2. Kaliy dixromat — K2Cr2O7 ning 0,1-0,2 g (quruq) miqdori shuncha massa quruq va hovonchada maydalangan NaCl bilan aralashtirilib, aralashmaga 5-10 tomchi konsentrlangan H2SO4 qo`ng`ir rangli xromil xlorid gazi ajralib chiqadi:
4NaCl + K2Cr2O7 + 3H,SO4 → K2SO4 + 2CrO2Cl2- + 2Na2SO4+ 3H2O
Xromil xlorid yengil gidrolizlanadigan modda bo`lib, ishqor ishtirokida quyidagi reaksiya yuzaga keladi:
CrO2Cl2 + 4OH- → CrO42- + 2Cl-+ 2H2O
Ajralib chiqayotgan xromil xloridni ishqorga ho`llangan va reaksiya o`tkazilayotgan probirkaning eritmadan yuqoriroq qismiga kiritilgan shisha tayoqcha yordamida ushlab (ishqorga yutilish natijasida) qolish mumkin. Ushlab qolingan xromil xloridli probirkaga tushirilib, distillangan suv bilan yuvilsa va eritmaga sulfat yoki sirka kislota qo`shib, kislotali muhit hosil qilinsa, dixromat ioni hosil bo`ladi. Unga xos reaksiya bilan xlorid ionining borligiga ishonch hosil qilinqdi. Biroq bu reaksiyani bajarish ancha ehtiyotlikni talab etadi: ishqorga a ho`llangan shisha tayoqcha probirka devorlariga tegib ketmasligi va oldindan qolgan dixromat ioni bo`lmasligi kerak.
Agar tekshiriladigan obyekt eritma bo`lsa reaksiyani boshlashdan oldin eritma konsentrlanishi, so`ngra suv hammomida bug`latilib, quritilisi kerak (qattiq qizdirilganda uchuvchan xloridlarning yo`qotlish xavfi bor). Reaksiyani o`tkazganda dixromat xlorid nisbati buzilsa, xromil xlorid o`rniga erkin xlor ajraladi, bu esa reaksiyaning sezuvchanligini kamaytiradi:
