Jizzax politexnika instituti

2. коrхоnаlаridа mаhsulоt ishlab chiqarish tаnnаrхini hosil qiluvchi xаrаjаtlаrni guruhlash

Xarajatlarni kalkulyatsiyalash xarajatlarni moddalar bo’yicha guruhlash, ma’lum bir mahsulot tannarxini aniqlash uchun qo’llaniladi, ya’ni (mahsulot ulgurji narxi rentabelligini, ishlab chiqarish samaradorligini aniqlash uchun zarur).

korxonalarida moddalar bo’yicha xarajatlarni kalkulyatsiyalash quyidagi ko’rinishda bo’ladi.

1-modda. Xomashyo va materiallar.

2-modda. Xarid qilingan komplekt buyum, yarim fabrikatlar va boshqa korxonalar xizmatlari.

3-modda. Qaytariladigan chiqindilar (ayriladi).

4-modda. Texnologik maqsadlar uchun yoqilg’i va energiya.

5-modda. Ishlab chiqarish ishchilarining asosiy ish haqi.

6-modda. Ishlab chiqarish ishchilarining qo’shimcha ish haqi.

7-modda. Yagona ijtimoiy soliq. (Ishlab chiqarish ishchilarining asosiy ish haqidan olinadi).

8-modda. Ishlab chiqarishni tayyorlash va takomillashtirish xarajatlari.

9-modda. Ishlab chiqarishda foydalanilgan asbob va dastgohlar yemirilishi

10-modda. Ishlab chiqarish umumiy xarajatlari.

10.1-modda. Uskunalarni saqlash va ekspluatatsiya qilish xarajatlari.

10.2-modda. Sex xarajatlari.

11-modda. Xo’jalik umumiy xarajatlari.

12-modda. Boshqa ishlab chiqarish xarajatlari.

13-modda. Brakdan kelgan yo’qotishlar.

14-modda. Tijorat (ishlab chiqarishdan tashqari) xarajatlar.

Bu yerda 1-10 moddagacha bo’lgan xarajatlar mahsulotning sex tannarxini tashkil etadi. 1-13 moddagacha bo’lgan xarajatlar korxonaning ishlab chiqarish tannarxi deb hisoblanadi.

Barcha moddalar 1-14 gacha bo’lgan xarajatlar to’la (tijorat) tannarxini tashkil qiladi.

Sanoat korxonalarida mahsulot tannarxini kalkulyatsiyalashda quyidagi metodlar qo’llaniladi:

• 
  to’gridan - to’gri hisob metodi;
  
• 
  normativlar bo’yicha hisoblash;
  
• 
  hisoblash – analitik metodi;
  
• 
  solishtirma ko’rsatkichlar metodi;
  
• 
  ballar bo’yicha hisoblash;
  
• 
  parametrik ko’rsatkichlar metodikasi.
  
• 
  To’gridan–to’gri hisob metodi eng sodda va qulay metod. Bunda mahsulot tannarxi barcha xarajatlar yig’indisini ishlab chiqarilgan mahsulot soniga bo’lish yo’li bilan aniqlanadi.
  
• 
  Normativ metodni qo’llash uchun - korxonada mahsulot ishlab chiqarishga ketadigan xarajatlar normasi va normativlari, mehnat, materiallar va moliyaviy xarajatlar aniq ko’rsatilgan bo’lishi kerak.
  
• 
  Hisoblash–analitik metod – korxonada mahsulot tannarxiga ta’sir etadigan barcha omillarni (ishlab chiqarish, texnikaviy, iqtisodiy va tashkiliy) tahlil qilish lozim.
  
• 
  Solishtirma–ko’rsatkichlar metodi bo’yicha tannarxni aniqlashda – mahsulot og’irligini quvvat birligiga va yuk ko’tarish birligiga taqqoslash kerak.
  
• 
  Ballar bo’yicha mahsulot tannarxini hisoblashda – mahsulotning texnik parametrlarini ballar bo’yicha hisoblash kerak.
  
• 
  Parametrik metod - bu mahsulot tannarxi va texnik parametrlari o’rtasidagi uzviy bog’liqlikni korrelyatsiya qismiga asoslanadi.
  
• 
  Xarajatlarni kalkulyatsiyalash moddalari bo’yicha ular quyidagi jihatiga asosan guruhlanadi:
  

1.Tarkibiy qismi bo’yicha xarajatlar:

a) bir elementli (xomashyo, materiallar, ish haqi va boshqalar);

b) kompleksli (umumxo’jalik, umumkorxona xarajatlari).

2. Ishlab chiqarish jarayoniga nisbatan:

a) asosiy - ishlab chiqarish jarayoni bilan bog’liq xarajatlar (yoqilg’i, energiya, materiallar);

b) qo’shimcha – boshqarish va xizmat ko’rsatish bilan bog’liq (sex va korxona) xarajatlari;

3. Xarajatlarni bir dona mahsulot tannarxiga nisbatan va hisoblash metodi bo’yicha xarajatlar:

a) bevosita xarajatlar;

b) bilvosita xarajatlar;

- bevosita xarajatlar - mahsulot tannarxida bevosita hisoblash mumkin bo’lgan, bu xarajatlar vaqt, ta’rif, narxlar norma va normativlari asosida hisoblanadi.

- bilvosita xarajatlar sex va korxona ishlab chiqarish faoliyati bilan bog’liq va ularni konkret mahsulot tannarxida hisoblash qiyin (uskunalarni saqlash va ekspluatatsiya qilish, sex, umumxo’jalik xarajatlari).

4. Uskunalarni saqlash va ekspluatatsiya qilish xarajatlari mahsulot tannarxida ikki usul orqali hisoblanadi.

1- usul. Ishlab chiqarish ishchilarining asosiy ish haqiga proporsional ravishda;

2- usul. Mahsulotni ishlab chiqarish uchun sarf bo’lgan mashina - soatlar soniga proporsional ravishda.

5. Sex va umumxo’jalik xarajatlar mahsulot tannarxida uchta usul bilan hisoblanadi:

1- usul. Ishlab chiqarish ishchilarining asosiy ish haqini bir dona mahsulot tannarxiga proporsional ravishda.

2- usul. Mehnat sig’imiga proporsional ravishda.

3- usul. Ishlab chiqarish ishchilarining asosiy ish haqi va uskunalarni saqlash va ekspluatatsiya qilish xarajatlari yig’indisiga proporsional ravishda – tijorat xarajatlari asosan mahsulot turlari bo’yicha ishlab chiqarish tannarxiga asosan taqsimlanadi.