Həkim-parazitoloqun nümunəvi vəzifə
Yüklə 30,87 Kb. Pdf görüntüsü
|
- Bu səhifədəki naviqasiya:
- II.Vəzifə öhdəlikləri
|
Azərbaycan Respublikası Səhiyyə Nazirinin 19 sentyabr 2012-ci il tarixli 70 nömrəli əmri ilə təsdiq edilmişdir.
1. Bu vəzifə təlimatı həkim-parazitoloqun vəzifə öhdəliklərini, hüquq və məsuliyyətini müəyyən edir. 2.
Həkim-parazitoloq vəzifəsinə baza ali tibb təhsili olan şəxs təyin edilir. Elmi-tədqiqat institutlarının klinikalarında, respublika mərkəzlərində ali tibb təhsili olan və qanunvericiliklə müəyyən edilmiş qaydada “epidemiologiya” ixtisası üzrə peşə hazırlığı keçmiş, ixtisası üzrə ən azı 2 il əmək stajına malik şəxs təyin edilir. 3. Həkim-parazitoloq Azərbaycan Respublikasının qüvvədə olan qanunvericiliyinə uyğun olaraq tibb müəssisə rəhbərinin əmri ilə vəzifəyə təyin olunur və vəzifədən azad edilir. 4. Həkim-parazitoloq bilavasitə şöbə müdirinəin tabeliyində fəaliyyət göstərməklə, tibb müəssisəsinin rəhbərinə və ya onun müavininə tabe olur. 5. Həkim-parazitoloq aşağıdakıları bilməlidir: 5.1. Azərbaycan Respublikasının Konstitusiyasını, Əmək məcəlləsinin və Azərbaycan Respublikasının səhiyyə qanunvericiliyinin əsaslarını; 5.2. səhiyyə müəssisələrinin, o cümlədən dövlət sanitariya-epidemioloji
xidmətin fəaliyyətini tənzimləyən normativ hüquqi aktları; 5.3. sosial gigiyenanın əsaslarını, səhiyyənin və sanitariya-epidemioloji xidmətin təşkilini; 5.4. səhiyyə müəssisələrinin, o cümlədən dövlət sanitariya-epidemioloji xidmətin fəaliyyətini, tənzimləyən normativ hüquqi aktları; sanitariya qanunvericiliyini, sanitariya epidemioloji xidmətin fəaliyyətinin hüquqi əsaslarını; 5.5. sanitariya-epidemioloji xidmətin işinin planlaşdırılması prinsiplərini, forma və metodlarını; 5.6. təşkilati-sərəncamçı sənədləri, kargüzarlıq qaydalarını; 5.7. laboratoriyaların işinin təşkili; tədqiqatın gigiyenik, fizioloji, klinik, fiziki, kimyəvi, statistik, laborator və instrumental metodlarını; 5.8. epidemiologiyanın ümumi qanun və meyarlarını, yoluxucu xəstəliklərin bioekoloji xarakteristikasını, epidemik prosesi və onun inkişafına təsir edən faktorları; 5.9. epidemiya əleyhinə tədbirlər sistemini; 5.10. yoluxucu xəstəliklərin profilaktikası prinsiplərini və ardan qaldırılması yollarını;
2 5.11. gigiyenik və sağlamlaşdırıcı tədbirlərin təşkili və aparılmasını; 5.12. cari sanitariya nəzarətinin mahiyyətini, təşkili və metodlarını; 5.13. mülki müdafiənin tibb xidmətinin təşkili və fəaliyyəti məsələlərini; 5.14. sanitariya-maarifləndirmənin əsaslarını; 5.15. Parazitologiyanın mahiyyətini, parazitoloji xidmətin təşkilini, strukturunu, vəzifələrini, parazitologiya üzrə hüquqi-normativ və təlimat-metodik sənədləri; 5.16. sənədlərin düzgün tərtibatını 5.17.parazitoloji xidmətin fəaliyyətinin planlaşdırılmasını və hesabatını, onun fəaliyyətinə nəzarətin qayda və üsullarını; 5.18. kompyuter və digər müasir informasiya texnologiyaları vasitələri ilə işləməyi; 5.19. daxili əmək intizamı qaydalarını, əməyin mühafizəsi, təhlükəsizlik texnikası və yanğına qarşı mühafizə qayda və normalarını bilməlidir.
6. Həkim-parazitoloq tibbi praktikada tətbiqinə icazə verilmiş müasir profilaktika, diaqnostika, müalicə və reabilitasiya metodlarından istifadə edilməklə parazitar və transmissiv xəstəlikli xəstələrə ixtisaslaşdırılmış tibbi yardım göstərilməsinə və belə xəstəlik ocaqlarında profilaktik tədbirlərin aparılmasına nəzarət edir
7. Müəyyən edilmiş qaydalara və standartlara uyğun olaraq parazitar və transmissiv xəstəlikli xəstələrin müalicəsinin aparılması taktikasının müəyyən edirlməsində; pasiyentin vəziyyətindən asılı olaraq müalicə planına dəyişiklik edirlməsində və əlavə müayinə metodlarının tətbiqində iştirak edir. 8. Parazitar və transmissiv xəstəliklərin qarşısının alınması və azaldılması üzrə tədbirlərin keçirilməsini təşkil edir. 9. Tibb müəssisələri üçün parazitar və transmissiv xəstəliklərin profilaktikası və onlarla mübarizə məsələləri üzrə informasiya-analitik materialları hazırlayır. 10. Müalicə-profilaktika və digər müəssisələr və idarələrlə birlikdə parazitar və transmissiv xəstəliklərin yayılmasının qarşısının alınması və ləğv edilməsi üzrə tədbirlər həyata keçirir. 11. Parazitar və transmissiv xəstəliklərin mənbələrinin aşkar olunması zamanı, onların epidemioloji müayinəsini aparır və sağlamlaşdırılması üzrə işi təşkil edir. 12. Xidmət ərazisində tibb müəssisələrinin parazitar və transmissiv xəstəliklərin profilaktikası üzrə işinə, eləcə də digər obyektlərdə sanitariya-gigiyenik, epidemiya əleyhinə rejimə riayət edilməsinə, bu xəstəliklərin profilaktikasına aid tədbirlərin yerinə yetirilməsinə metodik rəhbərlik və nəzarəti həyata keçirir (məktəbəqədər, məktəb, yay uşaq sağlamlıq müəssisələri, sənaye müəssisələri, və s.). 13. Parazitar xəstəliklərin mikroskopik və immunoloji diaqnostikası üzrə laborator xidmətin işinin keyfiyyətinə nəzarəti həyata keçirir. 14. Parazitar və transmissiv xəstəliklərin profilaktikası və onlarla mübarizə üzrə tədbirlərin keyfiyyətinin təhlilini aparır. 15. Parazitar və transmissiv xəstəliklərin profilaktikası və onlarla mübarizə üzrə işin kompleks planlarının layihələrini tərtib edir. 3 16. Parazitar və transmissiv xəstəliklərinin profilaktikası üçün dərman tələbatını planlaşdırırlmasında iştirak edir, onların düzgün saxlanılması və istifadəsinə nəzarəti həyata keçirir. 17. Parazitar və transmissiv xəstəliklərin aşkar edilməsinə, qeydiyatına və hesabatına nəzarət edir, müvafiq sənədləşməni təmin edir. 18. Həkim və orta tibb işçilərinin parazitar xəstəliklərin epidemiologiyası, profilaktikası və laborator diaqnostikası biliklərin artırılmasına köməklik göstərir. 19. Sanitariya qaydalarına, gigiyena normativlərinə riayət edilməsinə, epidemiya əleyhinə (profilaktik) tədbirlərin təşkilini və aparılmasına nəzarəti həyata keçirir. 20. Sanitariya-epidemioloji ekspertizanı, araşdırma, müayinə, tədqiqat, sınaq, gigiyenik, parazitoloji və digər qiymətləndirmə növlərinin təşkil edilməsində iştirak edir.
21. Sosial-gigiyenik monitorinqin aparılmasında iştirak edir. 22. Öz ixtisası üzrə sanitariya-epidemioloji rəylər verir. 23. Başqa bölmələrin mütəxəssislərinə öz ixtisası üzrə məsləhət yardımı göstərir. 24. Ona tabe orta və kiçik tibb heyətinin işinə rəhbərlik edir, öz vəzifə öhdəliklərinin yerinə yetirilməsində onlara kömək edir. 25. Cihaz və avadanlıqların istismarının düzgünlüyünə, orta və kiçik tibb heyəti tərəfindən təhlükəsizlik texnikası və əməyin mühafizəsi qaydalarına riayət edilməsinə nəzarət edir. 26. İxtisasartırma üzrə məşğələlərin aparılmasında iştirak edir. 27. Tibbi və digər aidiyyati sənədlərin müəyyən edilmiş qaydalara uyğun olaraq vaxtında və keyfiyyətli rəsmiləşdirilməsini təmin edir. 28. Sanitariya-maarifləndirmə işi aparır. 29. Həkim etikasının qayda və prinsiplərinə riayət edir. 30. Müəssisə rəhbərliyinin əmr, sərəncam və tapşırıqlarını, eləcə də öz peşə fəaliyyəti üzrə normativ hüquqi aktları vaxtında icra edir. 31. Daxili intizam, yanğın təhlükəsizliyi və təhlükəsizlik texnikası qaydalarına, sanitariya-epidemioloji rejimə riayət edir. 32.Mülki müdafiə işlərinin təşkilində və həyata keçirilməsində iştirak edir. 33. Mütəmadi olaraq öz ixtisasını artırır.
34. Həkim-parazitoloqun aşağıdakı hüquqları vardır: 34.1. Azərbaycan Respublikasının sanitariya qanunvericiliyi ilə verilmiş, özünə aid olan səlahiyyətlərdən tam istifadə etmək; 34.2. dövlət sanitariya-epidemioloji nəzarətinin təkmilləşdirilməsi, özünün əmək fəaliyyətinin təşkilinin və şəraitinin yaxşılaşdırılması üzrə rəhbərliyə təkliflər vermək; 34.3. öz səlahiyyətləri çərçivəsində orta və kiçik tibb heyətinin işinə nəzarət etmək, göstərişlər vermək və onlardan dəqiq icra tələb etmək, həvəsləndirilmə və tənbeh edilmə üzrə rəhbərliyə təkliflər vermək; 4 34.4. öz vəzifə öhdəliklərinin icrası üçün zəruri olan informasiya materiallarını və normativ-hüquqi sənədləri tələb etmək, əldə etmək və istifadə etmək; 34.5. onun işi ilə bağlı məsələlərin müzakirə olunduğu elmi-praktik konfranslarda və müşavirələrdə iştirak etmək; 34.6. qanunvericiliklə müəyyən edilmiş müddətdə işlədiyi sahə üzrə təkmilləşdirmə kurslarından keçmək; 34.7. müəyyən olunmuş qaydada sertifikasiyadan keçmək; 34.8. müəyyən olunmuş qaydada ixtisas kateqoriyası almaq məqsədilə attestasiyadan keçmək; 35. Həkim-parazitoloq Azərbaycan Respublikasının Əmək Məcəlləsinə uyğun olaraq bütün əmək hüquqlarından istifadə edir.
36. Həkim-parazitoloq aşağıdakılara görə məsuliyyət daşıyır: 36.1. ona həvalə olunmuş vəzifə öhdəliklərinin vaxtında və keyfiyyətli həyata keçirilməsinə; 36.2. öz fəaliyyəti üzrə rəhbərliyin əmr, sərəncam və tapşırıqlarının, normativ- hüquqi aktların tələblərinin vaxtında və peşəkar səviyyədə yerinə yetirilməsinə; 36.3. daxili intizam, yanğın təhlükəsizliyi və təhlükəsizlik texnikası qaydalarına riayət edilməsinə; 36.4. qüvvədə olan normativ hüquqi sənədlərdə nəzərdə tutulmuş tibbi və digər xidməti sənədlərin vaxtında və keyfiyyətli rəsmiləşdirilməsinə; 36.5. öz fəaliyyəti üzrə statistik və digər informasiyanın müəyyən olunmuş qaydada təqdim edilməsinə; 36.6. ona tabe işçilərin icra intizamına və vəzifə öhdəliklərinin yerinə yetirilməsinə; 36.7. tibb müəssisəsinin fəaliyyətinə, işçilərinə və müəssisədə olan digər şəxslərə təhlükə yaradan təhlükəsizlik texnikası, yanğına qarşı və sanitariya qaydalarının pozulmasının aradan qaldırılması üzrə, rəhbərliyin vaxtında məlumatlandırılması da daxil olmaqla, operativ tədbirlər həyata keçirilməsinə görə məsuliyyət daşıyır. 37. Həkim-parazitoloq əmək intizamının, qanunvericilik və normativ-hüquqi aktların pozulmasına görə qüvvədə olan qanunvericiliyə əsasən, hərəkətin ağırlıq dərəcəsindən asılı olaraq, intizam, maddi, inzibati və ya cinayət məsuliyyətinə cəlb edilə bilər. Yüklə 30,87 Kb. Dostları ilə paylaş:
|