Tadqiqot predmeti bo‘lib kichik biznes va xususiy tadbirkorlikni rivojlantirish jarayonida sodir bo’ladigan ijtimoiy munosabatlar tizimi hisoblanadi.
Tadqiqot obʼekti va predmeti Tadqiqot maqsadi va vazifalari Tadqiqot maqsadi kichik biznes va xususiy tadbirkorlikning aholini ish bilan ta’minlash va yangi ish o’rinlarini yaratishdagi o’rnini oshirishga qaratilgan taklif va amaliy tavsiyalar ishlab chiqishdan iborat.
Tadqiqot oldiga qo`yilgan maqsaddan kеlib chiqib quyidagi vazifalar bеlgilangan
kichik biznes va xususiy tadbirkorlikni rivojlantirish kontseptsiyalarini ijodiy o’rganish;
kichik biznes va xususiy tadbirkorlikni iqtisodiy mazmuni va o’ziga xos xususiyatlarini ochib berish;
aholini ish bilan ta’minlash va yangi ish o’rinlarini yaratish dasturlarini tahlil qilish;
yangi ish o’rinlarini tashkil qilish va aholining daromadlarini oshirishda kichik biznes va xususiy tadbirkorlikni rivojlantirishning ahamiyatini ochib berish;
kichik biznes va xususiy tadbirkorlikni rivojlanishida aholini ish bilan ta’minlash va yangi ish o’rinlarini yaratish mexanizmini takomillashtirishga qaratilgan taklif va tavsiyalar ishlab chiqish
Tadqiqotning ilmiy yangiliklari quyidagilardan iborat
kichik biznes va xususiy tadbirkorlik tushunchasiga oid mavjud ta’riflar qiyosiy tahlil qilinib, ularni o’zaro taqqoslash asosida tarkibiy qismlari tizimlashtirilgan;
aholi bandligini ta’minlash xususiyatlaridan kelib chiqqan holda kichik biznes va xususiy tadbirkorlik shakllarining tarkibiy tuzilmasini takomillashtirish taklifi asoslangan;
aholini ish bilan ta’minlash va yangi ish o’rinlarini yaratish dasturlari bilan kichik biznes va xususiy tadbirkorlik faoliyati rivojlanishining o’zaro muvofiqligi baholangan;
kichik biznes va xususiy tadbirkorlik sub’ektlari tomonidan taqdim etilayotgan biznes-rejalarda moliyaviy-iqtisodiy ko’rsatkichlar bilan bir qatorda aholini ish bilan ta’minlash va yangi ish o’rinlarini yaratish oid qo’shimcha ko’rsatkichlarning kiritilishi asoslangan.
