Ájiniyaz atíndaǵÍ NÓkis mámleketlik pedagogikalíq institutí “Tastıyıqlayman” Túrkiy tiller fakulteti dekanı B. Davletov 2021-jıl «MÁmleketlik tilde is júrgiziw»

Usınısnama
Gúlayım Orazımbetova Ájiniyaz atındaǵı NMPI Túrkiy tiller fakultetinde ayrıqsha bahalarǵa oqıydı. Hár jılı joqarǵı oqıw orınları arasında qaraqalpaq tili hám ádebiyatı páninen ótkeriletuǵın olimpiadalarǵa qatnasıp sıylıqlı orınlardı iyeleydi. Lingvitsitkalıq dógerek aǵzası. Inglis hám rus tillerin jaqsı ózlestirgen.
1- kurstan baslap ilimiy izertlew isleri menen shuǵıllandı. Ilimiy bayanatları menen lingvistikalıq dógereklerde, ilimiy – metodikalıq seminarlarda, joqarǵı oqıw orınları arasında hám Respublika kóleminde ótkerilgen ilimiy ánjumanlarǵa qatnastı, 2 ilimiy maqalası «Ilimi hám jámiyet» jurnalında járiyalandı.
Voleybol boyınsha institut saylandı komandası aǵzası. Ol sport jarıslarǵa úzliksiz qatnasıp bir medal hám birneshe maqtaw qaǵazlarına iye.
Minezi saldamlı, óziniń jeke kóz-qaralarına iye, pikirlerin dáliylley aladı.
Gúlayım Orazımbetova óziniń adamgershiligi hám miynetkeshligi menen jámáát arasında úlken abırayǵa eristi. Instituttaǵı jámiyetlik jumıslarǵa belsene qatnasıp kelmekte. Sol sebepli onı fakultetimiz atınan Ózbekstan Respublikası «Prezident stependiantı» tańlawına qatnasıwǵa usınıs etemen.
Fakultet dekanı: (qolı) …………………………
00.00.0000.

Usınısnama B.Q.Moyatdinov 2017-2021-jıllar aralıǵında Ájiniyaz atındaǵı NMPI Shet tilleri fakultetinde oqıdı. Ol ayrıqsha bahalarǵa oqıp, 3-kurs waqtınan baslap A.Nawayı atındaǵı mámleketlik stipendiatı boldı. Hár jılı joqarǵı oqıw orınları arasında rus hám inglis tillerinen ótkerilgen olimpiadalarǵa qatnasıp sıylıqlı orınlardı iyeledi. Lingvitsitkalıq dógerek aǵzası boldı. Shet tillerin (inglis, rus, nemec) jaqsı biledi. 1-kurstan baslap talabalar ilimiy izertlewleri menen shuǵıllanadı. Ilimiy bayanatları menen lingvistikalıq dógereklerde, ilimiy – metodikalıq seminarlarda, joqarǵı oqıw orınları arasında hám respublika kóleminde ótkerilgen ilimiy ánjumanlarǵa qatnastı, 5 ilimiy maqala hám «Aktualnıe voprosı izuчeniya leksikologii» atamasında 1 metodikalıq qollanba baspadan shıǵardı. (Nókis «Bilim» baspası, 2020. 3 b/t.) Institut hám fakultet jámiyetlik jumıslarına jedel qatnastı. Boks boyınsha institut saylandı komandası aǵzası bolıp, jarıslarǵa úzliksiz qatnasıp júrdi. Jámiyetlik tapsırmaslardı óz waqtında sapalı orınladı. Miynetkesh, kompyuterdi jaqsı biledi. Óziniń kóz-qarasın hám pikirin dáliylley aladı. Oqıtıwshılar hám talabalar arasında abırayǵa iye. Usınısnama magistraturaǵa kiriw ushın berildi. Shet tilleri fakultet dekanı (qolı) …………………. 00.00.0000.

ESABAT
Esap – bul belgili bir waqıtqa jobalastırılǵan hám orınlanǵan jumıs, wazıypa, tapsırma hám xızmet saparlarınıń juwmaǵı haqqında maǵlıwmat. Onda keltirilgen maǵlıwmatlar anıq, isenimli, ıqsham, jámyetlik-siyasiy áhmiyetke iye bolıwı kerek. Eger de jobalastırılǵan tapsırma orınlanbay qalsa, onıń orınlanbaw sebebi kórsetiledi hám usınıslar keltiriledi.
Esap beriw izbe-izligi tómendegishe bólimlerden turadı:

1. 
   Shólkemniń atı, esap beriwshiniń lawazımı, ismi-sháriypi (iyelik sepliginde).
   
2. 
   Hújjettiń atı. (feyildiń 3-bet tartım jalǵawında)
   
3. 
   Hújjettiń mazmunı. 4. Esap beriwshiniń imzası. 5. Hújjet tapsırılatuǵın sáne.
   

Úlgi

Ájiniyaz atındaǵı NMPI qaraqalpaq tili kafedrası oqıtıwshısı ……………..nıń 01.02.2021-31.03.2021-jıl aralıǵında Berdaq atındaǵı QMU janındaǵı pedagog kadrlardı qayta tayarlaw hám olardıń qánigeligin jetilistiriw aymaqlıq orayına «Qaraqalpaq tili» qánigeligin jetilistiriw baǵdarı tıńlawshısı kursın ótip kelgenligi haqqında Esabatı Men NMPI rektorınıń 29.01.2021-jıl №420 D/1 buyrıǵı menen Filologiya hám tillerdi oqıtıw: qaraqalpaq tili baǵdarı boyınsha Berdaq atındaǵı QMU janındaǵı pedagog kadrlardı qayta tayarlaw hám olardıń qánigeligin jetilistiriw aymaqlıq orayında qaraqalpaq (qazaq, túrkmen) tili hám ádebiyatı qánigeligin jetilistiriw kursına xızmet saparına bardım. 01.02.2021-20.03.2021-jıl aralıǵında QMUdıń jetekshi akademik hám professorlarınıń aldıńǵı pedtexnologiya hám innovaciyalıq metodları boyınsha lekciyaların tıńladım. Laboratoriyalıq hám seminar sabaqlarına qatnastım. Sonday-aq eń jańa hám zamanagóy innovaciyalıq usıllar menen tanıstım. 2021-jıl 23-mart kúni «Zamanagóy tálim: aktual mashqalalar, innovaciyalar hám rawajlanıw tendenciyaları» atamasında ótkerilgen respublikalıq ilimiy-ámeliy konferenciyaǵa «Qaraqalpaq tilindegi baǵınıńqılı qospa gáplerdiń bóliniw principleri» atamasındaǵı ilimiy maqala menen qatnastım, maqalam toplamda basılıp shıqtı. 22-27-mart kúnleri Qaraqalpaq filologiyası fakulteti qaraqalpaq til bilimi kafedrasında pedámeliyat kursın ótedim. 26-mart kúni Qaraqalpaq filologiyası fakultetiniń 3^g-kurs talabalarına «Házirgi qaraqalpaq ádebiy til. Sintaksis» páni boyınsha «Gáptiń ekinshi dárejeli aǵzaları» degen temada ashıq sabaq óttim. Ashıq sabaq 4,9 ball menen bahalandı. 29-mart kúni qánigeligim boyınsha test tapsırdım hám joqarı ball topladım. 30-mart kúni «Qaraqalpaq tilindegi qospalangan jay gáplerdi oqıtıw» atamasında pitkeriw jumısın tabıslı jaqladım. 31-mart kúni qánigelik kursın pitkergenligim haqqında sertifikat (MA № 003973) aldım. Xızmet saparına tiyisli barlıq hújjetlerimdi qosa usınaman. Qaraqalpaq tili kafedrası oqıtıwshısı (qolı) ……………………… 31.03.2021.

Ájiniyaz atındagı NMPI Qaraqalpaq tili kafedrasında «Házirgi qaraqalpaq ádebiy tili. Sintaksis» páninen ótkerilgen kurs jumıslarınıń Esabatı Kafedrada «Házirgi qaraqalpaq ádebiy tili. Sintaksis» páni boyınsha kurs jumısları tómendegishe shólkemlestirildi: 2021-2022-oqıw jılı boyınsha : 3 ^b – kurstan 15 student kurs jumısın orınladı. Sonnan: 85-100% - 2 student 71-85% - 7 student 55-70% - 6 student. Kurs jumısın qabıllaǵan (qolı) ……………..