Jamiyatni axborotlashtirish jarayonlarining ta’limni axborotlashtirish rivojlanishiga ta’siri

Jamiyatni axborotlashtrish jarayoni quyidagi qator muammolarning hal etilishini talab etadi: 1. Hisoblash texnikasi vositalarini jamiyat faoliyatining barcha tarmoqlariga tadbiq qilish. 2. Jamiyat a’zolarini hisoblash texnikasi vositalaridan samarali foy­dalanishga o'rgatish. 3. Jamiyat a’zolarining turli xil ehtiyojlarini qondirishda axborot resurslaridan to'la va samarali foydalanishlarini ta’minlash.

Axborotlashgan jamiyat — ko'pchilik ishlovchilarning axborot, ay­niqsa uning oliy shakli bo‘lmish bilimlarni ishlab chiqarish, saqlash, qayta ishlash va amalga oshirish bilan band bo'lgan jamiyatidir. Axborotlashgan jamiyatning o'ziga xos jihatlari quyidagilarda namo­ yon bo'ladi: • axborot iqtisodiyotining rivojlanishi; • axborot tangligini bartaraf etish; • axborot texnologiyasining globalligiga erishish; • turli axborot resurslariga erkin kirib borilishi; • axborot resurslarining ustunligini ta’minlash; • yangi axborot texnikasi va texnologiyalarini keng qo'llash; • boshqaruv faoliyatida axborotdan samarali foydalanish. Axborotlashgan jamiyatda inson axborot bilan ishlash bo'yicha ma’­ lum darajadagi axborot madaniyatiga ega bo'lishi zamr. Buning uchun shaxsni axborotni tez qabul qilish va uning katta hajmini qayta ishlash, zamonaviy vositalar, usullar va texnologiyalardan foydalanishga tayyorlash lozim.

Ta'limni axborotlashtirish, o'quv jarayonini sodda, samarali va yanada qulay qilish maqsadida axborot va kommunikatsiya texnologiyalarini qo'llashni o'z ichiga oladi. Bu texnologiyalar o'quvchilarga interaktiv darslar, o'zlashtirilgan testlar, virtual laboratoriyalar va boshqa yangi o'quv usullarini taklif etishda foydalaniladi. Bunday texnologiyalar, o'quvchilar bilan o'qituvchilar o'rtasida aloqani kuchaytirish, darslar va ma'ruzalarni yanada qulaylashtirish, o'quvchilarning salohiyatini oshirish uchun hamda ta'lim jarayonini yanada samarali qilish uchun qo'llaniladi. Boshqa so'zlar bilan, ta'limni axborotlashtirish, ta'lim jarayonini yangi texnologiyalar yordamida yanada sodda, yanada qulay va yanada samarali qilishni maqsad qiladi.