Ish hujjatlarini yuritish boʻyicha qoʻllanma

Namuna

Yillik ish rejada pedagogik jarayonni nazorat qilish jadvali

T/r	Ish mazmuni	Oʻrganish muddati	Nazorat qilina digan guruh	Ijrosi haqida maʼlumot
1	Frontal nazorat (mavzu olinmaydi, yalpi oʻrganiladi)
2	Mavzuli nazorat (mavzu rejalashtiriladi va mavzu asosida oʻrganiladi) Masalan: “Guruhlarda rivojlantirish markazlarni shakllantirilganligi va ulardan toʻlaqonli foydalanish xolati”
3	Qiyosiy nazorat (Taʼlim jarayoni turlarini nazorat qilish rejalashtiriladi va taqqoslama oʻrganiladi) Masalan: “Guruhlarda maʼnaviy-maʼrifiy, huquqiy tarbiya berish boʻyicha olib borilayotgan ishlar” va boshqa mavzular

Oʻquv amaliy seminarlar

Bir yilda ikki marta oktyabr va yanvar oylarida rejalashtirib ikki bosqichda nazariy va amaliy seminarlar oʻtkaziladi.

Seminar mavzulari oʻquv yilning asosiy vazifalari hamda tashkilotning taʼlim-tarbiya jarayonlari samaradorligini oshirishga qaratiladi.
Oʻtkazilgan seminar yigʻilishiga tegishli hujjatlar bayonnomalari va ish materiallar yigʻma jildda jamlanadi.
Pedagoglar uchun maslahatlar, mahorat maktablari
Pedagoglar uchun maslahatlar soati metodist tomonidan tashkil etilib, u direktor, metodist, psixolog, musiqa raxbari, defektolog, jismoniy tarbiya yurikchisi, ilgʻor pedagoglar tomonidan tashkil etiladi.
Maslahat soatlari oyda ikki marta har bir yoʻnalish boʻyicha dolzarb mavzular asosida rejalashtiriladi.
Pedagogik jarayonni jamoa boʻlib kuzatish
Pedagogik jarayonni jamoa boʻlib kuzatish har bir guruhda yilda 1-marta rejalashtiriladi. Bunda, markazlarda ishlash, umumiy guruh boʻlib ishlash jarayonlarining tashkil etilishi kuzatiladi. Pedagogik ish staji 3 yil boʻlmagan yosh mutaxassislar uchun pedagogik jarayonni jamoa boʻlib kuzatish rejalashtirilmaydi.
Bayram tadbirlari, koʻngil ochish soatlarni rejalashtirish
Mazkur bandga kalendar boʻyicha bayram ertaliklari, turli tashkilot va idoralar bilan hamkorlikda (bola hayoti xavfsizligi asoslariga oid tadbirlari, YPX,
tabiiy ofatlardan saqlanish va haqozo), koʻngil ochish soatlari, sport bayramlari va musobaqalari rejalari kiritiladi.
Pedagogik- kouching xamkorligi rejasi asosida ishlash
Kouching taʼlimning maʼnosini tushunishga yordam beradigan, pedagogni yangi bosqichga koʻtaradigan, motivatsiyasini va hujjatlar uchun javobgarlikni oshiradigan zamonaviy pedagoglar hamkorligini taʼminlaydi.
4-boʻlim. Hamkorlik ish rejasi


Hamkorlik ish rejasi — ota-onalar, maktab va mahalla bilan hamkorlikda amalga oshiriladigan ishlarni oʻz ichiga oladi. Mazkur hamkorlik rejasi MTT direktori, Kuzatuv kengashi raisi, umumiy oʻrta taʼlim maktabi direktori, MFY raisining imzosi bilan tasdiqlanadi.