Ehm-in yaranma tariXİ

İNFORMATİKA KURSUNDA FORMAL DİLLƏR

EHM-lərdə işləyərkən istifadə olunan dillər formal dillər hesab olunur. kompüterdə sirkulyasiya edən informasiyalar iki qrupa bölünür:

1. 
   emal edilən informasiyalar (bunlara verilənlər aiddir)
   

2. 
   kompüterin işini idarə edən informasiyalar (bunlara əmrlər, proqramlar, operatorlar və.s aiddir)
   

verilənlər kompüterdə saxlanılan, ötürülən, emal edilən informasiyalardır. Bunlara misal olaraq riyazi məsələni həll etmək üçün istifadə olunacaq ədədlər, mətnlərin emalında istifadə olunan simvollar ardıcıllığından, emal etmək üçün skayner vasitəsi ilə kompüterə daxil edilən təsvirlər və.s misal göstərilə bilər.

Verilənlərin kompüterdə təsvir üsulları verilənlərin təsvir dili adlanır.

Hər bir verilənlər tipi, verilənlərin daxili və xarici təsvirlərinə görə fərqlənirlər. Daxili təsvir olunma informasiyanın kompüterdə trayektoriya təsviridir, yəni daxili təsvir informasiyanın kompüterdə daşınması, emal olunması və ötürülmə xəttində təsvir formasıdır. Kompüterlər öz fəaliyyətini məhz daxili təsvirlər hesabına aparır. Xarici təsvir isə yanlız istifadəçilər üçün nəzərdə tutulur. Məhz bu təsvir üsulu vasitəsi ilə istifadəçi kompüterlə informasiya mübadiləsi aparır.

EHM-lərdə verilənlərin dili 2-lik kodlar dilidir. Burada ikilik say sistemlərinin rəqəmlərindən yəni 0 və 1-dən istifadə olunur.

Müxtəlif tipli verilənlər üçün müxtəlif daxili təsvirlərdən istifadə olunur. verilənlərin daxili kodları üzərində əməliyyatların icra olunması prossorun əmrlər dili adlanır. Verilənlər üzərində xarici təsvirolunma dilində əməliyyatların yerinə yetirilməsi ilə yüksək səviyyəli proqramlaşdırma dilləri məşğul olur.

İnformatika kursunda dil anlayışı olduqca əhəmiyyətli anlayışdır. Çünki EHM-lər informasiyalar üzərində bütün sirkulyasiyaları məhz formal dillər hesabına həyata keçirir. Yəni formal dillər vasitəsi ilə verilənlər EHM-lər tərəfindən başa düşülür və təsvir olunur.