Kurs loyihasining tugallangan qismi xujjat hisoblanadi (misol, tushuntirish qismining bo’lim va chizmalari). Xujjatlardagi terminlar va aniqlovchilar amaldagi standartlar va ilmiy-texnik adabiyotlardagi umumqabul qilingan terminlarga mos kelishi kerak..
6.1. Tushuntirish yozuvini shallantirish Tushuntirish xati matnli xujjatlarga kirib GOST 2.107-2013 YeSKD talablariga mos holda shaklantirilib A4 formatdagi varaqlarda bajarilishi kerak. Tushuntirish xati matni qo’l yozma bo’lib balandligi 2,5-3 mmni tashkil etadi va bir xil rangdagi (ko’k yoki xavorang) ruchkalarda yoziladi. Matnli materiallarni namoyish etish uchun zarur bo’lgan sxemalar, rasmlar, grafiklar bevosita matnni ichida yoki alohida A4 formatdagi qog’ozlarda keltiriladi. CHizma ostida chizmani bo’limi bo’yicha raqami va nomi keltiriladi.
Tushuntirish hati alohida bo’limlaran iborat bo’ladi. Har bir bo’lim yangi varoqdan (betdan) boshlanadi. Hamma hisoblar SI sistemasida bajariladi.Murakkab hisob-kitoblarni bajarish EHM yordamida amalga oshiriladi. EHMdagi hisoblarni qog’ozga chiqarish A4 formatga mos kelib, varaqlarni umumiy soni bo’yicha raqamlanadi va kerakli bo’limga joylashtiriladi. Raqamli natijalar jadval ko’rinishida bajarilib, jadval ustiga “jadval” so’zi yoziladi va tartib raqami bo’lim bo’yicha qo’yiladi. Bir qator pastda jadval nomi yoziladi.
