Xat (Rásmiy)
Basqa da is qaǵazları sıyaqlı arnawlı xat jazıwda házirgi zaman til biliminiń is qaǵazlarınıń leksikalıq, morfologiyalıq, sintaksislik hám stilistikalıq qaǵıydaların saqlaw kerek.
Xat tómendegishe dúziledi.
1. Xat jiberiletuǵın shólkemniń, kárxananıń atı. (Xat jollanıp atırǵan adamnıń lawazımı, familiyası, atı, ákesiniń atı kórsetiledi).
2. Xattıń mazmunı.
3. Xat iyesiniń familiyası, atı, ákesiniń atı qolı.
4. Sánesi
5. Xat jiberiwshiniń mákan jayı.
Xatlardıń úlgileri
Ájiniyaz atındaǵı NMPIdıń
rektorı B.Otemuratovqa
Húrmetli Bayram Perdebaevich!
Siziń instituttıń qazaq tili hám ádebiyatı kafedrasınıń docenti, f.i.k. Tórtkúlbaeva Tursınay Abdiǵazıevnanı Berdaq atındaǵı Qaraqalpaq mámleketlik universiteti qazaq filologiyası bakalavr baǵdarı pitkeriwshileriniń 2021-jıl 9- iyun kúninen baslap 13-iyun kúni aralıǵında Mámleketlik attestaciya komissiyası májilislerine komissiya aǵzası sıpatında qatnasıwına ámeliy járdem beriwińizdi soraymız.
Rektor: A.Reymov
Tayarlaǵan: Q. Turdıbaev
Tel: (+99890)-727-70-80
Tema: Miratnama, talapnama
MIRÁTNAMA
(Keshege yamasa basqa bir merekege shaqırıw)
Mirátnama- saltanatlı keshege yamasa basqa bir merekege shaqırıw ushın qollanılatuǵın hám aldın-ala xabarlandırıwshı hújjet. Mirátnamada sáne, mánzil, waqtı, mirát etiliwshiniń tolıq atı, shólkemlestiriwshiler kósetiliwi talap etiledi. Ayırım jaǵdaylarda jeke adamnıń ilimiy miynetleri yaki kórkem shıǵarmalarınıń prezentaciyası bolsa, mirátnamaǵa sol adamnıń imzası da qoyıladı. Sonday-aq ilimiy májilislerge baylanıslı tayarlanǵan mirátnamalarǵa bayanatlardıń izbe-izligi jazılǵan baǵdarlama da qosımsha jiberiliwi múmkin. Házirgi waqıtta mirátnama buklet formasında tayarlanıp, qaǵazdıń sırtqı tárepine mirátnama sózi jazılıp, ishki tárepine, dál ortaǵa húrmetli …. dep baslanıp atır. Bul bir qansha qolaylıraq sıpatqa iye, sebebi baǵdarlama ushın óz aldına qaǵaz qoyılıw záúrligi joq.
Mirátnamalar qanday merekege arnalǵanına qaray hár qıylı bezeledi, máselen, mirátnama belgili jasıwshı, shayır, ilimpaz, isker, muzıkant, yaki ayırım tariyxıy waqıyalarǵa baylanıslı jazılsa, onda sol yubiley yaki sánege arnalıp súwret, yubiley jası, kitabınan, waqıyalardan, qosıqlarınan cıtata keltiriledi.
Eger mirátnama jeke úy atınan berilse, ondaǵı feyiller birinshi bet, kóplik sanda bayanlanadı. Mirátnamanıń sońına qol qoyılmaydı, úy mánzili hám shańaraq familiyası kórsetiledi.
Eger mirátnama kópshilik tárepinen shólkemlestirilse, onday jaǵdayda shólkemlestiriwshilerdiń atları hár qaysısı dara-dara óz aldına kórsetiledi, ondaǵı feyiller úshinshi bet, kóplik sanda bayanlanadı. Mirátnamanıń teksti qısqa hám anıq mazmunda jazıladı.
Tómendegishe dúziledi:
1. Arnawlı qaǵazdıń ortasına mirát etilgen adamnıń atı, ákesiniń atı jazılıp, keynine úndew belgisi qoyıladı.
2. Mirátnamanıń qısqa hám anıq mazmunı jazıladı.
3. Mereke ótetuǵın jerdiń atı hám waqtı, sánesi jazılıwı kerek.
4. Mirátnamanıń iyesiniń yamasa shaqırıwshınıń dárekleri jazıladı.
Úlgi:
Dostları ilə paylaş: |
