HeydəR ƏLİyev fondu miLLİ yaddaşin keşİYİNDƏ II ciLD
Yüklə 33,31 Mb. Pdf görüntüsü
|
|
HEYDƏR ƏLİYEV FONDUNUN
BEYNƏLXALQ ƏLAQƏLƏRİ 2005ci il dekabrın 9da BMTnin İnkişaf Proqramı ilə Heydər Əliyev Fon du arasında saziş imzalanmışdır. Fondun icraçı direktoru Anar Ələkbərov mərasimi açaraq bildirdi ki, iki qurum arasında görmə qabiliyyətini itirmiş və görmə qabiliyyəti zəif olan insanlar üçün informasiya kommunikasiya texnologiyalarına çıxışın təmin edil- məsinə dair əməkdaşlıq sazişi və layihə sənədi imzalanacaqdır. Sənədləri Heydər Əliyev Fondunun prezidenti, UNESCOnun xoşməramlı səfiri, Milli Məclisin deputatı Mehriban xanım Əliyeva və BMTnin Azərbay- candakı rezidentəlaqələndiricisi Marko Borsotti imzaladılar. Mehriban xanım Əliyeva imzalanmış sənədi qiymətləndirərək demişdir: “Bu gün Heydər Əliyev Fondu ilə BMT İnkişaf Proqramı arasında çox önəmli bir saziş imzalandı. Ölkəmizdə kor və görmə qabiliyyəti zəif olan insanların informasiya kommunikasiya texnologiyalarına çıxışını təmin edən layihə artıq həyata keçirilməyə başlanır. Azərbaycanda 320 min əlil insan yaşayır. Onlar- dan 40 mini kor və görmə qabiliyyəti zəif olan şəxslərdir. Layihə bu insanların həyata qoşulmasına, onların informasiya kommunikasiyaları vasitələri ilə bilik və məlumat əldə etmək imkanlarının genişləndirilməsinə, onların məşğulluğu- nun artırılmasına, ümumən bu insanların yaşayış tərzini yaxşılaşdırmağa xid- mət edəcəkdir. Bu saziş Heydər Əliyev Fondu ilə BMTnin İnkişaf Proqramı arasında əməkdaşlığın ilk təməlidir. Heydər Əliyev Fondu yaradıldığı ilk gün- dən cəmiyyətimizin ən zəif təbəqələrinə böyük diqqət və qayğı ilə yanaşır. Artıq bu gün hamıya tanış olan fəaliyyətimiz bunu sübut edir. “Diabetli uşaq- lara ən yüksək qayğı”, “Talassemiyasız həyat”, “Yeniləşən Azərbaycana yeni məktəblər”, “Uşaq evi və internat məktəblərinin inkişafı” proqramları qısa bir zamanda həyata keçirilmişdir və nəticədə minlərlə insana yardım göstərilmiş, kimsəsiz uşaqlara qayğı artırılmış, mühüm sosial problemlər həllini tapmışdır. Məhz bu fəaliyyətinə görə Heydər Əliyev Fondu Azərbaycanda böyük hörmətə malik olan və ölkənin ictimai həyatında mühüm rol oynayan bir qurumdur. Bu gün Heydər Əliyev Fondu beynəlxalq səhnəyə çıxır. Dünyanın ən mötəbər, ən nüfuzlu təşkilatı olan Birləşmiş Millətlər Təşkilatı ilə birgə fəaliyyətə başlayır. Mən əminəm ki, bu gün başladığımız layihə çox böyük uğurla nəticələnəcək, əldə olunan təcrübə kor və görmə qabiliyyəti zəif olan insanların imkanlarını genişləndirmək üçün hazırlanan yeni strategiyaya yar- dım göstərəcəkdir”. BMTnin Azərbaycandakı rezidentəlaqələndiricisi cənab Marko Borsotti çıxış edərək demişdir: “Mənə elə gəlir ki, bu gün BMTdə çalışan hər bir mütə 33 xəssis, əməkdaş üçün çox əlamətdar gündür. Çünki BMT olaraq biz Heydər Əliyev Fondu ilə birgə çox önəmli bir addım atdıq. Bunun nəticəsində kor və görmə qabiliyyəti zəif olan insanlara lazımi xidmətlər göstəriləcəkdir. Bir çox ölkələrdə rəqəmsal fərqin aradan qaldırılmasından ötrü müxtəlif tədbirlərin həyata keçirilməsi BMTnin İnkişaf Proqramı üçün mühüm bir məsələdir. Bu məsələyə əvvəlcə hörmətli şəxsiyyət Heydər Əliyev, daha sonra isə cənab Pre- zident İlham Əliyev tərəfindən göstərilən maraq bizim üçün çox mühüm oldu. Azərbaycanın Tunisdə keçirilən son konfransdakı iştirakı isə onun bu sahəyə marağının nə qədər böyük olmasına bir sübut idi. Burada əsas məqsəd və əsas yekun ondan ibarət idi ki, bu cür inkişaf edən ölkə üçün heç kəs diqqətdən kənarda qalmamalıdır. Bu layihənin həyata keçirilməsi təkcə Azərbaycana xid- mət etməyəcək, həm də digər ölkələrə böyük bir nümunə olacaqdır. Mən tam əminəm ki, bu layihə çox səmərəli olacaq, müsbət nəticələrini verəcək və biz növbəti istiqamətlərdə əlaqələrimizi, əməkdaşlığımızı möhkəmləndirəcəyik”. İmzalanan saziş layihələri BMTnin “Minilliyin Bəyannaməsi”ndə döv- lət və hökumət başçıları tərəfindən yeni texnologiyaların, xüsusilə informasi- yakommunikasiya texnologiyalarının (İKT) hamı üçün təmin olunması barədə götürülmüş öhdəliyə və Azərbaycan hökumətinin İKT üzrə Milli Strategiyasına uyğun hazırlanmışdır. Bu layihə üç mərhələdə həyata keçiriləcəkdir. İlk mər- hələ kor və görmə qabiliyyəti zəif olan insanların İKTyə ehtiyaclarını müəy- yən etmək, onlar üçün rəqəmsal fərqin aradan qaldırılması üzrə ayrıca proqram layihəsi hazırlamaqdan ibarətdir. Bu məqsədlə sorğular, müzakirələr keçiril- məli, təcrübə mübadiləsi aparılmalı, alınacaq avadanlığın növləri müəyyən edilməlidir. İkinci mərhələdə kor və görmə qabiliyyəti zəif olan uşaqlar üçün internat məktəbində model İKT sinfinin yaradılması istiqamətində işlər aparı- lacaqdır. Burada kompüter avadanlığının alınıb quraşdırılması, proqram təmi- natının lokallaşdırılması, internetə çıxışın təmin edilməsi və xüsusi tədristəlim proqramlarının hazırlanması başlıca vəzifələr olacaqdır. Audiokitabxanaların hazırlanması, təlim mərkəzlərinin yaradılması, kitab xana fondunun audioformata çevrilməsi üçün səsyazma studiyasının qurulması, bu studiyanın yardımı ilə mövcud kitabxanalarda Brayl şriftli və audiokitabla- rın bərpası, internetə çıxış, informasiya texnologiya əsaslı təlim kursları, inter- netdə informasiyanın tapılması, əldə edilməsi kimi xidmətləri təmin edən kom- püter mərkəzinin yaradılması, təlim kurslarında dərs deyəcək müəllimlərin, təlimçilərin hazırlığı üçüncü mərhələdə həyata keçiriləcəkdir. Səkkiz ay müddətində həyata keçiriləcək layihənin ümumi dəyəri 418 min ABŞ dolları təşkil etmişdir. 2006cı il fevralın 1də Heydər Əliyev Fondunda Rusiyanın “Puşkin kitab xanası” Fondundan kitabların hədiyyə edilməsi mərasimi keçirilmişdir. 34 “Пушкинская библиотека” Fondunun baş direktoru Mariya Vedenyapina səmimi sözlərə görə Mehriban xanım Əliyevaya təşəkkür edərək demişdir: “Mən həqiqətən hesab edirəm ki, kitab ən yaxşı hədiyyədir, çünki “Puşkins- kaya biblioteka” Fondu, ilk növbədə, kitablar və kitabxanalarla işləyir. İkin- cisi, demək istərdim ki, ölkələr arasında münasibətlərdə kitab ən xeyirxah və etibarlı səfirdir. Ona görə mənə çox xoşdur ki, məhz bugünkü hadisə – “Пуш кинская библиотека” Fondunun Heydər Əliyev Fonduna kitablar hədiyyə etməsi Azərbaycanda Rusiya ilinin açılışının başlanğıcı olacaqdır. Həqiqətən hesab edirəm ki, ən başlıcası, ən vacibi və faydalısı birbirimizə olan marağı itirməməkdir. Əgər bu meyar varsa, əgər tələbələrə və müəllimlərə rus dilində ədəbiyyat lazımdırsa, biz onlara həvəslə kömək edirik. Əslində, bu, yardım deyil, birgə layihədir. Mən “Пушкинская библиотека” Fondu haqqında bir neçə kəlmə demək istərdim, çünki burada məndən soruşurlar ki, SanktPeterburqdakı Puşkin evinə bizim hansı aidiyyətimiz var. Biz Puşkin evi deyilik, baxmayaraq ki, onunla çox yaxşı və sıx əməkdaşlıq edirik. “Пушкинская библиотека” Fondunun əsas qayğısı kəndlərdəki, məktəblərdəki kiçik kitabxanalarından başlayaraq, federal və ali məktəb kitabxanalarınadək Rusiya kitabxanalarıdır. Biz fondları kom plektləşdirir, həm universitet kitabxanaları, həm də kütləvi kitabxanalar üçün müxtəlif tipli kataloqlar buraxırıq. Eyni zamanda kitabxana işinin dəstəklənmə- sinə yönəldilmiş müxtəlif sosial layihələr həyata keçiririk, bu isə mahiyyət eti- barilə elmin, təhsilin, mədəniyyətin dəstəklənməsi deməkdir. Odur ki, biz artıq federal hökumət tərəfindən də dəstəklənən ayrıca böyük layihə həyata keçiririk. Bu, “Kənd kitabxanaları” layihəsidir. Cari ildən həqiqətən böyük problemləri olan məktəb kitabxanalarının komplektləşdirilməsinin yenidən qurulmasına dair təzə layihənin gerçəkləşdirilməsinə başlamışıq. Doğrudan da, əvvəllər deyirdik ki, biz ən çox mütaliə edən millətik, kitab ən yaxşı hədiyyədir. Ancaq hazırda, yeni informasiya texnologiyalarının dünyanı fəth etdiyi dövrdə, təəssüf ki, kitab nüfuzunu itirir. Başqa bir proqramımız – mütaliənin dəstəklənməsinə və genişləndirilmə- sinə yönəldilmiş “Mütaliə edən Rusiya” proqramıdır. Biz bunu əsas layihəmiz sayırıq, çünki həqiqətən, kitabsız savadlı nəsil tərbiyə etmək olmaz. Ona görə də çox ümid edirəm ki, bugünkü tədbir ölkələrimizin rifahı naminə, başlıcası isə, uşaqlarımızın həqiqətən savadlı, mədəni böyüməsi və bizim onlarla fəxr edə bilməyimiz naminə əməkdaşlığın möhkəm bünövrəsini qoyacaqdır”. Mehriban xanım Əliyeva hədiyyə olunan kitablara baxmış və qonaq- ları da Heydər Əliyev Fondunun fəaliyyətə başladığı dövrdən nəşr etdirdiyi kitablarla tanış etmişdir. Mehriban xanım Əliyeva 2007ci il aprelin 27də İSESCOnun Baş direk- toru Əbdüləziz bin Osman əlTüveycri ilə görüşmüşdür. 35 Mehriban xanım 51 müsəlman dövlətinin təmsil olunduğu nüfuzlu bey- nəlxalq mədənihumanitar qurum olan İslam Ölkələri Elm, Təhsil və Mədəniy- yət Təşkilatının – İSESCOnun rəhbərini salamlayaraq, onun yenidən Azərbay- cana gəlməsindən məmnunluğunu söyləmişdir. Dövlətimizin yüksək mükafatı – “Şöhrət” ordeni ilə təltif edilməsi münasibətilə Baş direktoru təbrik edən Mehriban xanım Əliyeva özünün də xoşməramlı səfiri olduğu İSESCOnun dünyada nüfuzunun getdikcə artmasından, islam ölkələrində gördüyü geniş- miqyaslı işlərdən qürur duyduğunu bildirdi. İSESCOnun Baş direktoru Azərbaycan Prezidenti İlham Əliyevlə görüşü- nün böyük təsir bağışladığını, rəhbərlik etdiyi təşkilatın ölkəmizlə əməkdaşlığa xüsusi önəm verdiyini, Heydər Əliyev Fondu ilə əlaqələrin genişlənməsindən məmnunluğunu vurğuladı. Fondun elm, təhsil, mədəniyyət və digər sahələrdə həyata keçirdiyi layihələri yüksək qiymətləndirən Əbdüləziz bin Osman əl Tüveycri İSESCOnun ilk qadın xoşməramlı səfiri kimi Mehriban xanımın bu şərəfli missiyanın yerinə yetirilməsində şəxsi nümunə göstərdiyini bildirmişdir. Mehriban xanım Əliyeva və Əbdüləziz bin Osman əlTüveycri Heydər Əliyev Fondu ilə İSESCO arasında əməkdaşlıq haqqında Protokol imzalamışlar. 5 il müddətinə əməkdaşlığın əsas prinsiplərini tənzimləyən Protokol elm, mədəniy- yət, təhsil sahəsində əlaqələrin inkişafını, birgə layihələrin işlənib həyata keçi- rilməsini, fəaliyyətin əlaqələndirilməsini nəzərdə tutmuşdur. 2007ci il mayın 31də Heydər Əliyev Fondunun prezidenti, UNES- COnun və İSESCOnun xoşməramlı səfiri, Milli Məclisin deputatı Mehri- ban xanım Əliyeva MDB Yəhudi İcmaları Federasiyasının və “OrAvner” Beynəlxalq Fondunun prezidenti Lev Levayevin rəhbərlik etdiyi nümayəndə heyəti ilə görüşmüşdür. Mehriban xanım qonaqlara Heydər Əliyev Fondunun yaranma tarixi, məq sədləri, fəaliyyəti barədə məlumat verdi. Bildirdi ki, Fond yarandığı vaxtdan Azərbaycanın mədəniyyəti və tarixinin geniş təbliği, əhalinin sağlamlığının mühafizəsi, ekoloji mühitin sağlamlaşdırılması, informasiya texnologiyalarının tətbiqi, sosial problemlərin həlli ilə əlaqədar bir sıra genişmiqyaslı layihələr hə yata keçirmişdir. Son iki ildə respublikanın bütün regionlarında, ən ucqar kənd- lərdə Fondun təşəbbüsü ilə 200ə yaxın müasir tipli məktəb tikilib istifadəyə verilmiş, bütün lazımi avadanlıqla təmin edilmişdir. Beynəlxalq təşkilatlarla sıx əməkdaşlıq edən Fond BMTnin İnkişaf Fondu ilə birlikdə “Kor və görmə qabiliyyəti zəif olan insanların İnformasiya Texnologiyalarına çıxışının təmin edilməsinə dair” layihəni uğurla başa çatdırmışdır. Ötən il Latın Mədəniyyəti Akademiyası və Vaşinqton Elmlər Akademiyası ilə birgə keçirilən konfranslar da səmərəli olmuşdur. Fond Pakistanın zəlzələdən zərər çəkmiş Müzəffərabad şəhərində qızlar üçün müasir təhsil kompleksi inşa etməklə yanaşı, Fransanın Versal sarayında və parkında iki abidənin də bərpa işlərini aparır. Fondun “Dini 36 tolerantlığın ünvanı – Azərbaycan” layihəsi çərçivəsində Bakıda Pravoslav kil- səsinin, məscidlərin yenidən qurulması başa çatdırılmışdır. Mehriban xanım Əliyeva dünyanın ən inkişaf etmiş xalqlarından biri olan yəhudilərin Azərbaycanda qədim tarix və mədəniyyətinin mövcudluğunu xatırladaraq, yəhudi uşaqları üçün təməli qoyulan təhsil mərkəzinin inşasının da ölkəmizdə tolerantlığın yeni bir təzahürü olduğunu bildirdi. Bundan əvvəl də dünya yəhudilərinin nüfuzlu təşkilatları ilə Fond arasında əlaqə yaradıldı- ğını bildirdi, “OrAvner” Beynəlxalq Fondu ilə əməkdaşlığın da səmərəli ola- cağını söyləmişdir. Lev Levayev Azərbaycan Prezidenti ilə görüşlərinin qəlbində silinməz iz qoyduğunu bildirmiş və Mehriban xanımın rəhbərlik etdiyi Fondun ölkə daxi- lində və xaricdə kifayət qədər nüfuzlu bir qurum kimi tanındığını, qəbul edildi- yini vurğuladı. O, rəhbərlik etdiyi qurumun Heydər Əliyev Fondu ilə əməkdaş- lığa xüsusi əhəmiyyət verdiyini söyləmişdir. Heydər Əliyev Fondu ilə “OrAvner” Fondu arasında 3 il müddətində təh- sil, səhiyyə, mədəniyyət, sosial təyinatlı obyektlərin tikintisi, yenidən qurul- ması, maddi təchizatı sahəsində əməkdaşlığı nəzərdə tutan saziş imzalanmışdır. Lev Levayev Azər TACın müxbirinə müsahibəsində qeyd etmişdir ki, gör kəmli siyasi xadim Heydər Əliyevin adını daşıyan Fondun fəaliyyətini yüksək qiymətləndirirəm, Bakıda təməli qoyulan yəhudi təhsil mərkəzinin xalqlarımız arasında dostluq münasibətlərinin inkişafına səmərəli kömək göstərəcəyinə inanır və imzalanan sazişin real nəticələri olacağına əminəm. O, əlavə etdi ki, rəhbərlik etdiyi qurum 1992ci ildə yaradılmışdır, Rusiyada fəaliyyət göstərir. Heydər Əliyev Fondu kimi genişmiqyaslı layihələr həyata keçirməsə də, MDB ölkələrində xeyli sayda təhsil kompleksi inşa etmiş, səhiyyə və sosial yönümlü layihələri reallaşdırmışdır. 2007ci il iyunun 18də Heydər Əliyev Fondunda BMTnin Təhsil, Elm və Mədəniyyət Məsələləri Təşkilatı – UNESCO, Azərbaycan Hökuməti və Hey- dər Əliyev Fondu arasında ölkəmizdə peşə təhsilinin inkişafını nəzərdə tutan layihənin icra planına dair saziş imzalanmışdır. UNESCO və İSESCOnun xoşməramlı səfiri, Milli Məclisin deputatı Meh- riban xanım Əliyeva rəhbərlik etdiyi Fondun təhsil sahəsinə xüsusi əhəmiy- yət verdiyini, bu istiqamətdə bir sıra layihələr həyata keçirdiyini bildirmişdir. Bundan əvvəl BMT və UNESCO ilə əməkdaşlıq çərçivəsində birgə layihələrin uğurla yerinə yetirildiyini vurğulayan Azərbaycanın birinci xanımı, ölkəmizdə peşə təhsilinin inkişafını dəstəkləməyi nəzərdə tutan layihənin əhəmiyyətini qeyd etmiş, imzalanacaq sazişin də uğurla reallaşacağına inandığını söylə- mişdir. 2005ci il avqustun 24də “Gülüstan” sarayında keçirilən “UNESCO Azərbaycan: gələcəyə körpü” mövzusunda konfransda UNESCOnun Baş di rektoru Koiçiro Matsuuranın da iştirak etdiyini, tədbirdə Azərbaycanın təh- 37 sil sistemində aparılan islahatlardan söhbət getdiyini, Avropa təhsil sisteminə inteqrasiya və digər məsələlərin müzakirə olunduğunu, birgə memorandum im zalandığını xatırlatmışdır. Mehriban xanım Əliyeva demişdir ki, gələn ilin yayında ölkəmiz UNESCO ilə birlikdə təşkil olunacaq “Təhsil hamı üçün” konfransına ev sahibliyi edəcəkdir. Konfransın keçirildiyi günlərdə UNES- COnun Baş direktorunun iştirakı ilə Bakıda Beynəlxalq Muğam Mərkəzinin açılışı da olacaqdır. UNESCOnun Moskva ofisinin baş direktoru Dendev Badarç Heydər Əli- yev Fondunun və onun prezidenti Mehriban xanımın genişmiqyaslı ictimai, xeyriyyəçilik fəaliyyətinin nüfuzlu beynəlxalq qurumlar tərəfindən yüksək dəyərləndirildiyini vurğulayaraq, yeni əməkdaşlığın da səmərəli nəticələr verə- cəyinə əminliyini söyləmişdir. Heydər Əliyev Fondunun təşəbbüsü ilə Azərbaycanda xüsusi qayğıya eh tiyacı olan uşaqlar üçün reabilitasiya mərkəzi tikilməsi ilə bağlı 2007ci il noyabrın 5də Heydər Əliyev Fondunun prezidenti, UNESCOnun və İSES- COnun xoşməramlı səfiri, Milli Məclisin deputatı Mehriban xanım Əliyeva layihənin maliyyə dəstəyini öz üzərinə götürən Rusiyanın “Uralsib” maliyyə korporasiyasının nümayəndələri ilə görüşmüşdür. Mehriban xanım Əliyeva Fondun fəaliyyəti barədə danışaraq demişdir ki, onun əsas məqsədi görkəmli siyasi xadim Heydər Əliyevin zəngin irsini öyrən- mək və təbliğ etməkdən, Azərbaycanın sosialiqtisadi, mədəni tərəqqisinə yö nəl miş genişmiqyaslı fəaliyyəti barədə gələcək nəsillərdə, xarici qonaqlarda əyani təsəvvür yaratmaqdan, ölkəmizin mədəniyyəti və tarixinin geniş təbliği ilə əlaqədar aparılan işlərə kömək göstərməkdən ibarətdir. Bildirilmişdir ki, Heydər Əliyev Fondu təhsil, səhiyyə və digər sahələrdə irimiqyaslı layihələr həyata keçirir, UNESCO və İSESCO ilə sıx əməkdaşlıq edir. Eyni zamanda Meh riban xanım Azərbaycanda hələ də xüsusi qayğıya ehtiyac duyan çoxlu sayda uşaqların olduğunu təəssüflə vurğulamışdır. 2008ci il yanvarın 16da Heydər Əliyev Fondu, BMTnin Əhali Fondu (UNFPA) və Azərbaycanın Ailə, Qadın və Uşaq Problemləri üzrə Dövlət Ko mitəsi arasında “XXI əsrdə qadınlara qarşı zorakılıq əleyhinə” birgə la yi həyə dair sənədlərin imzalanma mərasimi olmuşdur. Heydər Əliyev Fondunun prezidenti, UNESCO və İSESCOnun xoşmə- ramlı səfiri, Milli Məclisin deputatı Mehriban xanım Əliyeva imzalanmış sənədi bu cür qiymətləndirmişdir: “Bildiyiniz kimi, Heydər Əliyev Fondu qısa bir zamanda ölkəmizdə böyük hörmətə malik olan təşkilata çevrilibdir. Əlbəttə, bu hörmət və dəstək Heydər Əliyev Fondunun fəaliyyəti ilə qazanılıbdır. Hey- dər Əliyev Fondu ölkəmizdə elmin, təhsilin, mədəniyyətin inkişafı naminə, so sial problemlərin həlli naminə çox fəal işlər görür, bir sıra irimiqyaslı humani- tar layihələr həyata keçirir. 38 Yəqin ki, siz bilirsiniz, “Yeniləşən Azərbaycana yeni məktəb” layihəsi çər- çivəsində Heydər Əliyev Fondunun təşəbbüsü ilə ölkədə 200 yeni məktəb inşa olunmuş, ən müasir avadanlıqla təmin edilmişdir. Heydər Əliyev Fondunun bu təşəbbüsü dövlət tərəfindən dəstəklənib və 3 il ərzində ölkəmizdə 1300 yeni məktəb inşa olunubdur. “Uşaq evləri və internat məktəblərinin inkişafı proqramı” çərçivəsində ölkə- mizdə 30 uşaq evi və internat məktəbi əsaslı təmir olunub və bu müəssisələrdə yaşayan uşaqların problemlərini biz daim diqqət mərkəzində saxlayırıq. Səhiyyə sahəsində bir çox tədbirlər həyata keçirilmişdir. “Talassemiyasız həyat” layihəsi çərçivəsində ölkəmizdə böyük Talassemiya Mərkəzi inşa olu- nur. O da ən müasir avadanlıqla təmin ediləcəkdir. “Diabetli uşaqlara ən yük- sək qayğı” layihəsi çərçivəsində ölkəmizdə diabetdən əzab çəkən 14 yaşına qədər hər bir uşaq yüksək keyfiyyətli insulinlə təmin olunur. Bununla yanaşı, Heydər Əliyev Fondu beynəlxalq fəaliyyətini də səmərəli qurur. Dünyanın ən nüfuzlu beynəlxalq təşkilatları ilə bizim əməkdaşlığımız var. Mədəniyyət sahəsində UNESCO və İSESCO ilə əməkdaşlıq edirik, BMT nin İnkişaf Proqramı ilə biz çox vacib layihə həyata keçirmişik. “Kor və görmə qabiliyyəti zəif olan insanların İKTyə çıxışının təmin edilməsi” adlı bu layihə çərçivəsində həmin insanlar üçün Bakıda yeni bir mərkəz inşa olunub, audio kitabxana hazırlanıb və ən müasir kompüter avadanlığı alınıbdır. Bir sözlə, Heydər Əliyev Fondu ölkəmizin ictimai həyatında, sosial prob- lemlərin həllində çox fəal iştirak edir. Bu gün Azərbaycanın yüksək sürətlə həm iqtisadi, həm sosial inkişafı imkan yaradır ki, hər bir ailənin bütün ehti- yacları təmin olunsun və hər bir ailə üzvünün hüquqları qorunsun. Ölkəmizdə qadınların və uşaqların hüquqlarının qorunması istiqamətində son illər bir sıra mühüm tədbirlər həyata keçirilibdir. Xüsusilə Ailə, Qadın və Uşaq Problemləri üzrə Dövlət Komitəsi yaradılıb və o, bu istiqamətdə dövlətin siyasətini həyata keçirir. Digər dövlət qurumları – Təhsil Nazirliyi, Səhiyyə Nazirliyi, Gənclər və İdman Nazirliyi bu istiqamətdə proqramlar hazırlayıb həyata keçirirlər. Çox sevindirici haldır ki, hazırda Azərbaycanın həm siyasi, həm də ictimai həyatında qadınların rolu və sayı ildənilə artır. Amma bununla yanaşı, qadın- lara qarşı zorakılıq, ailə zəminində qadınlara, uşaqlara qarşı zorakılıq faktları da qeydə alınır və əlbəttə, bu bizdə narahatlıq doğurur. Siz yəqin bilirsiniz ki, son illər məişət zəminində zorakılıq, ailə zorakılığı bütün dünyada çox ciddi müzakirə olunur və bir sıra beynəlxalq təşkilatların diqqət mərkəzindədir. Hər bir zorakılıq – məişət zəminində, ailədə zorakılıq insan hüquqlarının ciddi pozulmasıdır. Nəticədə zərər çəkən insanlar öz hüquq və azadlıqlarından isti- fadə edə bilmir, öz potensiallarını reallaşdırmağı bacarmırlar. Biz hamımız yaxşı bilirik ki, Azərbaycan öz zəngin ailə ənənələri ilə seçilən bir ölkədir, dünyada tanınan ölkədir. Böyüklərə hörmət, qadınlara, anaya hör- 39 mət, uşaqlara qayğı xalqımızın ən gözəl keyfiyyətlərindən biridir. Bu olan halda, əlbəttə, hər hansı bir ailədə qadına qarşı zorakılıq faktı nəinki qanun- lara zidd, hesab edirəm ki, həm də etik normalardan kənar bir hərəkətdir. Bu faktları araşdırmaq və problemi aradan qaldırmaq üçün bu gün Heydər Əliyev Fondu Ailə, Qadın və Uşaq Problemləri üzrə Dövlət Komitəsi və BMTnin Əhali Fondu arasında çox vacib bir layihə imzalanır”. Bildirildi ki, 20 ay müddətində həyata keçirilməsi nəzərdə tutulan layihə Azərbaycanın bütün ərazisini əhatə edir. Bakı şəhəri, Lənkəran, Gəncə və Naxçıvan MR bölgələri layihənin icrası üçün mərkəz regionlar kimi seçilmiş- dir. Layihənin əsas məqsədi əhalinin maarifləndirilməsi, qadın və uşaqların məişət zorakılığından müdafiə olunması, ənənəvi Azərbaycan ailəsinə zidd olan stereotiplərin aradan qaldırılması, erkən nikahların qarşısının alınması və ailədə baş verən zorakılığın uşaqlara təsirinə yol verilməməsidir. Layihə çər- çivəsində beynəlxalq təcrübənin öyrənilməsi, o cümlədən layihəyə beynəlxalq ekspertlərin cəlb edilməsi, əhali arasında insan hüquqları və gender bərabər- liyi ilə bağlı genişmiqyaslı məlumatlandırma kampaniyasının, regional semi- narların təşkili, müvafiq çap məmulatlarının hazırlanması, orta məktəblərdə insan alverinə və erkən nikahlara dair maarifləndirmə tədbirlərinin təşkili, küt- ləvi informasiya vasitələrində maarifləndirmə xarakterli proqramların hazır- lanması, gender əsaslı zorakılıq qurbanları üçün xidmətlər üzrə strategiyanın işlənməsi, zorakılıqdan zərər çəkmiş şəxslərə xidmət göstərən mütəxəssislər üçün tədris proqramlarının hazırlanması və təlimlərin keçirilməsi, onların sosial və psixoloji reabilitasiyasını təmin edən mərkəzlərin şəbəkəsinin yara- dılması və s. nəzərdə tutulmuşdur. Layihə çərçivəsində görülən işlər barədə ictimaiyyətin məlumatlandırılması üçün ayrıca internet saytı yaradılmışdır. BMTnin Bakıdakı rezidentəlaqələndiricisi, UNFPAnın Azərbaycandakı nümayəndəsi Bruno Pueza qadınlara qarşı zorakılıq məsələlərinə diqqətlə ya naşdığına görə Heydər Əliyev Fondunun prezidenti Mehriban xanıma təşək- kür edərək demişdir: “Azərbaycan iqtisadiyyatının qeyriadi inkişaf sürəti problemlərin həllinə böyük imkanlar açır. 2000ci ildə bütün dövlət başçıları, o cümlədən Azərbaycan xalqının Ümummilli Lideri Heydər Əliyev tərəfindən imzalanmış Minilliyin Bəyannaməsinə, xüsusilə də gender bərabərliyinə aid Minilliyin İnkişaf Məqsədinə dair Azərbaycan Respublikasının üzərinə götür- düyü öhdəliklərə uyğun olan və İnsan Hüquqlarına dair Ümumi Bəyannamə- nin 60cı ildönümü qeyd edildiyi ildə həyata keçirilməyə başlayan layihə Azər- baycanda qadınların insan hüquqlarının daha da yaxşı müdafiəsi üçün əlverişli şərait yaradacaqdır”. 2008ci il yanvarın 25də Heydər Əliyev Fondu ilə ABŞın “Uşaqların Xilası” (Save the Children) təşkilatı arasında Azərbaycanda uşaqlar üçün inki- 40 şafa doğru yönəlmiş səylərin birləşdirilməsini nəzərdə tutan Anlaşma Memo- randumu imzalanmışdır. Fondun tarixi və fəaliyyəti ilə tanış olan qonaqlara bildirilmişdir ki, 2004 cü ilin mayında yaradılmış Heydər Əliyev Fondu Azərbaycanın ən tanınmış qeyrihökumət təşkilatıdır. Ümummilli Lider Heydər Əliyevin xatirəsinə ehti- ram əlaməti olaraq yaradılmış Fond mədəniyyət, təhsil, sosial həyat, səhiyyə və ekologiya sahələrində mühüm layihələr həyata keçirir. Cef Cakomini imzalanma mərasimindən sonra jurnalistlərə müsahibəsində bildirmişdir ki, artıq 15 ildir ki ölkəmizdə fəaliyyət göstərən təşkilatın məqsədi qaçqınköçkün ailələrindən olan və ehtiyac içində yaşayan uşaqların sosial həyat, səhiyyə, təhsil sahəsində ehtiyaclarını təmin etməkdir. Bu niyyətlə Hey- dər Əliyev Fondu ilə ilk dəfə əməkdaşlıq edildiyini söyləyən C.Cakomini birgə səylərlə bu sahədə irəliləyişə nail olunacağına əminliyini söyləmişdir. Xatırladaq ki, “Uşaqların Xilası” dünyanın 40dan çox ölkəsində ehtiyac içində yaşayan uşaqların həyatında uzunmüddətli müsbət dəyişikliklərə nail olmağa çalışan aparıcı beynəlxalq yardım və inkişaf təşkilatıdır. Heydər Əliyev Fondu ilə imzalanmış Anlaşma memorandumu uşaqların fiziki və psixososial kömək vasitəsilə müdafiəsi, onlara zəruri qayğının göstə- rilməsi, təhsil almasının təmin edilməsi, sağlamlığı və keyfiyyətli qidalanması sahəsində birgə fəaliyyəti nəzərdə tutmuşdur. 2010cu il iyulun 12də Heydər Əliyev Fondu ilə Litvanın Azərbaycan- dakı səfirliyi arasında humanitar sahədə əməkdaşlığa dair Anlaşma Memo- randumu imzalanmışdır. Sənədi Azərbaycanın birinci xanımı, Heydər Əliyev Fondunun prezidenti, UNESCOnun və İSESCOnun xoşməramlı səfiri, Milli Məclisin deputatı Mehriban xanım Əliyeva və Litvanın Azərbaycandakı səfiri Kestutis Kudz- manas imzalamışlar. Mehriban xanım Əliyeva mədəniyyət, təhsil, səhiyyə, hüquq sahələrini əhatə edən əməkdaşlığın rəsmiləşdirilməsindən məmnunluğunu bildirmişdir. Bununla ikitərəfli əlaqələrin yeni mərhələyə qədəm qoyduğunu deyən Heydər Əliyev Fondunun prezidenti sənədin gələcəkdə yeni birgə layihələrin həyata keçirilməsinə zəmin yaradacağına ümidvar olduğunu söyləmişdir. Səfir Kestutis Kudzmanas Heydər Əliyev Fondunun fəaliyyəti ilə yaxın- dan tanış olduğunu bildirərək, Fondun gördüyü işləri, reallaşdırdığı mühüm layihələri yüksək qiymətləndirmişdir. Litva səfiri Fondun uşaqlarla bağlı çox mühüm layihələr həyata keçirdiyini deyərək, imzalanan memorandumun azərbaycanlı gənclər üçün yeni imkanlar açdığını söyləmişdir. Belə ki, memorandum çərçivəsində bu il xüsusi istedada malik 20 azərbaycanlı gənc Litvanın aparıcı universitetlərində ödənişsiz əsas- larla təhsil almaq hüququ qazanacaqdır. 41 42 43 44 45 |