Joba: Kirisiw Tiykarģi bòlim

II.Tiykarģi bòlim
2.1. Tarmaqtaǵı ulıwma jaǵday hám báseki analiziniń mazmunı hám usılları
Strategiyanı islep shıǵıw analizge tiykarlanǵan jumıs bolıp, analiz 2 jóneliste alıp barıladı :
1. Tarmaqtaǵı jaǵday hám ondaǵı básekiniń shártleri.
2. Kompaniya ishindegi jaǵday, onıń básekige shıdamlılıǵı.
Tarmaqlar óziniń ekonomikalıq tariypi, olardaǵı báseki hám rawajlanıw keleshekleri boyınsha bir- birinen parıq etedi. Mısalı : Ilimiy texnika rawajlanıwı pátleri joqarı hám tómen bolıwı múmkin. Hàr bir tarmaq ushın zárúr bolǵan kapital qoyılmalar kolemide har qıylı boladı. Bazarlar bolsa jergilikliden tartıp dúnya bazarına shekem parıq etedi. Báseki kúshli yamasa kùshsiz boladı. Talapta ósip baratuǵın yamasa kemeyip baratuǵın boladı.
Tarmaqtaǵı ulıwma jaǵday hám odaǵı básekin analiz qılıwda ayrıqsha usıllar qollanilip, bul usıllar tarmaqta bolıp atırǵan ózgerisler hám báseki gúresin bahalaw imkaniyatın beredi. Bunıń ushın tómendegi 7 sorawǵa juwap tabıw kerek:
1. Tarmaqtı ańlatiwshi ulıwma ekonomikalıq kórsetkishler.
2. Tarmaqtaǵı báseki kúshleri hám olar tásiriniń dárejesi.
3. Báseki kúshleri quramında ózgeris jasaytuǵın faktorlar.
4. Kompaniya báseki poziciyasiniń kúshli hám kùshsiz tàrepleri.
5. Báseki gúresinde tabıs hám áwmetsizliktiń faktorları.
6. Báseki qaysı jóneliste barıwın kim belgilewi?
7. Payda alıw noqatı názerinen tarmaqtıń ózine tartiwi jaǵday analiziniń maqseti kompaniyanıń ishki hám sırtqı ortalıģina tán bolǵan hám kompaniyanıń strategiyalıq baǵdarı hám múmkinshiliklerin eń jaqsi ańlatiwshı tàreplerin anıqlawdan ibarat esaplanadi. Bunda tiykarǵı itibar strategiyaǵa tiyisli bir qatar áhmiyetli sorawlarǵa anıq juwaplar tabıwǵa qaratıladı. Keyininen bul sorawlar kompaniyadaǵı strategiyalıq jaǵdaydıń anıq tábiyat kórinisin qáliplestiriw jáne onıń strategiyalıq háreketlerine alternativ variantlardı belgilew ushın paydalanıladı.
Jeke biznes penen shuǵıllanatuǵın kompaniyadaǵı strategiyalıq jaǵdaydı analiz qılıw usılları kòbinese diversiyalanģan kompaniyanıń strategiyasın analiz qılıwda da paydalanıladı.
Jeke biznes penen shuǵıllanatuǵın kompaniyadaǵı sırtqı jaǵdaydı (makro ortaliqti) analiz qılıwda ádetde taraw hám báseki analizlerinen paydalanıladı. Jaǵdaydı analiz qılıwda firmanıń jaqin átirapı (mikro ortaliq) uyreniledi. Kompaniya strategiyalıq analiziniń logikalıq sheshimi strategiyanı tańlawda alternativ variantlarǵa baha beriw bolıp tabıladı. Sonday etip, bul analiz strategiyalıq rejeni qáliplestiriwdiń dáslepki noqatı bolıp tabıladı.
Kompaniyalardıń jaǵday analizi.
Tarmaq átirapınıń tiykarǵı ekonomikalıq jaǵdayın anıqlaw. Háreketlendiretuǵın kúshlerdi identifikaciya qılıw. Báseki dárejesin bahalaw. Kompaniyanıń tarmaqtaǵı báseki poziciyasin bahalaw. Keyingi básekide kim birdey háreket etiwin prognozlaw. Jetiskeniktiń aniq faktorların anıqlaw. Tarmaqtıń kompleks ózine tartiwi haqqında juwmaq.
Zamanagóy strategiyanıń jaramliliq dárejesin bahalaw. SWOT analizi ótkeriw. Firmanıń salıstırmalı báseki poziciyasin bahalaw. Kompaniyanıń salıstırmalı baha poziciyasi hám baha básekige shıdamlılıǵın bahalaw. Kompaniya sheshiwi kerek bolģan strategiyalıq jantasıwlar hám mashqalalardi identifikaciya qılıw.