Əczaçı (orta) ixtisası üzrə nümunəvi test sualları Bölmə Əczaçılığın təşkili və iqtisadiyyatı ixtisası üzrə test tapşırıqları

627) “Digitoksin” hansı bitkinin preparatıdır?
A) Oleandr yarpağının

B) Üskükotunun

C) Strofant toxumunun

D) İnciçiçəyi otunun

E) Xoruzgülü otunun
Üskükotunun tibbdə tətbiq edilən bütün növlərinin tərkibində kardenolid qlikozidləri vardır ki, onların da aqlikongenin hissəsini digitoksigenin, ditoksigenin, ditaloksigenin, digoksigenin və diginatigenin təşkil edir. “Digitoksin” qırmızı və iriçiçəkli üskükotunun preparatıdır.
Ədəbiyyat: Y.B.Kərimov, T.A.Süleymanov, C.İ.İsayev , C.S.Xəlilov "Farmakoqnoziya" Bakı-2010 səh.268-275.
628) Güyəmə qabığının preparatları hansı xəstəliklərdə istifadə edilir?
A) Ağciyərin iltihabında

B) Ürək xəstəliklərində

C) Sinir sisteminin xəstəliklərində

D) Mədə -bağırsaq xəstəliklərində

E) Qaraciyər xəstəliklərində
Güyəmənin qabığında periplosin ürək qlikozidi vardır, qan dövranının pozğunluğu ilə müşayiət olunan ürək çatışmazlığında tətbiq olunur.
Ədəbiyyat: Y.B.Kərimov, T.A.Süleymanov, C.İ.İsayev , C.S.Xəlilov "Farmakoqnoziya" Bakı-2010 səh.288-290.