REKURSİV FUNKSİYALAR
2.1. Əsas anlayışlar
İlk alqoritmik sistem rekursiv funksiyalar əsasında yaradılmışdır.Funksiyanın arqumentinin ixtiyari qiymətləri üçün təyin edilən funksiyanın qiyməti,təyin edilən funksiyanın arqumentinin kiçik qiymətləri vasitəsilə göstərilməsi üsulu rekursiya adlanır.
Alqoritmlər nəzəriyyəsinə rekursiv funksiyaların tətbiqi ixtiyari əlifbada sözlərin ardıcıl natural ədədlərlə nömrələnməsi ideyası əsasında edilmişdir.Belə nömrələnməni sadəcə olaraq sözlərin uzunluğunun artmasına görə, eyni uzunluqlu sözləri isə ixtiyari qaydada düzməklə həyata keçirmək olar.İxtiyari əlifba operatorunda giriş və çıxış sözlərinin nömrələnməsindən sonra operator y=f(x) funksiyasına çevrilir,haradaki, x arqumenti və y funksiyası mənfi olmayan tam qiymətlər alır. f(x) funksiyası x-in bütün qiymətləri üçün deyil,bu funksiyanın təyinetmə oblastına daxil olan qiymətlər üçün tərtib edilir.
Dostları ilə paylaş: | 
