Ájiniyaz atíndaǵÍ NÓkis mámleketlik pedagogikalíq institutí “Tastıyıqlayman” Túrkiy tiller fakulteti dekanı B. Davletov 2021-jıl «MÁmleketlik tilde is júrgiziw»

Úlgi

Ómirbayan Men, Nızanov Abatbay Jumabaeviч, 1970-jılı 20-yanvarda Qaraqalpaqstan Respublikası Shımbay rayonınıń Qamısarıq diyqan fermer xojalıǵında, xızmetker shańaraǵında tuwıldım. Ákem- Nızanov Jumabay Joldasbaeviч Shımbay rayonlıq xalıq bilimlendiriw bólimine qaraslı 1-sanlı mektepte rus tili hám ádebiyatı páni muǵallimi, anam- Raximova Ayparsha Eshmuratovna 5-sanlı balalar baqshasında tárbiyashı bolıp isleydi. 1977-jıldan 1987-jılǵa shekem Shımbay rayonlıq xalıq bilimlendiriw bólimine qaraslı 1-sanlı mektepte oqıdım. Oqıwdı pitkergennen keyin Shımbay mádeniyat sarayında instuktor bolıp jumıs isledim. 1988-1990-jılları armiya qatarında xızmet ettim. 1990-jılı Ájiniyaz atındaǵı Nókis mámleketlik pedagogikalıq institutınıń dene tárbiyası fakultetine oqıwǵa tapsırdım, 1994-jılı oqıwdı ayrıqsha diplom menen pitkerdim. Házirgi waqıtta Nókis qalalıq Xalıq bilimlendiriw bólimine qaraslı 9-sanlı ulıwma orta bilim beriw mektebinde dene tárbiyası oqıtıwshısı lawazımında jumıs islep atırman. 2009-jıldan Ózbekstan Respublikası xalıq bilimlendiriw aǵlasıman. 2010-jıldan «Milliy tiklanish» partiyasınıń aǵzasıman. Úylengenmen. Ómirlik joldasım – Seytimova Durdana, 1974-jılı tuwılǵan, Nókis qalalıq 2-sanlı balalar emlewxanada shıpaker bolıp isleydi. Qızım- Jumabaeva Párwaz, 2003-jılı tuwılǵan, TashITU Nókis filialınıń kásiplik tálim qánigeliginiń 4-kurs basqıshında tálim alıp atır. Balam- Jumabaevv Timur, 2013-jılı tuwılǵan, Nókis qalalıq 3-sanlı mektepte oqıydı. Mánzilim: 724002, Nókis, Massiv Sárbinaz 38-úy, 27-xana. Tel.: [phone]. 00.00.0000. (qolı) A. Nızanov

Annotaciya yamasa qısqasha maǵlıwmat
Oqıwshını kitaptıń yamasa basqa shıǵarmanıń mazmunı menen qısqasha tanıstıradı. Geybir waqıtları annotaciyada kitapqa baha beriw elementleri hám avtorı haqqında qısqasha maǵlıwmat beriledi.
Annotaciya
T.Qayıpbergenovtıń «Túsiniksizler», «Baxıtsızlar» kitabı.
Bul kitaptı oqıǵanda siz qaraqalpaqlardıń batırları haqqında, olardıń danalıǵı, er júrekligi haqqında tariyxıy maǵlıwmatlar alasız.
Aydos biy, Ernazar alakóz, Qumar analıqlardıń erlikleri, zulımlıqqa qarsı gúresi kóz aldımızǵa keledi.
Jazıwshı T.Qayıpbergenovtıń kórkem sóz sheberi, gáp qurawdaǵı óneri, waqıyalardı súwretlewdegi sheberligi tuwralı úyrenesiz.
Prof. Allamdergenov K. (qolı) sánesi
Pikir
Pikir ilimiy miynetti yamasa basqa bir shıǵarmanı talqılaw hám oǵan baha beriwden ibarat. Pikirdiń avtorı qanday da bir shıǵarmanıń unamlı hám unamsız jaqların talqılap, oǵan óziniń oy-pikirin, qatnasın bildiredi.
Pikir
Qollanba avtorları milliy mekteplerde, orta arnawlı oqıw orınlarında, kásip-texnikalıq uчiliщelerinde rus tilin úyreniw programmasına sáykes, oqıtıwdıń barısında oqıwshılardıń hám talabalardıń jazba hám awızeki sóylewin rawajlandırıw hám jetilistiriwdi maqset etip qoyadı.
K.M.Qoshanov hám T.R.Abdalieva ózleriniń hám basqa da ilimpazlardıń kóp jıllıq tájiriybeleri tiykarında jıynalǵan ilimiy materiallarına tiykarlanǵan. Qollanbada avtorlar ózleriniń pikirlerin eń jarqın hám keń tarqalǵan mısallarǵa súyene otırıp dáliylleydi.
«Rus ádebiy tili», «Tuwısqanlıq tili» usaǵan bólimler óziniń tereń mazmunı, ideyalılıǵı menen adamdı tárbiyalawda járdem beredi. Sabaqlıq hámmege túsinikli hám paydalı. Tekstlerdiń qaraqalpaq tilindegi awdarmaları berilgenligi kópshilik oqıwshılar tárepinen ózlestiriwdi jeńillestiredi.