3.1. Ikkinchi tartibli tenglama va chiziqlar Bu bobning boshida har qanday I tartibli Ax+By+C=0 tenglama tekislikda biror to‘g‘ri chiziqni aniqlashini va aksincha, tekislikdagi har qanday to‘g‘ri chiziq I tartibli tenglamaga ega bo‘lishini ko‘rib chiqqan edik.
Endi tekislikda II tartibli tеnglamаlarni qaraymiz. Bu tenglamalarning umumiy ko‘rinishi quyidagicha bo‘ladi:
Ах2+2Вху+Су2+2Dх+2Еу+F=0 (1)
Bunda (1) tenglamadagi A, B, C koeffitsiyentlardan kamida bittasi noldan farqli, ya’ni A2+B2+C2≠0 shart bajarilishi kerak. Aks holda (1) tenglama I tartibli tenglamaga aylanadi.
1-TA’RIF: Tenglamasi (1) ko‘rinishda bo‘lgan tekislikdagi chiziqlar II tartibli chiziqlar deb ataladi.
Biz quyida bunday chiziqlarning turlari bilan tanishib chiqamiz. Hozircha esa (1) tenglama har doim ham biror egri chiziqni ifodalashi shart emasligini misollar orqali ko‘rsatamiz.
1-misol. (1) tenglamadan A=1, C=–1,B=D=E=F=0 holda hosil bo‘ladigan II tartibli x2–y2=0 tenglama ikkita I tartibli y=±x tenglamalarga ajraladi va ikkita to‘g‘ri chiziqni ifodalaydi.
2-misol. A=C=F=1, D=–1, B=E=0 holda (1) tenglama
х2 +у2–2х+1=0 => (x–1)2+y2=0
ko‘rinishga keladi va uni faqat bitta M(1,0) nuqta qanoatlantiradi.
3-misol. A=C=F=1, D=B=E=0 holda (1) tenglama х2 +у2+1=0 ko‘rinishga keladi va uni birorta ham nuqta qanoatlantirmaydi, ya’ni bu tenglama bo‘sh to‘plamni ifodalaydi.
