Imishli com saytı təqdim edir. QƏŞƏm nəCƏfzadə ŞerləR (Qısa şerlər)
Yüklə 85,5 Kb.
|
|
Imishli.com saytı təqdim edir.
QƏŞƏM NƏCƏFZADƏ ŞERLƏR (Qısa şerlər) Məndən sənə vəsiyyət, Həmişə etibarı kiçik şeylərdə ara. Onsuz da ömrümüz o qədər kiçikdir ki, Böyük şeylərə ehtiyac olmayacaq. 
***
Ayaqlarını necə sevdiyimi unutmaram təkcə. Ancaq o ayaqların Sahibi sən olduğunu biləndə Buna da söz vermirəm.
***
Ayaqqabılar bir doğulsalar da görüşə billmir, Bu tay, o taya xatirəsini danışa bilmir.
***
Sevgidə bütün sərhədləri keçdi, İndi mərkəzdə dayanmış... Özü də peşiman.
***
Həkimlər deyir, Mənim bu günlərdə öləcəyimi. Qarşında uzanmağıma görə Bağışlarsan!
***
Bəlkə də ömrümün sonuna az qalır, kiçik bir zaman çərçivəsi. Vaxt dar olduğundan, Atılıb - düşməyimi Anlamağa çalış.
***
Bir gün oyanmamağımdan, divanım ağlar. Hərə bir cür ağlar, Ancaq Turalım bu cür ağlar: “Ata dur get işinə”.
***
Gözlərim ürəyimin sahili, Ürəyim döyünür...dəniz döyünür... Ürəyimin ləpəsidir göz yaşım.
***
Mən bilirdim, Bizi ölüm ayıra bilməz, Ancaq xırda bir şeyin ayıra biləcəyinə inanırdım. O vaxt ki, sən mənimlə təklikdə Həyacanlanıb, insanlar arasında Sakit və həyacansız Dayanmaq bacarığını biləndə.
***
Ağlamağımı, Necə yazıq olmağımı Sənə desəm, Deyəcəyin bir cümlədən qorxuram: “ Bu, hərdən səndə olur”.
***
Yadındadı, dağda top oynamağımız? Vay... Bu da sənin yadında deyil.
***
Sevmək səhv eləməkdi, Heç vaxt səhv eləmədin!
***
Bilirsən sən necəsən? Yasda ağlamayan göz Bu gün deyilməyən, Sabaha saxlanilan söz.
***
Saralan yarpaq kimi Adım düşür üstümdən Bir damcı səsindən ötəri.
***
.
Kimə nə dedim Nəyi tərpətdim? Neylədim, sən de, Məndən sonra qalan Bircə dəqiqəm.
***
Qucaqlamadım səni Qucağım öldü acından.
***
Əllərini soyunmaq istəyir əllərim, Alovundan yuyunmaq istəyir əllərim!
***
Təkəm, evim elə genişdi ki, Bu genişlik qədər acam, Bu genişlik qədər yoxam.
***
Ay kişi, döymə arvadını, ay əllərin qurusun Heç bilirsən onu kim sevirdi?
***
Səni unutmaq üçün ağlayıram Çıxırsan gözümdən yaş kimi Çıxırsan ürəyimdən, Bir az keçmiş yenə sənlə doluram Tez durub ağlayıram.
***
Ay aman, Bu qar topunu öpürəm Üzümü qoyuram üstə. Bu qar donmuş goz yaşidi Gözümü qoyuram üstə.
***
O an yoxdu dünyada O an itib yoxdu ki, Deyəm sənə əlvida.
***
Saat ağlayır Saat hönkürür, Vaxtı gözündən Yaş kimi tökür.
***
Səhərin ətəyi kimi əlin qalıb əlimdə
***
Görəsən bu ağac nə yuxu görür? Yadında qalırmı Bu ümidsiz gəlişim, Bu ümidsiz gedişim ?! Qalırsa, qalırsa əgər, Onda bu ağacın mavi səması Özünü atar yerə Bir qucaq pambıq kimi. Boş qalar, boş qalar eləcə göydə O mavi səmanın əlinin yeri.
***
Hamınız gəlin sabaha, yadınızdan çıxmasın ha!
***
Sərçə ayaqları damır damımız üstə. Körpə qızımın ayağı damır dizimin üstə.
***
Bədbəxtlik onda doğulur ki, Hec kəs əllərinin uçduğunu Görmür.
***
Quşlar lələk saldı yolumun üstə məktub kimi, Məni aldatmaq üçün.
***
Oyunları dodağımda donan, anası köynəyini yumayan qırış - qırış fikirli uşaq, gəl mənmlə top oyna.
***
Ürəyini təmiz saxla, Qəşəm, Gəlirəm, ha gəlirəm!
***
Ay məni qəbrimdə gəzən qarışqa, Sənə qan qalmadı məni bağışla.
***
Yaxşıdır şəhərdə pamidor satmaq, Zülümdür bu kənddə müəllim olmaq.
***
Oğlum, sağ olsaydım, Titrəyən dizinə qurban olardım. Sənə dost olardım, həyan olardım.
***
Yüz dəfə ,min dəfə deyirdi belə, Ancaq bilməyirdi televizor kordu.
***
Çiçək aparıram mənə toxunma, Oy... yavaş əzilər bənövşələrim.
***
Qızının göyçəyin su satan alır, Nə deyim nə deyim belə vətənə.
***
Mən özüm cəhənnəm balama hayıf, Hamı bazar tikdi, mən şer yazdım.
***
Qəşəmin anası ölsün, Qəşəm neyləsin?
***
Oy, yazıq ayaqlarım, oy Mən öləndə həsrətin yanıma sığışmayacaq.
***
Başa düşənəcən, anlayanacan, Nə çəkdim, çatmadı əlim bir yerə.
***
Sentyabr ayı doludur sənlə,
***
Qulağımı tor kimi atmışam sükuta səs tuturam sükutdan.
***
Bir barmaqdan düşdü üzük, Bir qola qolbaq dəymədi.
***
Qəribədi eey... ölüm Bəlkə də mənə baxıb, Gülməkdən ölür Əli Kərim.
***
Bahar qışın dəymiş vaxtdı, Qış baharın kal vaxtıdır.
***
Balığıyam bu yağışın Üzüb getmək istəyirəm Səni qoyub gəldiyim yerə. Dönüb getmək istəyirəm Aldanmağıma.
***
Dayan,
barmaqlarından ibarətdir.
***
Qapını bağlamışam ki, döyməyə bir şey olsun, Hayıf deyil, O səsə qədər yüyürüb yaşamaq...
***
İlk dəfə sevən qızın, Sevgisi tez yayılar.
***
Səni şairliyim tutsun Məni nə tez unutdun.
***
Misralar sən üçün darıxdığından İpə sapa yatmır, qafiyəsizdi.
***
Qolları o qızın qardaşı olar, Yatarlar hərəsi bir tərəfində.
***
Gözünün üstündə gəzdirdiyinin Ayağı altında qalmaq olurmuş.
***
Bir üzük barmağın yaralamışdı Olmur barağına başqa bir üzük
***
Əllərin balıqdı bir gün yolda Əllərimi tilov atıb tutmaq istədim əllərini, Tutamadım Gördüm bir qızıl üzük udub əllərini.
***
Yüklə 85,5 Kb. Dostları ilə paylaş:
|