Fəsil 2 Kompüter texnikası və şəbəkələr

Xüsusi manipulyatorlar. Adi siçan qurğusundan başqa, digər manipulyator tipləri də vardır. Məsələn: trekbollar (şək. 1.5.2.14), pen mouslar (şək. 1.5.2.15), infraqırmızı siçanlar (şək. 1.5.2.16).

Şək. 1.5.2.14.	Şək. 1.5.2.15.	Şək. 1.5.2.16.

Trekbol siçan qurğusundan fərqli olaraq stasionar qaydada quraşdırılır və onun kürəciyi əlin ovucu ilə qaydaya salınır (nizamlanır).

Trekbolun üstünlüyü ondan ibarətdir ki, onun hamar işçi müstəviyə ehtiyacı olmur, ona görə də trekbollar portativ (yığcam) fərdi kompyuterlərdə geniş tətbiq olunur.

Pen mous özündə diyircəkli avtomat qələmin analoqunu ifadə edir, ucunda yazan detal yerinə, yerdəyişmə kəmiyyətinin qeydiyyatını edən hissə (detal) quraş­dırılıb.

İnfraqırmızı siçan adi siçan qurğusundan sistem blokla simsiz rabitə qurğusunun olması ilə fərqlənir.

Kompyuter oyunları üçün və bəzi ixtisaslaşdırılmış imitatorlar üçün həmçi­nin coystiklərdən və onunla analoji olan coypadlar, qeympadlar və sükan-pedallı qurğulardan istifadə edirlər. Bu tipli qurğular, səs kartında olan xüsusi porta və ya USB portuna qoşulurlar.