Germaniya va O’zbekistonning ilmiy – texnikaviy, madaniy, fan va ta’lim sohasidagi aloqalari.
Ilmiy-texnikaviy va madaniy aloqalar mashhur nemis jamg’arma va fondlari, notijorat tashkilotlar hisoblangan, “Konrad Adenauer”, “Fridrix Ebert”, “Aleksandr fon Gumbolt”, “DAAD”, “Gyote instituti”, “Karl Duseyberg” kabilar bilan olib borilmoqda. DAAD dasturlari bo’yicha, 1993-2003 yillar davomida respublikamizning 500 nafar talaba va o’quvchilari Germaniya oliygohlarida bo’ldi. 1998 yil 97 nafar, 1999 yil 13 nafar, 2000 yil 19 nafar o’zbekistonlik talaba “Umid” jamg’armasi orqali o’qish uchun yuborildi.
Ilmiy-texnikaviy va madaniy aloqalar mashhur nemis jamg’arma va fondlari, notijorat tashkilotlar hisoblangan, “Konrad Adenauer”, “Fridrix Ebert”, “Aleksandr fon Gumbolt”, “DAAD”, “Gyote instituti”, “Karl Duseyberg” kabilar bilan olib borilmoqda. DAAD dasturlari bo’yicha, 1993-2003 yillar davomida respublikamizning 500 nafar talaba va o’quvchilari Germaniya oliygohlarida bo’ldi. 1998 yil 97 nafar, 1999 yil 13 nafar, 2000 yil 19 nafar o’zbekistonlik talaba “Umid” jamg’armasi orqali o’qish uchun yuborildi.
Jamoat va ijodiy uyushmalar ishtirokida hamda bevosita tashkilotchiligida har 2-3 yilda bir bor Germaniyada “O’zbekiston kunlari”, O’zbekistonda “Germaniya haftaligi” tadbirlari o’tkazilishi an’anaga aylangan. Ushbu tadbirlar doirasida o’tkazilayotgan betakror o’zbek qo’shiqchilik va raqs san’ati, milliy hunarmandchilik buyumlari ko’rgazmasi kabilar nemis jamoatchiligida katta qiziqish uyg’otmoqda.
III.2. Adabiyot, san’at, fan va ta’lim sohasidagi o’zaro hamkorlik
Germaniya va Mustaqil O’zbekiston o’zaro hamkorligining adabiyot, san’at, fan va ta’lim sohasidagi boy tajribasi to’plandi. Ushbu bo’limda tarixiy hujjatlar va adabiyotlar tahlili orqali mazkur tajriba va natijalarni tadqiq qilishni ko’zladik.
Jumladan, “Madaniy hamkorlik haqidagi bitim”ning 17-moddasiga muvofiq 1999 yil oktyabrida o’zbek-nemis aralash komissiyasining sessiyasi kelgusi hamkorlik rejalarini belgilab berdi. Aralash komissiya delegastiyalariga o’zbek tomonidan Respublika Oliy va o’rta maxsus ta’lim vaziri o’rinbosari, nemis tomonidan erkin shahar Hamburgning maktab, yoshlar va professional ta’lim bo’yicha Davlat maslahatchisi Xermann Longelar rahbarlik qilgan edilar. Tomonlar o’zbek-nemis madaniy ayirboshlashning hozirgi shuningdek, keyingi madaniy hamkorlik takliflari holatini muhokama qildilar. Ko’rilgan va muhokama qilingan masalalar qatorida 1998 yil 1 aprelda Toshkentda Gyote institutining faoliyat boshlaganini mamnuniya bilan qayd etdilar.
