Ájiniyaz atíndaǵÍ NÓkis mámleketlik pedagogikalíq institutí “Tastıyıqlayman” Túrkiy tiller fakulteti dekanı B. Davletov 2021-jıl «MÁmleketlik tilde is júrgiziw»

Tema: Protokol, protokoldan kóshirme
PROTOKOL
Protokol- keń taralǵan hújjetlerdiń biri.
Hár qıylı jıynalıs, keńes hám ánjumanlardıń barısın, májilis qatnasıwshılarınıń shıǵıp sóylewleri hám olar qabıl qılǵan qararlardı rásmiylestiriwshi hújjet. Protokolda jazılǵan maǵlıwmatlardıń anıqlıǵına májilis baslıǵı hám xatker juwapker boladı, sonlıqtan májilis baslıǵı hár bir máseleni tereńinen úyrenip, talqılap, dawısqa qoyıw jolı menen qarar qabıllaydı, al xatker sol processlerdiń izbe-iz ótiwine tikkeley juwapker, eger qáte-kemshilikler jiberilse nızam aldında jazaǵa tartıladı.
Protokollar stenografiyalıq, fonografiyalıq hám konspekt túrinde bolıp, ıqsham, biraq tolıq jazıladı. Qosımsha berilgen maǵlıwmatlar (komissiya isleriniń juwmaǵı, buxgalteriya isleriniń jıllıq esabı hám t.b.) protokolǵa qosa tigiledi. Onda shıǵıp sóylewshilerdiń pikirleri tolıq jazılıwı kerekligi talap etiledi.
Protokol tómendegishe tiyisli tártipte jazıladı:

1. 
   Shólkemniń atı.
   
2. 
   Tema (birgelikte másele qarawshı organnıń yamasa jıynalıstıń atı, nomeri)
   
3. 
   Ortaǵa hújjettiń atı (Protokol)
   
4. 
   Qaǵazdıń shet tárepine jıynalıstıń sánesi, sol qatardıń oń tárepine jıynalıstıń ótkerilgen ornı.
   
5. 
   Qatnasıwshılar haqqında maǵlıwmat (jıynalıs qatnasıwshılarınıń dizimi yaki sanı)
   
6. 
   Kún tártibi. Hár bir soraw anıq etip jańa qatardan jazıladı.
   
7. 
   Hár bir qaralǵan másele tolıq jazıladı.
   
8. 
   Tekst
   

a) kún tártibi
b) tıńlandı
v) sózge shıqtı
d) qarar qabıllandı.
11. Protokoldıń eń sońına májilis baslıǵı hám xatker qol qoyadı.
12. Mór.
Hár birn másele úyrenilip shıǵılǵannan soń, májilis baslıǵıń usınısı hám qatnasıwshılarınıń dawısqa qoyıw jolı menen qarar qabıllanadı.


Úlgi:

Ájiniyaz atındaǵı NMPI Túrkiy tilleri fakultetiniń qazaq tili hám ádebiyatı qánigeliginiń 1^d -kurs talabalarınıń gezektegi májilisiniń 6-sanlı Protokolı 28-noyabr 2021-jıl. Nókis qalası Qatnasqanlar: Topar basshısı M.Asanbaeva hám 30 talaba jaslar. Kún tártibi: 1.«Jaslarǵa tiyisli mámleketlik siyasat haqqında»ǵı Qaraqalpaqstan Respublikası Nızamın háreketke engiziw tuwralı Qaraqalpaqstan Respublikası Joqarǵı keńesiniń qararın úyreniw. Topar basshısı M.Asanbaevanıń bildiriwi. 2. Qısqı semestr juwmaǵı Topar sárdarı J.Mámbetovtıń bildiriwi. Kún tártibi maqullandı