Fotihbek Komilov Genetikadan masalalar yechish
Yüklə 0,64 Mb. Pdf görüntüsü
|
|
Fotihbek Komilov Genetikadan masalalar yechish 30 Polimeriya Polimeriyada bir-biriga allel bo‘lmagan genlar bir yo‘nalishda belgiga ta’sir ko‘rsatib uni rivojlantiradi. Polimer irsiylanish kumulativ va nokumulativ polimeriyaga ajratiladi. Kumulativ polimeriyada ikki juft noallel gen ishtirokida F2 da fenotip bo‘yicha nisbat 1:4:6:4:1 bo‘ladi. Odamlarda teri rangining irsiylanishini olish mumkin, bu belgi ikki juft noallel genning kumulativ ta’siriga bog‘liq holda yuzaga chiqadi. Nokumulativ polimeriyada genotipda polimer genlardan birorta dominant alleli bo‘lsa ham belgi yuzaga chiqaveradi. Dominant allellar soni belgining yuzaga chiqish darajasiga ta’sir ko‘rsatmaydi. Nokumulativ polimeriyada ikki juft noallel gen ishtirokida F2 da fenotip bo‘yicha nisbat 15:1 bo‘ladi. Masalan, jag‘-jag‘ o‘simligida qo‘zoqcha mevasi uchburchak va tuxumsimon shaklda bo‘ladi. Agar qo‘zoqchasi uchburchak jag‘-jag‘ bilan qo‘zoqchasi tuxumsimon shakldagi jag‘-jag‘ chatishtirilsa, F1 avlodda qo‘zoqcha mevalarning uchburchak shakli hosil bo‘ladi, F2 duragaylarining 15/16 qismi uchburchak, 1/16 qismi esa tuxumsimon shakldagi mevaga ega bo‘ladi. 1.O‘simliklar bo‘yining baland yoki past bo‘lishi bir necha dominant genlarning polimer ta’siriga bog‘liq. Masalan, jo‘xori o‘simligida o‘simlik bo‘yining 120 sm atrofida bo‘lishi AABB genotipga va 40 sm atrofida bo‘lishi aabb genotipga bog‘liq. Agar o‘simlikning bo‘yi genotipdagi dominant genlarning soniga bog‘liq bo‘lsa, digeterozigota organizmlar chatishtirilishidan hosil bo`lgan o‘simliklarning ichida eng baland bo‘ylilar umumiy o`simliklarning necha foizini tashkil etadi? Yechish: AABB genotipli organizm 120 cm bo`lsa, har bir dominant gen 120/4=30 cm uzunlik hosil qiladi. aabb genotipli organism esa 40 cm bo`lib, har bir retsessiv gen hissasiga 40/4=10 cm dan to`g`ri keladi. Misol uchun, AAbb da 2 ta dominant gen va 2 ta retsessiv gen mavjudligi uchun, 30+30+10+10=60 cm bo`ladi. Yuqoridagi masalada kumulativ irsiylanish kuzatilganini bilgan holda, digeterozigota organizmlarni o`zaro chatishtiramiz: P AaBb x AaBb Yüklə 0,64 Mb. Dostları ilə paylaş:
|