İzobutilen-izopren sopolimerinin sintezi, fiziki, texnoloji xassələri və vulkanizasiya prosesi

Fiziki xassələri. Molekul zəncirinin nisbətən yüksək nizamlı olmasına baxmayaraq BK-un şüşələşmə prosesi çox yavaş gedir. BK əsasında rezinlərin şüşələşməsinin əsas xüsusiyyəti ona gərgin­liyin həddən artıq güclü təsir etməsidir. Şüşələşmə 400%-dən artıq dartılma zamanı otaq və daha yüksək temperaturalarda istiliyin güclü ayrılması ilə müşahidə olunur. BK sıxlığı 910 kq/m³; şüşə­ləşmə temperaturu (-67)-dən (-70)-yə qədər; 20-75°C-də xüsusi həcmi elektrik müqaviməti 10^l4 Om.m; dielektrik keçiriciliyi -2,3; l khs - 1300 Mhs tezlikdə dielektrik itkilərinin tangens bucaqı - 410⁴-910⁴; həll olma parametri-16,6 (MC/m³)^l/2. BK yüksək die­lektrik xassələrinə malikdir və suyu az sorbsiya etməsi səbəbindən hətta çox nəm mühitdə belə bu xassələr dəyişmir (BK-un sorbsiya qabiliyyəti TK-un sorbsiya qabiliyyətindən 3-4 dəfə azdır).
Butilkauçuk karbohidrogenlərdə - aromatik karbohidrogenlərə nisbə­tən alifatik karbohidrogenlərdə, xloroformda, dördxlorlu karbon­da yaxşı həll olur.
Butilkauçukun xüsusiliyi onun kiçik qaz keçirməyə malik olmasıdır və bu polimerin molekula zəncirinin kiçik cəldliyi və tutumunun böyük sıxlığa malik olması ilə bağlıdır.
Müxtəlif qazlarda 20°C-də bəzi kauçukların qaz keçirmə əmsalları aşağıdakı kimidir (K_ü^.10¹⁸, M²/s^.Pa):

Kauçuklar	N2	O2	H2	CO2
Izopren	57	154	335	950
Butadien (SKB)	37	115	261	970
Butadien-stirol (SKS-30)	38	103	244	1120
Butadien-nitril (SKN-18)	7	26	88	305
Xloropren	7	24	79	148
Butilkauçuk	2,4	9,6	53	52