Hayot faoliyati havfsizligi

 
 


 

---

3 
 
 
Kirish  
 Men yoshlarimizga murojaat qilar ekanman, ularga doimo: 
“Biz 
buyuk 
ajdodlarimiz 
bilan 
faxrlanishimiz, 
g’ururlanishimiz kerak”, deb aytaman. Ayni vaqtda “Faqat 
g’ururlanishning o’zi yetarli emas, kelinglar, o’zimiz ham, 
xuddi ular kabi, mana shu bebaho merosga o’z hissamizni 
qo’shaylik!” deb takrorlayman.
I.A.Karimov 
Ma’lumki, o’rta asrlarda yashab, ijod etgan Sharq allomalari madaniyat va 
ta’lim-tarbiya, tibbiyot, adabiyot, san’at va arxitektura sohalariga o’zlarining 
beqiyos hissalarini qo’shgan. Ular uyg’onish davrining asoschilari, ilm-fan rivojiga 
ulkan hissa qo’shgan buyuk daholardir. Ular tufayli ilmiy maktablarning vujudga 
kelishi, yangi-yangi iste’dodli avlodlar to‘lqinining paydo bo‘lishi va voyaga 
yetishi – bularning barchasi birinchi navbatda iqtisodiyot, qishloq va shahar 
xo‘jaligining ancha jadal o‘sishi, hunarmandlik va savdo-sotiqning yuksak 
darajada rivojlanishi, yo‘llar qurilishi, yangi karvon yo‘llarining ochilishi va turli 
inshootlarning paydo bo’lishi bilan bog’liq bo’lgan.
2014-yilning 15-16-may kunlari Samarqand shahrida “O’rta asrlar Sharq 
allomalari va mutafakkirlarining tarixiy merosi, uning zamonaviy sivilizatsiya 
rivojidagi roli va ahamiyati” mavzusida xalqaro konferensiya bo’ldi. 
Prezidentimiz Islom Karimovning 2014-yil 1-apreldagi farmoyishiga 
muvofiq tashkil etilayotgan ushbu anjumanda AQSH, Buyuk Britaniya, Italiya, 
Xitoy, Janubiy Koreya, Germaniya, Yaponiya, Hindiston, Misr, Indoneziya, 
Saudiya Arabistoni, Quvayt, Rossiya va Ozarbayjon kabi ellikka yaqin 
mamlakatdan olimlar, nufuzli xalqaro tashkilotlar rahbar va vakillari, ilmiy
markazlar va institutlar mutaxassislari, ekspertlar ishtirok etishi kutildi. Butun 
dunyoda buyuk ajdodlarimizning so‘nmas dahosiga hurmat-ehtirom, ularning boy 
ilmiy merosini o‘rganishga qiziqish hamisha yuqori bo‘lgan. Xorijiy 

---

4 
mamlakatlarda ularning hayoti va faoliyati haqida ilmiy va badiiy asarlar 
yaratilgan, ulug‘ ajdodlarimiz xotirasiga yodgorliklar barpo etilgan. 
Mustaqillik yillarida bu qiziqish yanada ortdi. Mamlakatimizda xalqaro 
ilmiy-madaniy hamkorlik keng yo‘lga qo‘yildi, ushbu mavzuga bag‘ishlagan yirik 
ilmiy anjumanlar tashkil etildi. Buyuk olim va mutafakkirlarimiz, qadimiy 
shaharlarimizning yubileylari xalqaro miqyosda nishonlandi. Prezidentimiz 
rahnamoligida ulug‘ allomalarimiz, aziz-avliyolarimiz qadamjolari obod 
etilmoqda. Milliy ma’naviy merosni tiklash va asrab-avaylash, ilm-fan va ta’limni 
rivojlantirishga alohida e’tibor qaratilmoqda. 
Samarqand shahrida o‘tkaziladigan xalqaro ilmiy konferensiya ana shu 
yuksak e’tibor, buyuk ajdodlarimiz ilmiy merosiga hurmat va qiziqish tobora oshib 
borayotganiga yorqin dalildir. 
Sharq va G‘arbni o‘zaro bog‘lagan, Buyuk ipak yo‘lidagi turli 
sivilizatsiyalar tutashadigan muhim chorraha sanalgan yurtimiz azaldan olimu 
ulamolari, fozilu fuzalolari bilan dovruq qozongan. Ona zaminimizda tug‘ilib, 
kamolga yetgan ulug‘ allomalar jahon sivilizatsiyasiga ulkan hissa qo‘shganlar.