Nüfuzetmə sınaqlarının əsasları(Pentesting) Bu fənn tələbələrə nüfuzetmə sınaqlarının üsul və vasitələrini, onun planlaşdırılması, hazırlanması və icra mərhələlərini öyrədir. Tələbələr laboratoriya şəraitində sistemlərdə boşluqların/zəifliklərin aşkar edilməsi məqsədilə şərti kiberhücumlar yerinə yetirməyi, sistemlərə fərqli yanaşmalarla baxmağı öyrənirlər. Tələbələrə informasiya sistemlərindən aktiv və (və ya) passiv məlumat toplamaq üsulları öyrədilir, həmçinin tapılan boşluqlardan/zəifliklərdən istifadə edərək səlahiyyətləri yüksəltmək, təşkilata vurula biləcək mümkün ziyanın dərəcəsini ölçmək və əsas eləcə risk faktorlarını müəyyən etmək, onların qarşısının alınması, habelə nüfuzetmə sınağının nəticələri barədə hesabatların hazırlamağı öyrənirlər.
8
22
Elektronikanın əsasları və IoT təhlükəsizliyi(Basic of Electronics and IoT security) Bu fənn elektronika, mikrokontrollerlər və onların köməyi ilə yaradılmış cihazlara, xüsusilə IoT (əşyaların interneti) və onların istifadə etdiyi fərqli simli və simsiz şəbəkələr, həmin şəbəkələrin təhlükəsizliyi mövzularında biliklər öyrədilir. IoT qurğuların istifadə etdiyi fiziki protokollar və əlaqə üsulları, həmçinin xəbərləşmə protokolları, onların güclü və zəif cəhətləri izah olunur. Bundan əlavə IoT qurğulara yönəlmiş informasiya təhlükəsizliyi məsələləri, onlara qarşı mümkün kiberhücumlar və kibermüdafiə üsullarına aydınlıq gətirilir.
5
23
Təhlükəsiz proqramlaşdırma(Secure programming) Bu fənn proqram təminatınının ilkin kodlarından qaynaqlanan təhlükəsizlik boşluqları, onların təbiətini izah edir, bu boşluqların aradan qaldırılması üçün lazım olan bilikləri öyrədir. Kurs çərçivəsində tələbələrə proqram təminatının yardılmasından etibarən istismarınadək olan dövrdə kodların təhlükəsizlik tələblərinə uyğunlaşdırılması üsul və vasitələri öyrədiləcək. Tələbələr kurs zamanı zəruri laboratoriya mühitinin qurulmasının əsaslarını və bu mühitdə statik (SAST) və dinamik (DAST) kod analizinin necə aparılacağına dair təcrübələri öyrəcəklər.
