Jizzax politexnika instituti

4.3. Aylanma mablag’lardan foydalanish ko’rsatkichlari

Korxonalarda aylanma mablag’lardan foydalanish samaradorligi ikki ko’rsatkich bilan ifodalanadi: aylanish tezligi va ularning nisbiy mutlaq miqdorining kamayishi.

Aylanma mablag’larning ma’lum davr ichida ishlab chiqarish jarayonidan muomala jarayoniga va muomala jarayonidan ishlab chiqarish jarayoniga o’tish soni aylanma mablag’lar aylanish koeffitsienti deb ataladi. Aylanma mablag’larning aylanish koeffitsienti (Ka) korxonaning sotilgan mahsuloti yillik qiymatini (M_yil.q.) shu mahsulotni yaratishda ishtirok etgan aylanma mablag’larning o’rtacha yillik qoldig’iga (U_a) taqsimlanib, hisoblab chiqiladi.

bunda:

M_yil.q — rejalashtirilgan yilda sotilgan mahsulot qiymati, so’m;

U_o’rta — aylanma mablag’larning o’rtacha yillik qoldiq qiymati, so’m.

Aylanma mablag’larning bir aylanish davomiyligi kunlar bo’yicha quyidagicha aniqlanadi:



bunda:

K_a — ma’lum davrning davomiyligini aniqlash uchun bir yil — 360 kun, chorak — 90 kun, oy — 30 kun deb qabul qilinadi.

Aylanma mablag’larning aylanishini jadallashtirish
natijasida bo’shatib olinadigan aylanma mablag’larning
hajmi (B_m) quyidagi ifoda orqali topiladi:



bunda:

D_1a va D_2a — aylanuvchanlikni jadallashtirishdan oldingi va keyingi mos ravishda aylanish davomiyligi.

Aylanma mablag’lar aylanishini tezlashtirishning quyidagi yo’llari mavjud:

a) Ishlab chiqarish jarayonida:

- ishlab chiqarish siklining davomiyligini qisqartirish;

- mahsulot ishlab chiqarishni maromiyligini oshirish;

- progressiv texnologik jarayonlarni va uskunalarni qo’llash;

- ishlab chiqarishni tashkil etishni va rejalashtirishni takomillashtirish;

- mehnattalablilikni kamaytirish;

- aylanma mablag’lar sarfini kamaytirish.

b) Muomala jarayonida:

- ta’minotni oqilona tashkil etish;

- hisoblar tizimini takomillashtirish,

Aylanma mablag’lardan foydalanish darajasini ifodalaydigan barcha ko’rsatkichlar, korxonaning tannarx, foyda, rentabellik kabi asosiy texnik-iqtisodiy ko’rsatkichlari bilan bog’langan.

Aylanma fondlar, moddiy buyum elementlarini tejash mahsulotning material sig’imini tejab qolish va ishlab chiqarish xarajatlarini kamaytirish imkonini beradi.

korxonalarida moddiy resurslarni tejashning quyidagi yo’nalishlari mavjud:

1. yaratilayotgan mashina va mexanizmlarini loyihalashtirish bosqichlarida sifatni saqlab qolgan holda material sig’imini nisbatan kamaytirish;

- resurstejamkor texnologiya va uskunalarni qo’llash;

- kam chiqimli va chiqindisiz texnologiyadan foydalanish; (quyma va metallni bosim bilan ishlash);

- po’latning maqsadga muvofiq turlaridan foydalanish;

- an’anaviy konstruksion materiallar o’rniga yangi o’rindosh materiallardan foydalanish (polimer materiallar va kukun metallurgiya buyumlari). Plastik materallarni ishlatishda ishlab chiqariladigan mashina va mexanizmlarning og’irligini kamaytirish (ularni ishlatish jarayonida yoqilg’i va energiya resurslarini tejash).

Bundan tashqari polimer materiallar va metall kukunlari mahsulot mehnat sig’imini kamaytiradi (ishlab chiqarishda ba’zi bir metall qirquvchi uskunalarni ozod qiladi).

2. Tashkiliy-iqtisodiy yo’nalish korxonada moddiy resurslarni iqtisod qilishni ta’minlaydi:

- moddiy-texnika ta’minotining progressiv shakllarini qo’llash;

- moddiy resurslarni transportirovka qilish va saqlashdagi nobudgarchiliklarni yo’qotish;

- ombor xo’jaligining samarali ishini tashkil etish;

- xomashyo, materiallar, yoqilg’i va energiya sarfini kamaytirish;

- brakli mahsulot ishlab chiqarishni kamaytirish.