İSTİLİk energetikasi

Baxılan təztiqdə qaynama temperaturunda olan mayeyə doymuş maye deyilir.

Sabit təzyiqdə doymuş mayeyə istilik verməklə o qaynayaraq buxara çevrilir. Bu prosesdə təzyiq sabit qalmaqla yanaşı temperaturda (qaynama temperaturu t_s) sabit qalır. Buxarlanma “ab” prosesi “b” nöqtəsində bitir. Həmin nöqtədə mayenin bütün kütləsi artıq buxar halına çevrilmiş olur.

Baxılan təzyiqdə qaynama temperaturunda olan və maye damcılarından azad olunmuş buxara quru doymuş buxar deyilir.

Buxarlanma “ab” prosesin qalan nöqtələri nəm buxar halını əks etdirir. Nəm buxar doymuş maye ilə quru doymuş buxarın qarışığıdır. Onun tərkibi quruluq dərəcəsi “x” və yaxud nəmlik dərəcəsi “y” ilə xarakterizə olunur

burada X – nəm buxarın tərkibində olan quru doymuş buxarın kütləsi;

m – nəm buxarın tərkibində olan doymuş mayenin kütləsi;

m+X – nəm buxarın kütləsidir.

Buxarlanma prosesin “a” nöqtəsi üçün x=0; y=1; “b” nöqtəsi üçün x=1; y=0 olacaq.

Quru doymuş buxara sabit təzyiqdə istilik verdikdə o, qızışmış buxara çevrilir. Bu proses qızışma prosesi adlanır və diaqramda “bc” əyrisi ilə təsvir olunur.