Harbiy-texnik instituti m. X. Rustambayev
Yüklə 3,11 Mb. Pdf görüntüsü
|
|
6-§. Jinoyatga daxldorlik
NOTA BENE ! Jinoyatga daxldorlik – bu jinoiy daxldorlikning jinoyat haqida oldindan va’da bermagan holda xabar qilmaslik, oldindan va’da bermagan holda jinoyatchini yashirganlik va oldindan va’da bermagan holda jinoyatga yo‘l qo‘yganlikda ifodalanuvchi bajaruvchining qilmishi bilan sababiy bog‘lanishda bo‘lmagan shaklidir. Daxldorlik ishtirokchilikdan shu bilan farqlanadiki, bunda jinoyatga daxldor shaxslar sodir etilgan jinoyatga muayyan munosabatda daxldor bo‘lsalar-da, u bilan sababiy bog‘lanishda bo‘lmaydilar, jinoiy natijaning kelib chiqishiga ko‘maklashmaydilar. Jinoyatga daxldorlik jinoiy javobgarlikni keltirib chiqaradigan va jinoiy javobgarlikni keltirib chiqarmaydigan bo‘lishi mumkin. Jinoiy javobgarlikni keltirib chiqaradiganlarga oldindan va’da bermagan holda jinoyat sodir etilayotganligi yoki jinoyat sodir etilganligi haqida aniq bila turib, oldindan va’da bermagan holda hokimiyat organlariga xabar 336 qilmaslik yoxud jinoyat sodir qilishga yo‘l qo‘yib berish 1 (JK 205-, 208- moddalari va boshqalar), oldindan va’da bermagan holda xabar qilmaslik va oldindan va’da bermagan holda yashirganlik, agar mazkur holatlar o‘ta og‘ir va og‘ir jinoyatlar bilan bog‘liq bo‘lsa (JK 241-moddasi), kabilarni aytish mumkin. Jinoyatga daxldorlikning ijtimoiy xavfliligi shundan iboratki, u huquqni muhofaza etish organlariga o‘z faoliyatini, xususan, jinoyat sodir etishning oldini olish faoliyatini samarali amalga oshirishga to‘sqinlik qiladi. Jinoyat haqida xabar qilmaslik, jinoyatni yashirish singari, jinoyatchilarda yoki jinoyat sodir etish niyatida bo‘lgan shaxslarda jazosiz qolish hissini vujudga keltiradi, ongda salbiy tasavvurni shakllantiradi, muayyan hollarda og‘ir va o‘ta og‘ir jinoyat sodir etgan aybdor shaxslarning javobgarlikdan va jazodan qutulib qolishiga yordam beradi. Yüklə 3,11 Mb. Dostları ilə paylaş:
|