Falsafa (Etika,Estetika, Mantiq) fanidan ma’ruza matnlari 1-mavzu. Falsafa fanining predmeti, mazmuni va jamiyatdagi roli Reja

Narsalar, tabiiy jarayonlar borlig‘i. Tabiiy borliqning birinchi ko‘rinishi insonga qadar, insondan va uning ongidan tashqarida, unga bog‘liq bo‘lmagan narsa-hodisalar, jarayon va holatlarni o‘z ichiga olgan tabiat hisoblanadi. Bularni odatda “birlamchi tabiat” iborasi bilan tushuntiradilar. Tabiiy borliqning bu shakli inson faoliyatining dastlabki sharti sifatida mavjud bo‘lgan tabiiy narsa-hodisalar va jarayonlardir. Inson paydo bo‘lgach, ularga ta’sir eta boshlaydi, bu jarayonning uzoq va muntazam ravishda amal qilishi oqibatida inson qo‘li bilan yaratilgan narsa-hodisalar va jarayonlar yuzaga keladi. Bularni oldingilardan farqlash maqsadida “ikkinchi tabiat” deb ataydilar.
“Birlamchi tabiat” borliqning alohida maxsus shaklidir. Bunda bir butun tabiat borlig‘ini uning alohida narsalari, jarayonlari, holatlari borlig‘idan farq qilish lozim.
YAxlit tabiat borlig‘i fazo va vaqt doirasida cheksizdir, u doimo va hamma joyda mavjud bo‘lgan, mavjuddir va mavjud bo‘ladi. Lekin tabiatga xos bu asl xislat uning alohida hodisalari, jarayonlari, holatlariga bir butunicha dahldor emas. Ular biz tasavvur etayotgan va idrok qilayotgan tahlitda hamma erda, hamma vaqt bo‘lishi ham, bo‘lmasligi ham mumkin. Binobarin, ular paydo bo‘lish, o‘zgarish, rivojlanish, so‘nish jarayonlarini boshidan kechirib turadi. Tabiat bir butun, o‘tkinchi emas deb fikrlaganimizda, uning yaxlit o‘zini emas, balki tabiatning ayrim qonkret hodisalariga xos xususiyatni tushungan bo‘lamiz, demak, tabiat emas, uning alohida hodisalari o‘tkinchi. SHu ma’noda tabiat o‘tkinchimas va o‘tkinchilikning uzviy birligidan iborat.
Insonni qurshab olgan tabiat tushunchasiga tabiatning o‘zidan tashqari yana inson yaratgan buyumlar ham kiradi. Inson aqli va mehnati bilan yaratilgan “ikkinchi tabiat” ekanligi yuqorida ta’kidlab o‘tildi. U “birlamchi tabiat”dan nimasi bilan tafovut qiladi? Avvalam bor, inson qo‘li bilan yaratilganligi, unga inson mehnati va bilimi sarflanganligi bilan deb javob berish mumkin. “Ikkinchi tabiat”da inson meg‘nati va bilimlari “predmetlashadi”, unda “ijtimoiy ruh” gavdalanadi. “Ikkilamchi tabiat” mahsulotlari muayyan ijtimoiy vazifani bajaradi. Masalan, dastgoh. U mato to‘qiydi, inson maqsadlarini ob’ektivlashtiradi.
Inson borlig‘i. Alohida odam borlig‘i hamda insoniyat borlig‘i o‘ziga xos hodisadir. SHuningdek, ularning har ikkalasiga xos bo‘lgan umumiylik ham bor. Inson jismi tabiatniki, shu ma’noda u jismlar ichidagi jismdir. Uning tabiatga tegishli bo‘lgan jismi o‘tkinchi. Odam umrini nechog‘lik darajada o‘zaytirishga o‘rinmaylik, birinchi galda u tabiat jismi bo‘lib qolaveradi. Ayni vaqtda odam inson, insoniy mohiyatga egaligi, ijtimoiy munosabatlarni o‘zida gavdalantirganligini hisobga oladigan bo‘lsak, uni “narsa” yoki “ob’ekt” tushunchalari bilan belgilash unchalik to‘g‘ri emas. Ming afsuski, sovet zamonida inson ishlab chiqarishning oddiy murvatiga aylantirilgan edi. Mustaqillik tufayli insonning haqiqiy mohiyati, milliy qiyofasi, tarixiy o‘rni tiklanmoqda.
Biologik jihatdan odam tanasi, jismi oziq-ovqat, kiyim-kechak, uy-joy va boshqa moddiy ne’matlarga katta ehtiyoj sezadi. Inson borlig‘i nechog‘lik qadar o‘ziga xoslikka ega bo‘lmasin, birinchi galda u tana va jon birligi, jonli mavjudotning turi sifatida yashashi uchun zaruriy moddiy ehtiyojlarni qondirishi zarurdir. Tana yashamasa, odam yashamasligini isbot qilish shart emas. Ayni vaqtda insonning fikrlashi uchun unga, tanasiga zarur moddiy oziq lozim. Bundan g‘ar bir individ o‘zining shaxsiy hayotini saqlab qolish huquqi kelib chiqadi. Bunday huquqning boshlang‘ich nuqtasi hayotni, individ hayotini ta’minlash va nihoyat insoniyat yashab qolishiga erishishdan iborat.
Bu erda yana shuni ham ta’kidlash joizki, insonning tabiiy-biologik “o‘lchovi” ehtiyotkorlikni talab qiladigan hodisadir. Inson organizmiga xos ekologik balans nisbati buzilsa, falokatli oqibatlarga olib kelishi ehtimoldan yiroq emas. SHuningdek, inson jismi uning ruhiyati bilan uzviy bog‘langan. Tana va rug‘ sog‘lomligining ahamiyati haqida to‘xtab o‘tirishning xojati bo‘lmasa kerak. Prezidentimizning 2000 yilni “Sog‘lom avlod yili” deb e’lon qilishining tagida juda katta ma’no bor.
Nihoyat, inson mehnat sohibi sifatida ishlab chiqarish bilan bog‘liq. Odam, uning tabiiy ehtiyoji va ishlab chiqarish o‘rtasida o‘zaro aloqadorlik mavjud. Demak, tabiiy tana bilan ijtimoiy borliq o‘rtasida o‘zaro uzviy birlik bor.
Inson borlig‘ining o‘ziga xos xususiyatlari uch muhim o‘lchov-meyorga ega. Birinchidan, alohida odam-fikrlovchi va his etuvchi jism. Ikkinchi o‘lchov insonning aqlli mohiyat ekanligi. Uchinchidan, inson ijtimoiy-tarixiy mavjudot. Demak, inson tabiiylik, jismlilik, ma’naviylik, individuallik, shaxsiylik va ijtimoiylikning yig‘indisidan iborat.
Ma’naviy borliq. Ma’naviy g‘ayot - inson borlig‘ining tarkibiy bo‘lagi. Ma’naviyat inson bilimlari, ahloqiy, huquqiy qarashlari tizimi, badiiy ijodiyotning me’yor va mezonlari majmuidan iborat. Ma’naviy borliq — ong va ongsizlik jarayonlari, tabiiy va sun’iy tillarning moddiylashgan shakllarida gavdalangan bilimlardan iborat. Ma’naviy borliqni uning mavjudlik shakllariga qarab turib ikki turga bo‘lib o‘rganish mumkin. Birinchisini individ ongi va ruhiyati bilan bog‘langan ma’naviy borliq (individuallashgan ma’naviy borliq), ikkinchisini individ ongidan tashqarida turuvchi ob’ektivlashgan ma’naviy borliq deyish mumkin.
Individuallashgan ma’naviy borliqqa quyidagilar kiradi: alohida olingan kishining his-tuyg‘ulari, ichki ruhiy kechinmalari, orzu-istaklari, xotirasi, taassurotlari, fikrlari, hayollari, qarashlari, g‘oyalari, ong osti va ongsizlik jarayonlari va x k. Inson fikrlari reallik, lekin u ma’naviy ko‘rinishdagi reallik. Ongning barcha shaxsiy g‘amda ijtimoiy fenomenlari borliq ma’nosiga ega. Bu erda faqat reallikning turlicha darajalari bo‘lishi mumkin, xolos.
Ko‘paytirish jadvalini olib ko‘raylik. Bu reallkmi-yo‘qmi? Albatta, reallik. Qanday reallik? Albatta, moddiy, ashyoviy emas, balki ma’naviy-ramziy reallik. Bu jadvaldagi ko‘paytirish prinsipining o‘zi ham reallik, albatta, ideal reallik, biroq endi u ramziy emas, balki sof reallikdir.
Individuallashgan ma’naviy borliqning quyidagi xususiyatlari mavjud: birinchidan, unda sodir bo‘layotgan jarayonlarni tashqaridan kuzatish mumkin emas. Ikkinchidan, unga xos bo‘lgan jarayonlar individning dunyoga kelishi bilan shakllanadi, olamdan o‘tishi bilan yakun topadi. Umuman borliqning bu shaklini rug‘iyatshunoslik fani ustivor darajada o‘rganadi.
Oboektivlashgan ma’naviy borliq esa inson ongida paydo bo‘lgan g‘oyalar, fikrlar, qarashlarning ong doirasidan tashqariga chiqib, narsalar shaklida gavdalanishini bildiradi. U tabiiy va sunoiy tillarning obrazli belgilarida, muayyan san’at asarlarida, madaniyat obidalarida mujassamlashadi. Uning bir ko‘rinishi nutqdir. Til o‘zida ongni reallashtiradi, yuzaga chiqaradi, umuman tilda fikr moddiylashadi. Tilning moddiy vositalari tovushlar, so‘zlar, gaplar va x.k. Bundan tashqari, insoniyat yaratgan yodgorliklar, kitoblar, notalar, ranglar, kuylar, raqslar, loyihalar, modellar ma’naviy borliqning ob’ektivlashgan ko‘rinishlaridir.
Ijtimoiy borliq Ijtimoiy borliq individual, yakka shaxs va jamiyat borlig‘ining birligini bildiradi. “Ijtimoiy borliq deyilganda, individual yakka shaxs va jamiyat hayotining hamma tomonlari emas, balki faqat ularning moddiy hayoti tushuniladi”. (Falsafa. O‘quv qo‘llanma. Toshkent. 1999, 176-bet). Gap shundaki, kishilarning moddiy hayoti ularning xohish-irodalariga bog‘liq bo‘lmagan holda ishlab chiqarish munosabatlaridan (uni o‘zida jamlovchi iqtisodiy hayot)dan iboratdir. SHu ma’noda ijtimoiy borliq jamiyatning yaxlit moddiy hayotini, moddiy ne’matlar yaratish va ishlab chiqarish jarayonida kishilar amalga oshiradigan munosabatlarni nazarda tutadi.
Borliq muammosini to‘g‘ri tushunish uchun substansiya tushunchasining mazmuni bilan tanishish taqozo qilinadi. Substansiya so‘zi lotinchadan olingan bo‘lib, mohiyat degan ma’noni bildiradi. Falsafiy ma’noda substansiya deyilganda dastavval borliq, tabiat, jamiyat, inson va yaxlit olamdagi barcha narsa - hodisalarning asosini tashkil etadigan yo moddiy, yo ma’naviy birlamchi narsa tushunilgan. Masalan, oldingi ma’ruzalarimizda ko‘rdikki, ba’zi faylasuflar substansiya deb suvni, boshqalari havoni, uchinchilari olovni, keyinchalik atomni, umuman olganda moddalarning biror bir konkret turini nazarda tutganlar. Markaziy osiyolik al-Kindiy, Ibn Sino, Forobiy va boshqalar ham substansiya hamma narsalarning moddiy asosi, ularning mohiyatidir degan fikrga kelishgan. Boshqalar esa substansiya mutloq g‘oya, olam ruhi ekanligini qayd qilishgan.
Falsafa tarixida bu sohada uchta qonsepsiya tarkib topganligini ta’kidlash kerak. Birinchi konsepsiya monizm (yunoncha - “monos” bitta, yakka) bo‘lib, u ikki shaklda - materialistik va idealistik tarzda olamning, borliqning asosiga yagona bir mohiyatni qo‘yadi (yo materiya, yo ideya, ikkovidan birini asos qilib borliqni tushuntiradi).
Ikkinchi qonsepsiya dualizm (lot. ”dua”- ikki degani) deb ataladi va borliqning negizida ikkita mustaqil ibtido (ham moddiy, ham rug‘iy) teng ravishda turadi, deb tushuntirdi. Masalan, Aristotel.
Plyuralizm (lot. “plyural” - ko‘plik) uchinchi konsepsiya bo‘lib, borliqni tushuntirganda uning asosida ko‘plab moddiy va ma’naviy asoslar turishini isbotlashga harakat qiladi. Masalan, qadimgi xitoy, hind, yunon faylasuflari borliq olov, suv, g‘avo, er, temir kabilarning birikuvidan yuzaga kelganligiga ishora qiladilar, moddiy narsalarga ustivorlik rolini beradilar. Boshqalari, predmetlar ideal sezgilarning kompleksidan tashkil topgan, deydilar.
Demak, substansiya masalasi borliq muammosi bilan uzviy bog‘liqdir.
SHunday bo‘lishiga qaramay, “materiya” tushunchasi haqida qisqa bo‘lsa-da to‘xtab o‘tish lozim. Binobarin “borliq” tushunchasi birinchi galda “materiya” tushunchasida qonkretlashtiriladi. “Materiya” kategoriyasi, yuqorida aytilganidek, ob’ektiv reallikni ifodalaydi. “Ob’ektiv reallik” nima? Bu - inson ongidan tashqarida va unga bog‘liq bo‘lmagan narsalardir; materiya - bilib olinadigan ob’ektiv reallikdir.
Bunday ta’rif juda keng va materiyaning ongga bog‘liq emasligi va undan tashqarida mavjud bo‘lishi, shuningdek uni bilish mumkinligini xossasini ko‘rsatadi, xolos. Biroq materiyaning yana shunday xossalari borki, ular butun materiya uchun ham, ayrim olingan moddiy ob’ekt uchun ham xosdir.
“Fazo” va “vaqt” falsafiy va umumilmiy fundamental kategoriyalar sirasiga kiradi. Buning sababi shundaki, ular borliqning eng umumiy holatini aks ettiradi va ifodalaydi.
Aytish kerakki, borliqning tegishli shakllari va turlariga muvofiq harakat ham moddiy va ma’naviy shaklda yuz berishi mumkin. Adabiyotlarda moddiy harakatning quyidagi shakllari mavjudligi qayd etiladi: mexaniq harakat, fizik harakat, kimyoviy harakat, biologik harakat, ijtimoiy harakat. Alohida insonning va jamiyatning ma’naviy, tafakkur faoliyati bilan bog‘langan barcha jarayonlar harakatning ideal - ma’naviy shakliga kiradi.
Moddiy harakat va har qanday o‘zgarish hamda o‘zaro ta’sirning manbai ziddiyatlar hisoblanadi. Makonda-fazoda narsalarning mexanik o‘rin almashtirishi (harakatning eng oddiy ko‘rinishi) tashqi turtkilar tufayli yuz beradi. Materiya harakatining bir qadar murakkab shakllarining sababi mazkur sistema tarkibidagi ichki ziddiyatlar oqibatidir. Ichki ziddiyatlar mexanizmini tavsiflash ancha murakkab, bu ko‘pincha mantiqiy xulosalarga olib kelishi mumkin.
Borliq o‘z strukturasiga ega. Borliq mavjudligining asosiy struktural shakllariga fazo va vaqt kiradi.
Inson muntazam ravishda o‘z boshidan o‘zgarish, harakat va rivojlanishni kechirib turgan olamda yashaydi. Har qanday ob’ektning o‘zgarishi va rivojlanishi fazo va vaqtdagina ro‘y berishi mumkin, boshqacha aytganda o‘zgarayotgan va rivojlanayotgan borliq fazoviy va vaqt nuqtai - nazardan strukturaga egadir. “Fazo” va “vaqt” kategoriyalari moddiy va ma’naviy tizimlarning struktura nuqtai - nazaridan shaklini, tartibga tushganligini, o‘zgaruvchanligining sur’ati va darajasini eks ettiradi. Demak, har qanday ob’ekt, har qanday hodisa va jarayon fazo va vaqtdan tashqarida mavjud bo‘la olmaydi.
Fazo va vaqt deganda nima nazarda tutiladi? Biz kundalik amaliyotimizda mazkur masalaga aloqasi bo‘lgan nihoyatda ko‘p tushunchalarga duch kelamiz: “joy”, “ko‘lam”, “masofa”, “tekislik”, “chuqurlik”, “uzunlik”, “kenglik”, “uzoqlik”, “yaqinlik”, “horlik”, “bu er”, “u er”, “balandlik”, “pastlik”, “o‘ng”, “chap”, “oldin”, “avval”, “g‘ozir”, “keyin”, “erta”, “yaqinda”, “uzoq”, “lahzada”, “butun”, “kecha”, “ertaga”, “hozirda”, “o‘tmish”, “kelajak”, “shu payt” va x.k. Bu va shunga o‘xshash tushunchalar umumiy va xususiy belgilarga ega bo‘lgan voqealarning fazo-vaqt nuqtai - nazaridan xususiyatlarini bildiradi. Bordi-yu, butun voqelik hodisalarning cheksiz majmui sifatida qarab chiqiladigan bo‘lsa, muayyan vaqt davrida barcha nuqtalarning nisbati va tartibi fazoviy hisoblanadi. Agar ob’ektiv borliq mutlaqo bir tipda va izotrop holida bo‘lsa edi, bu muayyanlik fazo va vaqtni xuddi shunday tartibda belgilagan bo‘lur edi. Afsuski, bizni o‘rab olgan voqelik cheksiz darajada rang-barang, shunga muvofiq holda borliqning fazoviy-vaqtga xos strukturasi ham (strukturali-tashkiliy va strukturaviy-ko‘lamli) reallikning turli darajalarida turlichadir. Adabiyotlarda yozilganidek, fazo va vaqtning xossalari materiyaning xossalari bilan belgilanadi, materiya esa cheksizdir, g‘oyatda rang-barangdir, demak, fazo va vaqt ham shunga ko‘ra rang-barangdir.
SHunday qilib fazo va vaqt — ob’ektlar mavjudligi, muvofiqligining eng umumiy shakllaridir. Ularning umumiyligi shundaki, ular barcha predmetlar va jarayonlar borlig‘ining shakllari, ular cheksiz olamda mavjud va kelajakda ham shunday bo‘ladi. Nafaqat tashqi olam hodisalari, balki tuyg‘ular g‘am, fikrlar ham fazo va vaqt orqali o‘tadi.
Fazo va vaqt o‘zining xususiyatlariga egadir. Fazo uch o‘lchovlidir: uzunligi, eni va balandligi. Vaqtning o‘lchovi esa bittadir: o‘tmishdan bugungi kun orqali kelajakka tomon yo‘nalish. U qaytarilmasdir, takrorlanmasdir.
Fazo va vaqtni to‘g‘ri tushunish, uning mohiyatini anglab etish umuman olamning ilmiy manzarasi bilan uzviy bog‘langan. Olamda hamma narsa tarmoqlangan, nisbiy mustaqil tuzilmalarga ajratilgan. Ro‘y berayotgan jarayonlar ularning saqlanib qolishlarini (qayta yaratilishini) belgilaydi, ayni vaqtda ularning o‘zgarishlari ham tarmoqlashtirilgan, ular ob’ektlar holatining bir-biri bilan o‘rin almashishida izchillikni ta’minlaydi.
Fazo va vaqt harakatlanuvchi borliq, materiya bilan o‘zaro bog‘langan. Fazo va vaqtning umumiy, ayni o‘ziga xos tomonlari ham bor:
birinchidan, fazo ham, vaqt ham - ob’ektiv.
ikkinchidan, fazo va vaqt borliq, materiya mavjudligining umumiy shakli.
uchinchidan, ular o‘zaro uzviy bog‘langan.
to‘rtinchidan, ular borliq, materiya va harakat bilan chambarchas bog‘langan.
beshinchidan, fazo va vaqt miqdor va sifat tomonidan cheksiz va chegarasiz.
oltinchidan, fazo va vaqt o‘z tuzilishiga ko‘ra uzluklilik va uzluksizlikning birligidan iborat.