13.7-chizma. Korxonada boshqaruv jarayonining modeli
Bozor iqtisodiyoti sharoitida menejment milliy iqtisodiyotning birlamchi bo’g’ini bo’lgan korxonalarni samarali faoliyat ko’rsatishi va ularni istiqbolli ta’minlovchi asosiy omillardan biri hisoblanadi.
Makroiqtisodiyot nuqtai nazaridan korxonalarning samarali rivojlanishi quyidagi ijobiy afzalliklarga ega:
– birinchidan, aholining mavjud extiyojlarini to’laroq qondirishga imkon beradi;
– ikkinchidan, iqtisodiy o’sishni ta’minlaydi. Bu esa bevosita yalpi ichki mahsulot miqdorining o’sishida namoyon bo’ladi;
– uchinchidan, aholining yashash darajasi, farovonligini yaxshilaydi;
– to’rtinchidan, mehnat resurslarini ish bilan ta’minlashga ko’maklashadi.
Mikroiqtisodiy nuqtai nazardan esa, korxona olayotgan foyda miqdorining oshishi natijasida xodimlarning daromadlari ko’payadi, jamg’arishga ko’proq mablag’ ajratilishi natijasida korxonaning ichki investitsiya qilish imkoniyatlari oshadi. Bu esa uning innovatsion asosda rivojlanishiga imkon beradi. Eng asosiysi, korxonani mahsulotga bo’lgan talabi ko’proq darajada qondirilib boriladi.
Amaliyotda, ko’pchilik hollarda qabul qilinadigan qarorlar tor doiraga ega bo’lib, korxonani istiqbolli rivojlantirish yo’nalishlari va tamoyillarini ifodalay olmaydi. Bu holat esa respublikamiz korxonalarida boshqaruv qarorlarini qabul qilishning aniq bosqichlarini ishlab chiqish zaruratini yuzaga keltiradi (13.8-chizma).
1-bosqich
Muammoni aniqlash
2-bosqich
Amalga oshiriladigan muqobil chora-tadbirlarni ishlab chiqish
3-bosqich
Har bir muqobil variantlarining xo’jalik muomalalariga ta’sirini tahlil qilish
4-bosqich
Qarorlar qabul qilish: yuqori samarali variantni tanlash
5-bosqich
Qabul qilingan qarorlar natijasini tahlil qilish (teskari aloqa)
6-bosqich
Yakuniy bosqich – qo’yilgan muammoni hal etish
