Bakı Fond Birjasının yeni listinq qaydaları
qüvvəyə minib
Bakı Fond Birjası QSC tərəfindən yenilənmiş “Bakı
Fond Birjasında qiymətli kağızların listinqi, delistinqi
və ticarətə buraxılması Qaydaları” qəbul edilib.
Eyni zamanda, mövcud listinq tarifləri sadələşdirilib
və optimallaşdırılıb.
Sözügedən qaydalar, bu sahədə mövcud olan
qabaqcıl beynəlxalq təcrübələrə və yerli bazarın
xüsusiyyətlərinə əsaslanaraq, qiymətli kağızlar ba-
zarına dair mövcud və tətbiq ediləcək yeni qanun-
vericilik aktları çərçivəsində "Kapital bazarlarının
müasirləşdirilməsi" layihəsinin ekspertləri tərəfindən
yerli mütəxəssislərlə bərabər hazırlanıb. Qaydalar
qiymətli kağızların listinqi üzrə yeni konseptual ya-
naşmanı və mütərəqqi normaları müəyyən edir.
Qeyd edək ki, yeni qaydaların tətbiqi, “2011-
2020-ci illərdə Azərbaycan Respublikasında qiymətli
kağızlar bazarının inkişafı Dövlət Proqramı”nın icra-
sı istiqamətində atılmış kompleks tədbirlərin tərkib
hissəsi olmaqla, BFB-nin əməliyyat qaydalarının
təkmilləşdirilməsi, qaydalar kitabının formalaşdırıl-
ması və eləcə də BFB-də listinqin təşviqinə xidmət
edir.
| 
