Jismoniy shaxslar

9-VAZIYAT 
O‗rindosh xodim daromadlaridan JSHDS hisob-kitobi 
Soliq kodeksining 180-moddasi 2-qismida nazarda tutilgan imti-
yozga ega o‗rindosh xodimga yanvar oyida 800 000 so‗m ish haqi 
to‗langan. 
Asosiy bo‗lmagan ish joyidan yoki boshqa yuridik shaxslardan 
olingan daromadlarga to‗lov manbaida JSHDSni hisoblab chiqarish So-
liq kodeksining 180-moddasida nazarda tutilgan imtiyozni qo‗llamas-
dan jami daromad summasidan amalga oshiriladi (Soliq kodeksining 
186-moddasi 8-qismi). 
Agar asosiy bo‗lmagan ish joyidan yoki boshqa yuridik shaxslar-
dan daromad oladigan jismoniy shaxs buxgalteriyaga undan JSHDSni 
eng yuqori stavkada ushlab qolish haqida ariza taqdim etsa, u holda 
daromad to‗lovchi yuridik shaxs imtiyozlarni qo‗llamagan holda uni 
eng yuqori stavkada ushlab qoladi (Soliq kodeksining 186-moddasi 9-
qismi). Bunday ariza mavjud bo‗lmagan hollarda JShDS shkala 
bo‗yicha ushlab qolinadi, soliq to‗lovchi esa soliq organlarida o‗tgan 
yil uchun jami daromadlarini keyingi yilning 1 apreliga qadar 
deklaratsiyalashi shart. 
I. O‗rindosh buxgalteriyaga JSHDSni eng yuqori stavkada ushlab 
qolish haqida ariza taqdim etmagan. 
Uning yanvar oyida olgan daromadiga 7,5%lik stavka bo‗yicha 
soliq, solinadi: 
(800 000 -172 240) x 7,5% = 47 082 so‗mga teng. 
SHJBPHga majburiy badallar 12 555,2 so‗mga ((800 000 -172 
240) x 2%) teng. 
Yanvar oyi uchun byudjetga 34 526,8 so‗m (47 082- 12 555,2) 
JShDS o‗tkaziladi. 
Majburiy sug‗urta badallari summasi 64 000 so‗mni (800 000 x 
8%) tashkil etadi. 
Soliq va sug‗urta badallari ushlanganidan keyin xodim 688 918 
so‗m (800 000 - 47 082 - 64 000) ish haqi oladi. 

---

109 
II. O‗rindosh xodim buxgalteriyaga JSHDSni eng yuqori - 
22,5%lik stavkada ushlab qolish haqida ariza taqdim etgan. 
O‗rindoshning daromadi 1 722 400 so‗mdan oshmasligiga 
qaramay, xodimning arizasiga ko‗ra uning butun ish haqiga 22,5%lik 
stavka bo‗yicha soliq solinadi. Yanvar oyi uchun JSHDS summasi 180 
000 so‗mga (800 000 x 22,5%) teng 
Jami ish haqidan (nol stavkasi bo‗yicha soliq solinadigan 
daromadni chegirmagan holda) SHJBPHga badallar (2%) hisoblab 
yoziladi. Yanvar oyida ularning summasi 16 000 so‗mni (800 000 x 
2%) tashkil etadi. 
Byudjetga 164 000 so‗m (180 000 -16 000) JSHDS o‗tkaziladi. 
Yanvar oyi uchun sug‗urta badallari 64 000 so‗mni (800 000 x 8%) 
tashkil etadi. 
JSHDS va sug‗urta badallari ushlanganidan keyin o‗rindosh xodim 
556 000 so‗m (800 000 -180 000 - 64 000) ish haqi oladi.