Fənn: Çıxan protezlərin hazırlanma texnikası
Şöbə: “Ortopedik stomatologiya”
2 nömrəli Bakı Baza Tibb Kolleci
53
MÖVZU 5.
Protezin polimerizasiyası.
Hazır protezin işlənməsi, pardaxlanması və cilalanması.
Polimerləşmə üçün əvvəlcə mum əridilir, tam yuyulur. Gips hələ isti ikən nazik qat
“İzokol”çəkilir. Sonra ikinci qat çəkilir. Bir süni dişə 1 qr (1 protezə 8-12qr) plastmas tozu (polimer)
götürülür və doyana qədər monomer əlavə edilir. Çini və ya şüşə bankada qarışdırılır. Süni dişlər və
klammerlər monomerlə yağsızlaşdırılır. Plastmas porsiyası götürülür, forma verilir və küvetin əsasına
doldurulur. Küvet bağlanır, preslənir, (10-15 dəq) sonra bügelə bərkidilir və polimerləşmə aparılır.
Polimerizasiya bitdikdən sonra (45 dəq) küvet açılır və plastmas protez qipsdən ayrılır. Protez abraziv
materiallarla işlənir - artıqlar və nahamarlıqlar götürülür. Bunun üçün ştixel, şaber, karborund frezlər,
almaz daşlar istifadə olunur (burğac maşınında və ya şlifmotorda). Ştixel dişarası sahələrin işlənməsi
üçün tətbiq olunur. Süni dişlərin boynu silindrik və konusvari frezlərlə işlənir. Şaber protez səthinin
nahamarlıqlarını götürür. Protez sahəsinə oturan tərəf işlənmir.
Pardaxlanma sumbata kagızı ilə aparılır və daha sonra şlifmotor və burğac maşını ilə davam
etdirilir. Beləliklə, protezin kənarı və xarici səthi pardaxlanır, daxili səth və süni dişlər pardaxlanmır.
Klammerlərin uclarına hamar forma verilir.
Protezin cilalanması ona təmizlik, möhkəmlik verməyi təmin edir, qulluğu asanlaşdırır.
Cilalanma güzgü parıltısı olana qədər aparılır. Protezin qızmasının qarşısını almaq üçün, onu daim
soyuq suya salmaq lazımdır.
Son güzgü parıltısı yumşaq fırça və tabaşirlə verilir. Metal klammerlərə parıltı QOİ pastası və
fırça ilə verilir.
| 
