Əsgərov Elməddin Firudin oğlu “ Azərbaycanda maşınqayırma sənayesinin yenidən qurulması və inkişaf prespektivləri

 
 
 
3.3 Azərbaycan Maşınqayırma sənayesinin yenidənqurulması və 
inkişafının investisiya təminatı 
Maşınqayırma milli iqtisadiyyatın sistem yaradan sahəsi, onun inkişafının əsas 
meydanı olmalıdır. Maşınqayırma sənayesinin inkişafı və müasirləşdirilməsi böyük 
investisiyalarla bağlıdır və onları cəlb etmək üçün əlverişli investisiya mühiti 
yaradılmalı, sahə müəssisələri üçün güzəştli kreditləşdirmə və vergitutmanın tətbiqi, 
bahalı avadanlığın lizinqinin istifadəsi və sahəyə dövlət köməyinin digər tədbirləri 
həyata keçirməlidir.
Maşınqayırmada əsas sənaye- istehsal fondların yeniləşdirilməsi üzrə yaranmış 
vəziyyəti investisiya prosesi əsas fondların aşınmasının ödənilməsinin və geniş təkrar 
istehsalın vacib vasitələrindəndir. Lakin VIII cədvəl–dən göründüyü kimi 2012-ci ildə 
maşınqayırmaya investisiyalar yönəldilməmişdir. 
Cədvəl 8 

---

62 
Azərbaycanın maşınqayırma sənayesinə yönəldilən investisiyalar
 ( min.manat)
Mənbə: Azərbaycan Dövlət Statistika Komitəsi (2). 
Maşınqayırma müəssisələrinin birinci növbəti məsələsi investisiyaların tətbiqi
vasitəsilə əsas fondların yeniləşdirilməsi və müasirləşdirilməsidir. Hal- hazırda 
elmtutumlu məhsulun istehsalı ən yeni texnologiyaların tətbiqi olmadan mümkün 
deyil . Lakin ölkənin çox az müəssisəsi innovasiyalı texnoloji avadanlığı şəxsi vəsaiti 
hesabına almaq iqtidarındadır və buna görə də əlavə uzunmüddətli maliyyələşdirmə 
mənbələrinə ehtiyacları vardır. 
Texnoloji yenidən silahlanma proseslərinə əhəmiyyətli təsiri lizinqin inkişafı 
göstərə bilər. Bir tərəfdən lizinq müəssisəsinin uzunmüddətli maliyyələşdirilməsinin 
ən əlverişli üsuludur, digər tərəfdən də o, Azərbaycanın avadanlıq istehsalçılarının 
məhsullarına tədiyyə qabliyyətli tələb yaradır. 
İnvestisiyaların defisiti innovasiya aktivliyinin aşağı olmasının əsas lakin yeganə 
amili deyil. Ölkə bazar islahatları yolu ilə irəliləyir , elmi- texniki sahə isə yeni şəraitdə 
işləməyə hazır deyil. 
Dünya iqtisadiyyatının qloballaşması şəraitində yalnız milli maşınqşayırma 
müəssisələrinin investisiya aktivliyi onların rəqabət qabliyyətini yüksəldə bilər. 
Maşınqşayırma sahəsinin istehsal aparatının təzələnməsi üçün lizinqin müxtəlif
formalarının istifadəsi ölkə iqtisadiyyatının inkişafında prioritet istiqamətdir.