Jabrlanganlarni transportirovka qilishda yordam ko’rsatish. Birinchi tibbiy yordamning eng muhim vazifasi - bemorni yoki talafot olgan odamni tezda xavfsiz xolda shifoxonalarga yetkazish hisoblanadi. Transportirovka davrida jaroxat olgan bemor qo’shimcha og’riq oladigan bo’lsa, u xolda uning ahvoli yanada og’irlashadi yoki «shok» xolatiga tushadi. Transportirovka qilish jaroxatlangan bemorning ahvoliga, jaroxat harakteriga yoki kasalligiga qarab amalga oshiriladi. Agar tez yordamni chaqirish imkoni bo’lmasa, transpartirovka boshqa mashinada amalga oshiriladi. Transport vositalari bo’lmagan vaziyatlarda esa bemorlarni zambilda transportirovka qilinadi. Transportirovka davrida kasal yoki jaroxat olgan odam doimiy nazorat qilib boriladi. Ya’ni nafas olishini, pulsini o’lchash, o’qchiq kelganda qusuq massasining nafas olish yo’llariga tushmasligiga harakat qilinadi. Transportirovka davrida jabrlanganning ruhiyatiga birinchi yordam ko’rsatuvchining axloqi, xatti-harakati, muomalasi juda katta ta’sir ko’rsatadi.
Jabrlanganlarning jaroxat darajalariga qarab, ular guruhlarga bo’lib tranportirovka qilinadi. 1-navbatda - ko’krak qafasi va nafas yo’llari jaroxatlangan, o’zini bilmaydigan yoki shok xolatdagilar, boshi jaroxatlangan, ichki qon ketishi kuzatilgan, suyagi ochiq singanlar va kuyganlar guruhi.
2-navbatda - suyagi yopiq singanlar, qon ketishi to’xtatilgan jaroxat olganlar guruhi.
3-navbatda - kichik qon yo’qotgan, eti uzilgan va kichik suyaklari singanlar guruhi. Har bir guruhga kiruvchi kichik yoshdagi bolalar birinchi navbatda evakuatsiya qilinadi, agar imkoniyat bo’lsa, ularning ota-onasi yoki qarindoshi bilan amalga oshiriladi.
Katta miqyosdagi tabbiy ofat, avariya va katastrofalarda ko’plab insonlar jaroxat oladilar. Bunday vaziyatlarda birinchi navbatda tibbiy saralanadi. Tibbiy saralashda jaroxat olganlar uch xil rangli tasmlar yoki qog’ozlar bilan belgilanadi.
«Qizil» - jaroxat i og’irlar, tez tibbiy yordamga muhtojlar kiradi;
