Həkim-gigiyenistin nümunəvi vəzifə
Yüklə 137,83 Kb. Pdf görüntüsü
|
|
Azərbaycan Respublikası Səhiyyə Nazirinin 19 sentyabr 2012-ci il tarixli 70 nömrəli əmri ilə təsdiq edilmişdir.
1. Bu vəzifə təlimatı həkim-gigiyenistin vəzifə öhdəliklərini, hüquq və məsuliyyətini müəyyən edir. 2. Həkim-gigiyenist vəzifəsinə baza ali tibb təhsili olan şəxs təyin edilir. Respublika mərkəzlərində ali tibb təhsili olan və qanunvericiliklə müəyyən edilmiş qaydada “gigiyena” ixtisası üzrə peşə hazırlığı keçmiş, ixtisası üzrə ən azı 2 il əmək stajına malik şəxs təyin edilir. 3. Həkim-gigiyenist Azərbaycan Respublikasının qüvvədə olan qanunvericiliyinə uyğun olaraq tibb müəssisə rəhbərinin əmri ilə vəzifəyə təyin olunur və vəzifədən azad edilir. 4. Həkim-gigiyenist bilavasitə şöbə müdirinin tabeliyində fəaliyyət göstərməklə, tibb müəssisəsinin rəhbərinə və ya onun müavininə tabe olur. 5. Həkim-gigiyenist aşağıdakıları bilməlidir: 5.1.Azərbaycan Respublikasının Konstitusiyasını, Azərbaycan Respublikasının səhiyyə qanunvericiliyinin və Əmək Məcəlləsinin əsaslarını; 5.2. səhiyyə müəssisələrinin, o cümlədən dövlət sanitariya-epidemioloji xidmətin fəaliyyətini tənzimləyən normativ hüquqi aktları; 5.3. sosial gigiyenanın əsaslarını və sanitariya-epidemioloji xidmətin təşkilini; 5.4. sanitariya qanunvericiliyini, sanitariya epidemioloji xidmətin fəaliyyətinin hüquqi əsaslarını; 5.5. sanitariya-epidemioloji xidmətin işinin planlaşdırılması prinsiplərini, forma və metodlarını; 5.6. təşkilati-sərəncamçı sənədləri, kargüzarlıq qaydalarını; 5.7. laboratoriyanın işinin təşkilini; 5.8. gigiyenik tərbiyənin və sağlam həyat tərzinin formalaşdırılmasının məqsəd və vəzifələrini, forma və metodlarını; 5.9. inkişaf edən orqanizmin anatomik-fizioloji, yaş və cinsi xüsusiyyətlərini, orqanizmdə patoloji proseslərin baş vermə səbəblərini və onların inkişafı mexanizminin əsaslarını; 5.10. ətraf mühitin kimyəvi, fiziki və bioloji faktorlarının, fəaliyyətin müxtəlif növlərinin və yol verilən optimal iş yükünün gigiyenik normalaşdırma prinsiplərini; 5.11. tədqiqatın gigiyenik, fizioloji, klinik, fiziki, kimyəvi, statistik, laborator və instrumental metodlarının əsaslarını;
2 5.12.epidemiologiyanın ümumi qanun və meyarlarının ümumi prinsiplərini, yoluxucu xəstəliklərin bioekoloji xarakteristikasını, epidemiologiyasını və onun inkişafına təsir edən faktorları; 5.13. epidemiya əleyhinə tədbirlər sistemini, yoluxucu xəstəliklərin profilaktikası prinsiplərini və aradan qaldırılması yollarını; 5.14. gigiyenik və sağlamlaşdırıcı tədbirlərin təşkili və aparılmasını; 5.15. əmək fəaliyyətinin təşkilinin nəzəri əsaslarını və gigiyenik prinsiplərini; 5.16. istehsalat mühiti faktorlarının gigiyenik xarakteristikasını (səs, toz, işıqlanma, titrəyiş, mikroiqlim); 5.17. peşə yönümünün tibbi aspektlərini, peşələrin sanitariya gigiyenik
xarakteristikasının tərtibi metodikasını; 5.18. əhalinin səmərəli qidalanmasının nəzəri əsaslarını, vacib qida məhsullarının qida dəyərliliyini; 5.19. fiziki tərbiyənin nəzəri əsaslarını, təşkilinin forma və metodlarını; 5.20.yaşayış yerlərinin (məntəqələrinin) layihələndirilməsi, tikintisi və abadlaşdırılmasının əsas müddəalarını; 5.21. obyektlərin tikintisi, yenidən qurulması üzərində aparılan dövlət sanitariya nəzarətinin mahiyyətini, forma və metodlarını; 5.22. xəbərdaredici və cari sanitariya nəzarətinin mahiyyətini, təşkili və metodlarını; 5.23. mülki müdafiənin tibb xidmətinin təşkili və fəaliyyəti məsələlərini; 5.24. sanitariya maarifləndirmənin əsaslarını; 5.25. daxili əmək intizamı qaydalarını, əməyin mühafizəsi, təhlükəsizlik texnikası və yanğına qarşı mühafizə qayda və normalarını; 5.26. sənədlərin tərtibatı qaydalarını, sanitariya-epidemioloji ekspertizanın keçirilməsi qaydalarını; 5.27. Kompyuterlə və digər müasir informasiya texnologiyları vasitələri ilə işləməyi; 5.28. kommunal gigiyena, qidalanma gigiyenası, uşaq və yeniyetmələr gigiyenası, əmək gigiyenası və ətraf mühitin mühafizəsi, radiasiya gigiyenası üzrə digər məsələləri peşəkar səviyyədə bilməlidir.
6. Həkim-gigiyenist sanitariya qaydalarına, gigiyena normativlərinə riayət edilməsinə, sanitariya-gigiyenik və epidemiya əleyhinə (profilaktik) tədbirlərin təşkili və aparılmasına nəzarəti həyata keçirir. 8. Əhali arasında xəstələnmənin baş verməsi və yayılmasının səbəbləri və şəraitini müəyyən edir. 9. Sanitariya-epidemioloji salamatlığın təmin olunmasının məqsədli proqramlarının işlənib hazırlanmasında və həyata keçirilməsində iştirak edir. 10. Sanitariya-epidemioloji salamatlığın təmin olunması sahəsində ərazilərin sosial-iqtisadi inkişafı proqramlarının layihələri üzrə təkliflərin hazırlanmasında iştirak edir.
3 11. Sanitariya epidemioloji ekspertizanı, araşdırma, müayinə, təhqiqat, sınaq, eləcə də toksikoloji, gigiyenik və digər qiymətləndirmə növlərini həyata keçirir. 12. Əhalinin gigiyenik tərbiyəsi üzrə işi təşkil edir və həyata keçirir. 13. Sosial-gigiyenik monitorinqin aparılmasında iştirak edir. 14. Öz ixtisası üzrə sanitariya-epidemioloji rəyləri hazırlayır. 15. Başqa bölmələrin həkimlərinə gigiyena ixtisası üzrə məsləhət yardımı göstərir. 16. Ona tabe orta və kiçik tibb heyətinin işinə rəhbərlik edir, öz vəzifə öhdəliklərinin yerinə yetirilməsində onlara kömək edir. 17. Cihaz və avadanlıqların istismarının düzgünlüyünə, orta və kiçik tibb heyəti tərəfindən təhlükəsizlik texnikası və əməyin mühafizəsi qaydalarına riayət edilməsinə yardım göstərir. 18. Tibb heyətinin ixtisasının artırılması üzrə məşğələlərin aparılmasında iştirak edir. 19. Öz işini planlaşdırır və iş fəaliyyətinin göstəricilərini təhlil edir. 20. Tibbi və digər sənədlərin müəyyən edilmiş qaydalara uyğun olaraq vaxtında və keyfiyyətli rəsmiləşdirilməsini təmin edir. 21. Sanitariya-maarifləndirmə işini aparır. 22. Həkim etikasının qayda və prinsiplərinə riayət edir. 23. Müəssisə rəhbərliyinin əmr, sərəncam və tapşırıqlarını, eləcə də öz peşə fəaliyyəti üzrə normativ hüquqi aktları vaxtında icra edir. 24. Daxili intizam, yanğın təhlükəsizliyi və təhlükəsizlik texnikası qaydalarına, sanitariya-epidemioloji rejimə riayət edir. 25. Mülki müdafiə işlərinin təşkilində və həyata keçirilməsində iştirak edir; 26. Kommunal gigiyena, qidalanma gigiyenası, uşaq və yeniyetmələr gigiyenası, əmək gigiyenası və ətraf mühitin mühafizəsi, radiasiya gigiyenası üzrə digər məsələlərin dövlət sanitariya nəzarəti qaydasında həll edilməsini təmin edir. 27. Mütəmadi olaraq öz ixtisasını artırır.
Hüquqları 28. Həkim-gigiyenistin aşağıdakı hüquqları vardır: 28.1. Azərbaycan Respublikasının sanitariya qanunvericiliyi ilə verilmiş, özünə aid olan səlahiyyətlərdən tam istifadə etmək; 28.2. dövlət sanitariya-epidemioloji nəzarətinin təkmilləşdirilməsi, özünün əmək fəaliyyətinin təşkilinin və şəraitinin yaxşılaşdırılması üzrə rəhbərliyə təkliflər vermək; 28.3. tabeliyində olan orta və kiçik tibb heyətinin işinə nəzarət etmək, göstərişlər vermək və onlardan dəqiq icra tələb etmək, onların həvəsləndirilməsi və tənbeh edilməsi üzrə rəhbərliyə təkliflər vermək; 28.4. öz vəzifə öhdəliklərinin icrası üçün zəruri olan informasiya materiallarını və normativ-hüquqi sənədləri tələb etmək, əldə etmək və istifadə etmək; 28.5. onun işi ilə bağlı məsələlərin müzakirə olunduğu elmi-praktik konfranslarda və müşavirələrdə iştirak etmək; 4 28.6. qanunvericiliklə müəyyən edilmiş müddətdə işlədiyi sahə üzrə təkmilləşdirmə kurslarından keçmək; 28.7. müəyyən olunmuş qaydada sertifikasiyadan keçmək; 28.8. müəyyən olunmuş qaydada ixtisas kateqoriyası almaq məqsədilə attestasiyadan keçmək; 29. Həkim-gigyenist Azərbaycan Respublikasının Əmək Məcəlləsinə uyğun olaraq bütün əmək hüquqlarından istifadə edir.
30. Həkim-gigiyenist aşağıdakılara görə məsuliyyət daşıyır: 30.1. ona həvalə olunmuş vəzifə öhdəliklərinin vaxtında və keyfiyyətli həyata keçirilməsinə; 30.2. öz fəaliyyəti üzrə rəhbərliyin əmr, sərəncam və tapşırıqlarının, normativ- hüquqi aktların tələblərinin vaxtında və peşəkar səviyyədə yerinə yetirilməsinə; 30.3. daxili intizam, yanğın təhlükəsizliyi və təhlükəsizlik texnikası qaydalarına riayət edilməsinə; 30.4. qüvvədə olan normativ hüquqi sənədlərdə nəzərdə tutulmuş tibbi və digər xidməti sənədlərin vaxtında və keyfiyyətli tərtib edilməsinə; 30.5. öz fəaliyyəti üzrə statistik və digər informasiyaların müəyyən olunmuş qaydada təqdim edilməsinə; 30.6. ona tabe olan işçilərin icra intizamına və vəzifə öhdəliklərinin yerinə yetirilməsinə; 30.7. tibb müəssisəsinin fəaliyyətinə, işçilərinə təhlükə yaradan təhlükəsizlik texnikası, yanğına qarşı və sanitariya qaydalarının pozulmasının aradan qaldırılması üzrə, rəhbərliyin vaxtında məlumatlandırılması da daxil olmaqla, operativ tədbirlər həyata keçirilməsinə görə məsuliyyət daşıyır. 31. Həkim-gigiyenist əmək intizamının, qanunvericilik və normativ-hüquqi aktların pozulmasına görə qüvvədə olan qanunvericiliyə əsasən, hərəkətin ağırlıq dərəcəsindən asılı olaraq, intizam, maddi, inzibati və ya cinayət məsuliyyətinə cəlb edilə bilər. Yüklə 137,83 Kb. Dostları ilə paylaş:
|