Global iqtisodiy rivojlanish

10.3-jadval
Rivojlanishning har bir bosqichida asosiy uch guruh ko‘rsatkichlarining ulushi, % da¹⁹⁹

Subindekslar	Resurslarga yo‘naltirilgan bosqich	Samaradorlikka yo‘naltirilgan bosqich	Innovatsiyaga yo‘naltirilgan bosqich
Bazaviy talablar	60	40	20
Samaradorlik ko‘rsatkichlari	35	50	50
Innovatsion salohiyat va rivojlanish omillari	5	10	30

Angola va AQSh misolida ko‘radigan bo‘lsak, agar Angola uchun eng muhim vazifa bazaviy talablarga (ishlab chiqarishni mavjud resurslarni maksimal jalb etgan holda rivojlantirish) erishish bo‘lsa, AQShda allaqachon innovatsion omillarga e’tibor qaratilgan.
10.9-rasm. Raqobatbardoshlik ko‘rsatkichlarining guruhlanishi²⁰⁰
Mamlakatlar rivojlanish bosqichlariga ko‘ra quyidagi ikki mezon bo‘yicha guruhlanadi (10.4-jadval):
- aholi jon boshiga to‘g‘ri keluvchi YaIM hajmi (bozor baholarida);
- mamlakatning omillarga bog‘liqlik darajasi. Ushbu ko‘rsatkich xomashyo eksportining umumiy eksportdagi ulushi orqali aniqlanadi.
Eksportning 70% dan ortig‘i xomashyo yetkazib beruvchi mamlakatlar resurslariga bog‘liq bo‘ladi.
Ushbu uch bosqich tarkibidagi qaysidir ikki bosqichi o‘rtasida joylashgan mamlakatlar “o‘tish bosqichidagi” mamlakatlar hisoblanadi (10.5-javdal).