Kafedrasi 4-topshiriq Bajardi


Qobiliyatlardagi tugʼma va orttirilgan sifatlar



Yüklə 25,63 Kb.
səhifə3/6
tarix04.08.2022
ölçüsü25,63 Kb.
#63005
1   2   3   4   5   6
Urolov DIlshod 4-topshiriq

2. Qobiliyatlardagi tugʼma va orttirilgan sifatlar.
Baʼzan oʼta iqtidorli va qobiliyatli bola haqida gap ketsa, undagi bu sifat tugʼma ekanligiga ishora qilishadi. Talantli, genial olim, sanʼatkor yoki mutaxassis haqida gap ketsa ham xuddi shunday. Umuman qobiliyatlarning tugʼma yoki orttirilgan ekanligi masalasi ham olimlar diqqat markazida boʼlgan muammolardan.
Talant (yunoncha qimmatbaho, noyob narsa, irsiy, tabiiy xislat degan maʼnoni anglatadi) muayyan faoliyatning muvaffaqiyatli bajarilishini taʼminlaydigan qobiliyat hamda isteʼdodlar yigʼindisidan iborat individual xususiyatdir. Talantning asosiy belgilari:
Muvaffaqiyatni taʼminlash;
Faoliyatni mustaqil bajarish;
Originallikning mavjudligi;
Qobiliyat va isteʼdodlar yigʼindisidan iborat ekanligi;
Individual-psixologik xislat ekanligi;
Ijtimoiy turmushni oʼzgartiruvchi yaratuvchi imkoniyatligi.
Talant qobiliyatlar yigʼindisi yoki ularning yigʼindisidan iborat boʼlishiga qaramay, alohida olingan yakka qobiliyatni, hatto u taraqqiyotning yuksak bosqichiga erishgan, yorqin ifodalansa ham u bilan tenglashtьirish mumkin emas.
Psixologiyada tugʼmalik alomatlari bor individual sifatlar layoqatlar deb yuritildi va uning ikki xili farqlanadi: tabiiy layoqat va ijtimoiy layoqat. Birinchisi odamdagi tugʼma xususiyatlardan - oliy nerv tizimi faoliyatining xususiyatlari, miyaning yarim sharlarining qanday ishlashi, qoʼl-oyoklarning biologik va fizilogik sifatlari, bilish jarayonlarini taʼminlovchi sezgi organlari - koʼz, quloq, burun, teri kabilarning xususiyatlaridan kelib chiqsa (bular nasliy ota-onadan genetik tarzda oʼtadi), ijtimoiy layoqat - bola tugʼilishi bilan uni oʼragan muhit, muloqot uslublari, soʼzlashish madaniyati, qobiliyatni rivojlantirish uchun zarur shart-sharoitlar (ular ota-ona tomonidan yaratiladi)dir. Layoqatlilik belgisi - bu oʼsha individga aloqador boʼlib, u bu ikkala layoqat muhitini tayyoricha qabul qiladi.
Qobiliyatsizlik va intellektning pastligi sabablaridan ham biri shuki, ana shu ikki xil layoqat oʼrtasida tafovut boʼlishi mumkin. Masalan, genial rassom oilasida bola tugʼildi deylik. Unda rassomchilik uchun tugʼma, genetik belgilar otasi tomonidan berilgan deylik. Lekin bolaning onasi farzandining ham rassom boʼlishini xoxlamasligi, oʼziga oʼxshash qoʼshiqchi boʼlishini xoxlashi mumkin. Аyol bolani yoshlikdan faqat musiqa muhitida tarbiyalaydi. Tabiiy layoqatning rivoji uchun ijtimoiy layoqat muhiti yoʼq, ijtimoiy layoqat oʼsishi uchun esa tabiiy, tugʼma layoqat yoʼq boʼlgani sababli, bolada hech qanday talant namoyon boʼlmasligi, u oddiygina musiqachi yoki qoʼshiqchi boʼlish bilan cheklanishi mumkin. Intellekt testlari va qobiliyatdagi tugʼma va orttirilgan belgilarni oʼrganishning psixologik ahamiyati aynan shunda. Ilk yoshlikdan bolaning oʼzidagi mavjud imkoniyatlarni rivojlantirish shart-sharoitini yaratish ishini toʼgʼri yoʼlga qoʼyish kerak.
Orttirilgan sifati shuki, bola toki bilim, malaka va koʼnikmalarni oʼstirish borasida harakat qilmasa, eng kuchli tugʼma layoqat ham layoqatligicha qolib, u iqtidorga aylanmaydi. Eng talantli, mashhur shaxslarning eng buyuk ishlari, erishilgan ulkan muvaffaqiyatlarining tagida ham qisman layoqat va asosan tinimsiz mehnat, intilish, ijodkorlik va bilimga chanqoqlik yotgan. Shuni ham unutmaslik kerakki, qobiliyatsiz odam boʼlmaydi. Аgar shaxs adashib, oʼzidagi haqiqiy iqtidor yoki layoqatni bilmay, kasb tanlagan boʼlsa, tabiiy, u atrofdagilarga layoqatsiz, qobiliyatsiz koʼrinadi. Lekin aslida nimaga uning qobiliyati borligini oʼz vaqtida toʼgʼri aniqlay olishmagani sabab u bir umr shu toifaga kirib qoladi.
Shuning uchun ham har bir ongli inson oʼzidagi qobiliyat va zexnni ilk yoshlikdan bilib, oʼsha oʼzi yaxshi koʼrgan, «yuragi chopgan» ish bilan shugʼullansa, va undan qoniqish olib, qobiliyatini oʼstirishga imkoniyat topib, yutuqlarga erishsa, biz uni iqtidorli deymiz. Iqtidor - insonning oʼz hatti - harakatlari, bilimlari, imkoniyatlari, malakalariga nisbatan subʼektiv munosabatidir. Iqtidorli odam genial yoki talantli boʼlmasligi mumkin, lekin u har qanday ishda mardlik, chidamlilik, oʼz-oʼzini boshqara olish, tashabbuskorlik kabi fazilatlarga ega boʼlib, oʼzlari shugʼullanayotgan ishni bajonidil, sitqidildan bajaradi. Ular ana shunday harakatlari bilan baʼzi oʼta isteʼdodli, lekin kamharakat kishilardan koʼra jamiyatga koʼproq foyda keltiradi. Iqtidorli insonda isteʼdod sohibi boʼlish imkoniyati bor, zero isteʼdod - har tomonlama rivojlangan, nixoyatda kuchli va takrorlanmas qobiliyatdir. U tinimsiz mehnat, oʼz qobiliyatini takomillashtirib borish yoʼlida barcha qiyinchiliklarni yengish va irodasi, butun imkoniyatlarini safarbar qilish natijasida qoʼlga kiritiladi.
Qobiliyatlarning psixologik strukturasi
Qobiliyatlar avvalom bor umumiy va maxsus turlarga boʼlinadi va har birining oʼz psixologik tizimi va tuzilishi boʼladi. Shaxsning umumiy qobiliyatlari undagi shunday individual sifatlar majmuiki, ular odamga bir qancha faoliyat sohasida ham muvaffaqiyatli faoliyat koʼrsatish va natijalarga erishishga imkon beradi. Masalan, texnika oliy oʼquv yurtining talabasi ham ijtimoiy-gumanitar, ham aniq fanlar, ham texnika fanlari sohasidagi bilimlarni oʼzlashtira oladi. Bunda unga umumiy bilimdonlik, nutq qobiliyatlari, tirishqoqlik, chidam, qiziquvchanlik kabi qator sifatlar yordam beradi.
Maxsus qobiliyatlar esa maʼlum bir sohada yutuqlarga erishish, yuqori koʼrsatgichlar berishga imkon beruvchi sifatlarni oʼz ichiga oladi. Masalan, sport sohasi bilan buxgalterlik hisob-kitobi boʼyicha ishlayotgan ikki kishida oʼziga xos maxsus qobiliyatlar boʼlmasa boʼlmaydi.
Umumiy qobiliyatlarni maxsus qobiliyatlarga zid tarzda talqin qilish mumkin emas. Shaxsning umumiy qobiliyatlari ularni hosil qiluvchi omillar yaqqol psixologik hodisa yoki voqelikdir. Maxsus qobiliyatlar koʼlam jihatdan torroq boʼlishiga qaramay, chuqurroq mohiyatni oʼzlarida mujassamlashtiradi. I.P.Pavlov oʼz taʼlimotida “badiiy”, “fikrlovchi”, “oʼrta” tiplarga ajratilgan shaxslarning tavsifini beradi .
“Badiiy tip” uchun bevosita taassurotlar, jonli tasavvur, yorqin idrok va emotsiyalar natijasida vujudga keladigan obrazlarning yorqinligi hos.
“Fikrlovchilar” uchun esa mavhum mantiqiy, nazariy, metodologik mulohazalarning ustunligi xos.
“Oʼrta” tipdagilarda esa har ikkala toifa xususiyatlarining xos ekanligi koʼrinadi.
Har bir qobiliyat oʼzining tizimiga ega. Masalan, matematik qobiliyatni oladigan boʼlsak, uning tarkibiga umumlashtirish malakalari, aqliy jarayonlarning egiluvchanligi, mavxum tafakkur qila olish kabi qator xususiyatlar kiradi. Аdabiy qobiliyatlarga ulardan farqli, ijodiy hayol va tafakkur, xotiradagi yorqin va koʼrgazmali obrazlar, estetik hislar, tilni mukammal bilishga layoqat; pedagogik qobiliyatlarga esa - pedagogik odob, kuzatuvchanlik, bolalarni sevish, bilimlarni oʼzgalarga berishga ehtiyoj kabi qator individual xossalar kiradi. Xuddi shunga oʼxshash qolgan barcha qobiliyatlarni ham zarur sifatlar tizimida tahlil qilish mumkin va bu katta tarbiyaviy ahamiyatga ega boʼladi.
Qobiliyatlar va qiziqishlar diagnostikasi
Аmaliy psixologiyaning bugungi kundagi eng muhim va dolzarb vazifalaridan biri layoqat kurtaklarini ilk yoshlikdan aniqlash, intellekt darajasiga koʼra shaxs qobiliyatlari yoʼnalishini ochib berishdir. Shuning uchun ham hozirda koʼplab intellekt testlari va qobiliyatlarni diagnostika qilish usullari ishlab chiqilgan va ular muvaffaqiyatli tarzda amaliyotda qoʼllanmoqda.
Qobiliyatlarni oʼlchash muammosi X1X asrning oxiri - XX asrning boshlariga kelib izchil hal qilina boshlandi. Xorijda bunday ishlar Spirmen, Bine, Аyzenk va boshqalar tomonidan oʼrganildi. Ular qobiliyatlar va iqtidorni oʼrganish uchun maxsus testlardan foydalandilar. Bu testlarning umumiy mohiyati shundaki, ularda topshiriqlar tizimi tobora qiyinlashib boruvchi testlar-topshiriqlar batareyasidan iborat boʼladi. Masalan, Аyzenkning mashxur intellekt testi 40 ta topshiriqdan iborat boʼlib, u intellektual jarayonlarning kechishi tezligini oʼlchaydi. Bu yerda vaqt mezoni muhim hisoblanadi. Boshqa mualliflar sekin ishlash - qobiliyatsizlik belgisi emas deb, boshqacharok usullarni oʼylab topganlar. Koʼpchilik olimlar uchun, masalan, rus olimlari uchun qobiliyatni oʼlchashning ishonchli mezoni - bu shaxs yutuqlarini va uning qobiliyatidagi oʼzgarishlarni bevosita faoliyat jarayonida qayd etishdir. Rus olimi Ye.А. Klimov yoshlar iqtidorining yoʼnalishini aniqlash maqsadida faoliyat va kasb - xunar sohalarini asos qilib olib, metodika yaratdi va uning «Professional - diagnostik soʼrovnoma» deb atadi. Shunday qilib, u barcha kasblarni ularning yoʼnaltirilgan sohasiga koʼra 5 toifaga boʼldi:
P(T) - tabiat (usimlik, hayvonlar, mikroogranizmlar);
T - texnika (mashina, materiallar, energiyaning turlari) ;
Ch(O)- odam (odamlar guruhi, jamoalar);
Z (B)- belgilar (turli maʼlumotlar, belgili simvollar);
X (I)- badiiy, ijodiy obrazlar (tasviriy sanʼat, musiqa).




  1. Yüklə 25,63 Kb.

    Dostları ilə paylaş:
1   2   3   4   5   6




Verilənlər bazası müəlliflik hüququ ilə müdafiə olunur ©azkurs.org 2024
rəhbərliyinə müraciət

gir | qeydiyyatdan keç
    Ana səhifə


yükləyin