sizi təbrik edir, “EcoVision” jurnalı olaraq 

fəaliyyətinizdə uğurlar arzulayırıq. 2014-cü il Türkdilli 

Ölkələrin  Əməkdaşlıq  Şurasının  fəaliyyətində  nə  ilə 

yadda qaldı?

Təbriklərinizə  görə  təşəkkürümü  bildirir,  gələcək 

fəaliyyətində jurnalınıza uğurlar arzu edirəm. 

İlk olaraq qeyd etmək istərdim ki, 2014-cü ilin 4-5 

iyun  tarixlərində  Türkiyə  Respublikasının  Prezidenti 

Abdullah  Gülün  ev  sahibliyində  Bodrum  şəhərində 

Türk Şurasının “Turizm sahəsində əməkdaşlıq” möv-

zusunda  Dördüncü  Zirvə  Görüşü  keçirilmişdir.  Zirvə 

görüşündə Azərbaycan Prezidenti İlham Əliyev, Qa-

zaxıstan  Prezidenti  Nursultan  Nazarbayev,  Qırğız 

Respublikasının  Prezidenti  Almazbek  Atambayev  və 

Türkmənistan  Prezidenti  Qurbanqulu  Berdımuham-

medov iştirak etmişlər.  

Ötən  il  ərzində  siyasi  və  iqtisadi  sahələrdə 

əməkdaşlığa əlavə olaraq Türk Şurasının fəaliyyətləri 

nəqliyyat,  turizm,  təhsil,  diaspor  və  media  da  daxil 

olmaqla prioritet sahələri əhatə etmişdir. Türk Şura-

sının  yaranmasında  əsas  ideya  və  bizim  də  ən  əsas 

məqsədimiz Türk dünyasında regional əməkdaşlıq və 

inteqrasiyaya  yol  açaraq  üzv  dövlətlərimiz  arasında 

ikitərəfli  münasibətlərin  dördtərəfli  münasibətlərə 

çevrilməsindən ibarətdir.

Türk  Şurası  üzv  dövlətlər  arasında  istənilən 

əməkdaşlıq  üçün  çətir  təşkilat  fəaliyyətini  həyata 

keçirir.  Belə  ki,  ötən ildə  “Türk Akademiyasının  təsis 

edilməsi haqqında Saziş”in və “Türk Mədəniyyəti və 

Mirası  Fondunun  Nizamnaməsi”nin  bütün  ölkələr 

tərəfindən  ratifikasiya  olunmasına  və  qüvvəyə 

minməsinə nail olduq.

Dördüncü  Zirvə  Görüşünün  mövzusu  “Turizm 

sahəsində əməkdaşlıq” olduğu üçün 11 apreldə Türk 

Şurası turizmdən məsul nazirlər İstanbulda toplaşaraq 

turizm  sahəsində  əməkdaşlıq  məsələlərini  müzakirə 

etmişlər.  10  apreldə  isə  Turizm  İşçi  Qrupunun  iclası 

keçirilmişdir.  

Türk  Universitetlər  Birliyinin  yaradılması  prosesi 

yekunlaşmışdır.  17  oktyabrda  Ərzurum  Universiteti-

nin  ev  sahibliyində  Birliyin  Birinci  Baş  Assambleyası 

keçirilmiş və digər məsələlərin müzakirəsi ilə yanaşı, 

Türk Şurası Türk Universitetlər Birliyi Tələbə Şurasının 

Direktivi imzalanmışdır. 

Təhlükəsizlik  məsləhətləşmələrinin  ikinci  iclası 

martın  5-də  Astanada  baş  tutmuşdur.  Tərəflər  Uk-

raynadakı  vəziyyət,  Ermənistan–Azərbaycan,  Dağlıq 

Qarabağ münaqişəsi ilə bağlı son irəliləyişlər və Türk 

Kipri  ilə  Yunan  Kipri  arasında  tam  məskunlaşmaya