Islom karimov nomidagi toshkent davlat texnika universiteti iqtisodiyot nazariyasi
Yüklə 0,57 Mb. Pdf görüntüsü
|
|
Kirish
O‘quv-uslubiy qo‘llanma Toshkent davlat texnika universiteti “Iqtisodiyot” kafedrasi bakalavr yo‘nalishi 2016-2017o‘quv yili uchun tasdiqlangan “Iqtisodiyot nazariyasi” fani bo‘yicha o‘tiladigan ishchi dastur asosida tayyorlandi. Mazkur o‘quv-uslubiy qo‘llanma “Talab va taklif nazariyasi. Bozor muvozanati”, “Ishlab chiqarish xarajatlari tahlili va foyda nazariyasi”, “Raqobat, monopoliya. Bozorning tartiblanishi va narxning shakllanishi” mavzularini o‘z ichiga olgan. Bozor iqtisodiyotining amal qilishida talab va taklif nazariyasi alohida o‘rin tutadi. Uslubiy qo‘llanmaning “Talab va taklif nazariyasi. Bozor muvozanati” mavzusida, talab va taklif tushunchalari va ularning miqdoriga ta’sir qiluvchi omillar, talab va taklif qonuni, ularning o‘rtasidagi nisbatning o‘zgarishi natijasida bozorda muvozanat o‘rnatilish shartlari hamda talab va taklif elastikligini ko‘rib chiqilgan. Ishlatilayotgan resurslardan tejamli va samarali foydalanish iqtisodiyot nazariyasi fanining muhim masalalaridan hisoblanadi. Uslubiy qo‘llanmaning “Ishlab chiqarish xarajatlari tahlili va foyda nazariyasi” mavzusi mikrodarajada resurslardan foydalanish masalalariga qaratilgan. Ushbu mavzuda ishlab chiqarish xarajatlari tushunchasi, uning tarkibi, qisqa muddatli va uzoq muddatli davrlarda ishlab chiqarish xarajatlarining o‘zgarish tamoyillari, foydaning mazmuni va uning ko‘rsatkichlari yoritilgan. Bozor iqtisodiyotida raqobat muhim ahamiyatga ega. Raqobat iqtisodiyotni harakatlantiruvchi kuch hisoblanadi. Mahsulotni ishlab chiqarish, xarajatlarni kamaytirish, yangiliklar yaratish, ishlab chiqarishga so‘nggi fan-texnika yutuqlarini joriy qilishni ham raqobat undaydi. Shuning uchun raqobatni tadqiq qilish muhim ahamiyatga ega. Uslubiy qo‘llanmaning uchinchi mavzusi “Raqobat, monopoliya. Bozorning tartiblanishi va narxning shakllanishi” doirasida raqobatning mohiyati, shakllari va usullari, narxning shakllanishi, monopoliyalarning iqtisodiy asosi va ularning turlari, O’zbekistonda monopoliyaga qarshi qonunchilik tavsifi berilgan. Qo‘llanmadagi barcha mavzular talaba uchun yanada tushunarli bo‘lishi va olgan bilimini mustahkamlashi uchun har bir mavzu oxirida shu mavzuga doir asosiy tayanch tushunchalar, masala va topshiriqlar berilgan. Uslubiy qo‘llanma Oliy ta’lim muassasasi bakalavr yo‘nalishida ta’lim olayotgan talabalar uchun mo‘ljallangan. |