Jizzax politexnika instituti

1) Sof diskontlangan daromad (SDD) - butun hisobot davri uchun joriy samaralar yig‘indisining boshlang‘ich qadamga keltirilgan miqdori yoki integral natijalarning integral xarajatlardan oshib ketishi. U quyidagi formula asosida hisoblanadi:

Bu erda:

N_t – hisob-kitoblarning t-qadamida erishiluvchi natijalar;

X_t – xuddi shu qadamda amalga oshiriluvchi xarajatlar;

T – hisob-kitoblarning vaqt muddati;

E - diskont normasi.

Agar investitsion loyihaning SDD miqdori ijobiy bo‘lsa, u holda loyiha samarali, ya’ni investitsiya mablag‘lari darajasining qabul qilingan diskont normasini ta’minlovchi hisoblanadi.

Xarajatlar va ularning natijalari miqdorini keltirish ularni diskontlash koeffitsienti (d_t) ga ko‘paytirish asosida amalga oshirilib, bunda quyidagi formuladan foydalaniladi:

Bu erda:

t - natijalarni olish (xarajatlarni amalga oshirish) davridan taqqoslash davrigacha bo‘lgan muddat bo‘lib, yillarda o‘lchanadi.

Diskont normasi (E) - boshqa investorlar o‘z mablag‘larini xuddi shu turdagi loyihalarni amalga oshirish uchun kiritishga rozi bo‘luvchi, kapitalning daromadlilik koeffitsienti (daromad miqdorining kapital qo‘yilmalarga nisbati).

Agar diskont normasi vaqt davomida o‘zgaradigan bo‘lsa, diskont koeffitsienti (d_t) quyidagi formula asosida aniqlanadi:

Bu erda:

E_k – k-yildagi diskont normasi;

t- hisobga olinuvchi vaqt muddati, yil.

Investitsion loyihalarning samaradorlik ko‘rsatkichlarini aniqlashda mahsulot va iste’mol qilinuvchi resurslarning bazis, bashorat qilinuvchi, jahon va hisobiy baholaridan foydalaniladi.

2) Investitsiyalarning daromadlilik indeksi (ID) - keltirilgan samaraning investitsiyalar miqdoriga (K) nisbati bo‘lib, quyidagi formula asosida aniqlanadi:

Agar daromadlilik indeksi birga teng yoki undan katta bo‘lsa, investitsion loyiha samarali, aks holda esa samarasiz hisoblanadi.

3) Ichki daromadlilik normasi (IDN) - keltirilgan samara miqdori keltirilgan investitsiya miqdoriga teng bo‘lgan xoldagi diskont normasi (E_ich), ya’ni E_ich (IDN) quyidagi tenglik orqali aniqlanadi:

Ushbu formula asosida aniqlangan daromadlilik normasi miqdori investorning kapitalga talab qiluvchi daromad miqdori bilan taqqoslanadi. Agar IDN talab qilinuvchi daromad normasiga teng yoki undan katta bo‘lsa, u holda loyiha samarali hisoblanadi.

4)Investitsiyalarning qoplanish muddati (T_i) - investitsion loyihani amalga oshirishni boshlashdan to natijalarga erishishgacha bo‘lgan minimal vaqt muddati. U quyidagi formula asosida aniqlanadi:

Bu erda:

I_s – sof investitsiyalar;

P_m – loyiha keltiruvchi o‘rtacha yillik pul mablag‘lari oqimi, so‘m.

SHu bilan birga qoplanish muddati loyihaning daromadliligi ko‘rsatkichi hisoblanmaydi. SHu sababli amaliyotda investitsiyalar birlamchi kapital (qo‘yilma)ga nisbatan daromadlilik ko‘rsatkichi orqali ko‘rib chiqiladi hamda quyidagi formula asosida hisoblanadi:

Bu erda:

D_u –investitsiyalar daromadi, % da;

M_n – soliqlar to‘langandan so‘ng qolgan foyda, so‘m;

K - investitsiyalar (boshlang‘ich).

U yoki bu investitsion loyihani tanlash to‘g‘risida qaror qabul qilishda korxonalar quyidagi savollarga javob berishi lozim:

10. 
    ishlab chiqarishdagi bugungi holat qancha davom etishi mumkin va bozorda mahsulotga (ish, xizmatga) bo‘lgan talab qanday;
    
11. 
    kapital kiritish uchun imkoniyatlar qanday;
    
12. 
    raqobatchilik faoliyati qanday;
    
13. 
    qanday muvaffaqiyat omillari mavjud;
    
14. 
    yangi bozorga kirish uchun qanday imkoniyatlar mavjud.
    

Iqtisodiy samaradorlikni baholashning ikkinchi holatida, ya’ni mablag‘larni mavjud ishlab chiqarishga kiritishda quyidagi ko‘rsatkichlar qo‘llaniladi:

a) investitsiyalarning har bir so‘miga to‘g‘ri keluvchi qo‘shimcha mahsulot quyidagi formula asosida aniqlanadi:

Bu erda:

E –investitsiyalar samaradorligi;

YAM_o, YAM₁ – yalpi mahsulot, mos ravishda birlamchi va qo‘shimcha investitsiyalarda;

I_k – qo‘shimcha investitsiyalar miqdori.
b)investitsiyalarning har bir so‘miga tannarxning pasayishi:

Bu erda:

TN₀, TN₁ - mahsulot birligi tannarxi, mos ravishda, birlamchi va qo‘shimcha investitsiyalarda;

Q – qo‘shimcha investitsiyalar kiritilgandan keyingi yillik mahsulot hajmi, natural o‘lchov birl.

v)investitsiyalarning har bir so‘miga mahsulot ishlab chiqarishdagi mehnat xarajatlarini qisqartirish:

Bu erda:

M₀, M₁ – mahsulot birligiga ishlab chiqarishda sarflanuvchi mehnat xarajatlari, mos ravishda qo‘shimcha investitsiyalar kiritilguncha va undan so‘ng
g)investitsiyalarning har bir so‘miga foydani oshirish:

Bu erda:

F₀, F₁ – mahsulot birligiga to‘g‘ri keluvchi foyda, mos ravishda qo‘shimcha investitsiyalar kiritilguncha va undan so‘ng.

e) investitsiyalarning qoplanish muddati.

Investitsiyalar samaradorligini keltirilgan formulalar asosida (boshqaruv darajasini inobatga olgan holda) aniqlash ishlab chiqarishni rivojlantirishga qancha miqdorda investitsiya kiritilgan va uning natijasi qanday degan savolga javob beradi, ya’ni u investitsiyalarning mutlaq (absolyut) samaradorligini tavsiflaydi.

Amaliyotda ko‘pincha investitsion qarorlarning turli xil variantlari ko‘rib chiqilib, ulardan eng maqbulini tanlab olishga harakat qilinadi. Bu maqsadda kapital qo‘yilmalarning solishtirma iqtisodiy samaradorlik ko‘rsatkichlari qo‘llanib, ular quyidagi formula asosida aniqlanadi:

E_n = TN + E_n ×K min

Bu erda:

TN - mahsulot tannarxi;

K - kapital qo‘yilmalar;

E_n - kapital qo‘yilmalarning samaradorlik normasi.

Agar investitsion qarorlarning bir nechta variantlari ko‘rib chiqiladigan bo‘lsa, keltirilgan xarajatlar eng minimal bo‘lgan variant tanlab olinadi.

Iqtisodiy samardorlikni baholash jarayonida kiritiluvchi investitsiyalarning qoplanish muddatini aniqlashning o‘ziga xos o‘rni bo‘lib, u quyidagi formula asosida aniqlanadi:

T_ok = K / (F_r1 – F_r0)

Bu erda:

K - asosiy ishlab chiqarish fondlariga kiritiluvchi kapital qo‘yilmalar hajmi;

F_r1- rejalashtirilayotgan davrning so‘nggi yilidagi foyda;

F_r0 - bazis yildagi foyda (rejadan oldingi davrning so‘nggi yili).

Kapital qo‘yilmalarning samaradorlik koeffitsienti qoplanish mudatiga teskari bo‘lgan kattalikdir. U quyidagi formula asosida hisoblanadi:

E = (F_r1 – F_r0) / K

Vaqt omili, ayniqsa, investor (buyurtmachi) nuqtai nazaridan kiritilayotgan resurslarning haqiqiy samaradorligini ta’minlashda katta ahamiyat kasb etadi. SHu sababli qurilish, qayta tiklash va kengaytirish, shuningdek, mavjud ishlab chiqarishni zamonaviylashtirish ishlari qanchalik tez bajarilsa, investor va pudratchi uchun shunchalik foydali bo‘ladi. Qurilgan ob’ektni muddatidan avval foydalanishga topshirishdan olinuvchi qo‘shimcha foyda (E_kf) orqali iqtisodiy samara quyidagi formula asosida aniqlanadi:

E_kf = E_n F (T_sh – T_a)

Bu erda:

E_n - samaradorlikning normativ koeffitsienti;

F - muddatidan avval foydalanishga topshiriluvchi asosiy fondlar qiymati;

T_sh - ob’ektni foydalanishga topshirishning shartnomadagi muddati;

T_a - ob’ektni foydalanishga topshirishning amaldagi muddati.

Ob’ektlarni foydalanishga topshirishning shartnomadagi va amaldagi muddatlari o‘rtasidagi farq mazkur formulada (T_sh – T_a) yil ulushida aks ettirilishi lozim (vaqt ko‘rsatkichi). Agar T_sh < T_a bo‘lsa, ya’ni ob’ektni foydalanishga topshirish muddati o‘tib ketadigan bo‘lsa, investor kutilayotgan foydani olishdan mahrum bo‘ladi va boshqa chiqimlarga duch kelib, bu narsa hisobiy samaraning salbiy bo‘lishiga olib keladi. SHu sababli qurilish yoki korxonani qayta tiklash va kengaytirish ishlari, ob’ektlarning sifat ko‘rsatkichlariga ta’sir ko‘rsatmagan holda qanchalik tez amalga oshirilsa, investitsiyalar samaradorligi mos ravishda shunchalik yuqori bo‘ladi.

Misol. Mini-zavod qurilishining smetaga ko‘ra qiymati 14,5 mln so‘mni tashkil etadi. Qurilishning normativ muddati - 2,5 yil. Amalda zavodni 2 yilda qurib bitkazish mo‘ljallanmoqda. Zavodning asosiy fondlari qiymati oshishiga olib kelmaydigan xarajatlar qiymati 450 ming so‘mga teng. Samaradorlikning normativ koeffitsienti - 0,2.

Zavodni muddatidan oldin qurib bitkazishning iqtisodiy samarasi quyidagicha:

E_dp = 0,2 (14,5 - 0,45) * (2,5 - 2) = 1,4 mln. sum.