Jumaxanov Sh. Z. ««biogeografiya» fanidan

Тузувчилар:
Шамуратова Н.Т.		- ЎзМУ, “География” кафедраси доц.в.б, г.ф.н;
Тақризчилар:
Рафиқов В.А.		- ЎзФА Сейсмология институти “Геоэкология” лабораторияси мудири, т.ф.н.
Абдуллаев И.Х.		- ТДПУ, география ўқитиш методикаси кафедраси доценти, г.ф.н.

Фан дастури Ўзбекистон Миллий университети Кенгашида кўриб чиқилган ва тавсия қилинган (201_ йил “__” ______ даги ___ - сонли баённома).
Кириш
Ер шари табиатининг ранг-баранглиги унда ҳаёт қобиғи биосферанинг мавжудлигидадир. Тирик организмлар табиий географик ҳамда социал-иқтисодий жараёнларда фаол иштирок этади. Ҳозирги вақтга келиб эса, табиатга инсон таъсирининг йилдан-йилга ортиб бориши натижасида атроф-муҳитнинг ифлосланиши, тирик организмларнинг кундан-кунга камайиб бориши, турли ҳайвонлар ва ҳашоратларнинг кенг ареалларда тарқалиши кузатилмоқда. Бу эса ўз навбатида табиатда ўсимлик ва ҳайвонларнинг тарқалиш қонуниятларини чуқур билишни талаб этади. Биогеография фундаментал географик фан бўлиб, табиатдан фойдаланиш, атроф муҳитни муҳофаза қилиш, планетамиздаги ўсимлик ва ҳайвонот оламини ҳисобга олиш, унинг хилма-хил заҳираларини ўрганиш ва улардан тўғри фойдаланишни ташкил этишда, нодир ўсимлик ва ҳайвон турларини асраб қолиш билан боғлик чора-тадбирларни белгилаш, уни мониторингини таъмин этиш, амалга оширишда биогеографиянинг бой далиллари, қонуниятлари муҳим манба хизматини ўтайди.