KardopriL 2,5 mq; 5 mq; 10 mq tabletlər cardopril beynəlxalq patentləşdirilməmiş adı



Yüklə 246,62 Kb.
Pdf görüntüsü
tarix25.01.2017
ölçüsü246,62 Kb.
#6505

Dərman vasitəsinin istifadəsi üzrə təlimat  

(xəstələr üçün) 

 

 

KARDOPRİL     2,5 mq; 5 mq; 10 mq tabletlər 



CARDOPRIL 

 

 



Beynəlxalq patentləşdirilməmiş adı: Ramipril 

 

Tərkibi 



Təsiredici maddə: hər tabletin tərkibində müvafiq olaraq 2,5 mq, 5 mq, 10 mq ramipril vardır. 

Köməkçi maddələr: hipromelloza 2910, mikrokristallik sellüloza 101, jelatinləşdirilmiş nişasta, mikrokristallik 

sellüloza 102, natrium stearil fumarat. 

 

Təsviri 

Kardopril 2,5 mq 

Ağ  və ya ağımtıl rəngli, iki tərəfi qabarıq, bir tərəfinə "2,5" və digər tərəfinə bölünmə  xətti həkk olunmuş 

tabletlər. 

Kardopril 5 mq 

Ağ  və ya ağımtıl rəngli, iki tərəfi qabarıq, bir tərəfinə "5" və digər tərəfinə iki perpendikulyar bölünmə  xətti 

həkk olunmuş tabletlər. 

Kardopril 10 mq 

Ağ və ya ağımtıl rəngli, iki tərəfi qabarıq, bir tərəfinə "10" və digər tərəfinə iki perpendikulyar bölünmə xətti 

həkk olunmuş tabletlər. 

 

Farmakoterapevtik qrupu 

Angiotenzin çevirici fermentin inhibitorları. 

ATC kodu: C09AA05 

 

Farmakoloji xüsusiyyətləri 



Farmakodinamikası 

Kardoprilin  təsiredici maddəsi ramiprildir. Ramipril angiotenzin çevirici fermentin (AÇF) inhibitorudur. 

Prodərmandır, mədə-bağırsaq traktından sorulduqdan sonra qaraciyərdə hidrolizə  uğrayıb, ramiprilata 

çevrilir. Təsir mexanizmi AÇF-in fəallığının inhibə olunması ilə bağlıdır, bu da angiotenzin II-nin angiotenzin I-

dən əmələ gəlməsinin zəifləməsinə və aldosteron ifrazının birbaşa azalmasına gətirib çıxarır. 

Ramiprilin 2 mq və ya daha artıq dozalarda təkrar peroral qəbulu 4 saatdan sonra AÇF-in plazma fəallığının 

90%-dən çox, növbəti 24 saat ərzində isə 80%-dən çox zəifləməsinə səbəb olur. 

Ramipril 2,5-20 mq dozada birdəfəlik qəbulundan 4 saat sonra AÇF fəallığını  təxminən 60-80%, 24 saat 

sonra isə təxminən 40-60% inhibə edir. 

Ramipril antihipertenziv təsirdən başqa nefroprotektiv effekt də göstərir. Bu onun zülal filtrasiyasını azaldan 

yumaqcıq keçiriciliyinə müsbət təsirinin və bununla da onun antiproteinurik effekt göstərməsinin nəticəsidir. 



Farmakokinetikası 

Sorulması 

Daxilə qəbul olunduqdan sonra bir saat ərzində ramiprilin qandakı qatılığı maksimuma çatır. MBT-də qidanın 

olması absorbsiyanın sürətini azaldır. Buna baxmayaraq absorbsiya dərəcəsi minimum 50-60% təşkil edir və 

MBT-də qidanın olmasından asılı deyil. 



Metabolizmi 

Efir qrupunun parçalanması (ilk növbədə qaraciyərdə) nəticəsində ramipril fəal ikiturşulu metaboliti olan 

ramiprilata çevrilir. Preparatın daxilə  qəbulundan 2-4 saat sonra ramiprilat qanda maksimum qatılığa çatır. 

Plazma zülalları ilə birləşmə ramipril üçün təxminən 73%, ramiprilat üçün isə  təxminən 56% təşkil edir. 

Ramipril demək olar ki, tamamilə  fəal metaboliti olan ramiprilata çevrilir, hansı ki, AÇF-i inhibə etməkdə 

ramipril və qeyri-fəal metabolit diketopiperazin efiri ilə müqayisədə 6 dəfə daha fəaldır. 



Paylanması 

Ramipril və ramiprilatın qanda qatılığı doza yüksəldikcə artır, lakin bu asılılıq doza ilə mütənasib dəyişmir. 

Ramiprilin daxilə qəbulundan sonra tam biomənimsənilmə müvafiq olaraq ramipril üçün 28%, ramiprilat üçün 

44% təşkil etmişdir. 

Fermentlərlə güclü birləşdiyinə  və  ləng parçalandığına görə ramiprilatın xaric olunması iki fazalı xarakter 

daşıyır. İlkin mərhələ sərbəst ramiprilatın əmələ gəlməsinə uyğundur və yarımparçalanma dövrü (T

1/2

) 9-18 


saat təşkil edir. Terminal mərhələ isə daha uzun (>50 saat) yarımparçalanma dövrünə malikdir və 

ramiprilatın (AÇF kompleksinin) birləşmə/parçalanma kinetikasını özundə birləşdirir. Bu preparatın 

kumulyasiyasına gətirib çıxarmır. 5-10 mq dozada ramiprilin bir neçə gün qəbulundan sonra ramiprilatın 

müalicəvi qatılıqda yarımparçalanma müddəti 13-17 saat təşkil edir. 



Xaric olunması 

Ramiprilin daxilə  qəbulundan sonra metabolitlərin 60%-i böyrəklər, 40%-i isə bağırsaqlar vasitəsilə xaric 

olunur. Ramiprilin 2%-dən az bir qismi sidiklə dəyişilməmiş şəkildə xaric olunur. 

 

İstifadəsinə göstərişlər 



- hipertenziya; 

- xroniki ürək çatışmazlığı; 

- kəskin miokard infarktından sonra inkişaf etmiş ürək çatışmazlığı; 

- diabetik və qeyri-diabetik nefropatiya; 

- miokard infarktı, insult, ürək-damar mənşəli ölüm riskinin azaldılması üçün (ürəyin işemik xəstəliyi olan 

pasiyentlərdə). 

 

Əks göstərişlər 

- ramiprilə, digər AÇF inhibitorlarına və ya preparatın hər hansı digər komponentinə qarşı yüksək həssaslıq; 

- anamnezdə angionevrotik ödemin olması (irsi, idiopatik və ya AÇF inhibitorları ilə  əvvəlki müalicə ilə 

əlaqədar angionevrotik ödem); 

- qaraciyər funksiyalarının pozulması; 

- böyrək funksiyalarının pozulması; 

- böyrək arteriyalarının stenozu (bir böyrəyi olan pasiyentlərdə birtərəfli stenoz); 

- böyrək köçürülməsindən sonrakı dövr; 

- birincili hiperaldosteronizm; 

- hiperkaliemiya; 

- hamiləlik; 

- laktasiya; 

- 18 yaşa kimi yaş dövrü. 

 

Xüsusi göstərişlər 



Angionevrotik ödem 

Anamnezində angionevrotik ödem olan pasiyentlərə ramiprilin qəbulu  əks göstərişdir. AÇF inhibitorları ilə 

müalicə edilmiş bəzi pasiyentlərdə üzün, ətrafların, dodaqların, dilin, udlaq və/və ya qırtlağın angionevrotik 

ödemi müşahidə edilmişdir. Belə olan halda müalicəni mümkün qədər tez dayandırmaq və simptomların tam 

reqressiyasına kimi xəstəni nəzarət altında saxlamaq lazımdır. Lakin, ödemin yalnız üzdə və dodaqlarda baş 

verdiyi və vəziyyətin müalicəsiz normallaşdığı hallarda antihistamin preparatların təyini mümkündür. 

Angionevrotik ödem dilə, qırtlaq qapağı və ya qırtlağa yayıldıqda tənəffüs yollarının obstruksiyası baş verə 

bilər, ona görə də dərhal müvafiq terapiyanı (0.3-0.5 ml epinefrin (adrenalin) məhlulu 1:1000 nisbətində dəri 

altına) və ya tənəffüs yollarının keçiriciliyinin təmini üçün tədbirlər aparmaq lazımdır. Anamnezində öncəki 

AÇF inhibitorları ilə müalicəylə  əlaqədar olmayan angionevrotik ödem olan xəstələrdə AÇF inhibitorları ilə 

müalicə zamanı onun inkişaf riski yüksələ bilər. 

Hipotenziya 

AÇF inhibitorları ilə müalicəyə başlayan pasiyentlərdə hipotenziya baş verə bilər. Böyrək çatışmazlığı ilə 

əlaqədar olan və ya olmayan xroniki ürək çatışmazlığı olan pasiyentlərdə AÇF inhibitorlarının qəbulu kəskin 

hipotoniya ilə müşayiət olunmuşdur. Bu, bayılma, nevroloji pozulmalar, oliquriya və/və ya inkişaf edən 

azotemiya, çox nadir hallarda isə  kəskin böyrək çatışmazlığı  və/və ya ölüm ilə  əlaqədar ola bilər.  Əgər 

ramipril belə pasiyentlərdə hipertoniyanın müalicəsi üçün istifadə olunacaqsa, müalicə ciddi həkim nəzarəti 

altında başlanmalıdır. 

Qaraciyər funksiyalarının pozulması 

Ramipril öz fəal komponentlərinə qaraciyərdə metabolizə olunan prodərman olduğundan qaraciyər 

funksiyalarının pozulması olan pasiyentlərdə müalicə  həkim nəzarəti altında başlanmalıdır. Bu qrup 

pasiyentlərdə başlanğıc maddə olan ramiprilin metabolizmi və  fəal metabolit – ramiprilatın  əmələ  gəlməsi 

zəifləyə  və  nəticədə qan plazmasında ramiprilin miqdarının artması müşahidə oluna bilər (qaraciyərdə 

esterazaların fəallığının azalmasına görə). 

 

Digər dərman vasitələri ilə qarşılıqlı təsiri 

Aliskiren tərkibli preparatlar ilə ramiprilin birlikdə  qəbulu  şəkərli diabet və ya orta-ağır böyrək çatışmazlığı 

olan pasiyentlərə əks göstərişdir. 



Angiotenzin II reseptorlarının antaqonistləri ilə ramiprilin birlikdə qəbulu diabetik nefropatiya olan pasiyentlərə 

əks göstərişdir və digər pasiyentlərə isə məsləhət görülmür. 



Heparin ilə ramiprilin birlikdə qəbulu zamanı qan plazmasında kaliumun qatılığı arta bilər. 

Antihipertenziv vasitələr  və antihipertenziv təsirə malik digər preparatlar (məsələn, nitratlar, trisiklik 

antidepressantlar, anestetiklər) ilə ramiprilin birlikdə istifadəsi zamanı antihipertenziv təsirin güclənməsi 

müşahidə oluna bilər. Eyni zamanda sidikqovucu preparat qəbul edən pasiyentlərdə natriumun qan 

plazmasındakı qatılığına müntəzəm nəzarət məsləhət görülür. 



Damardaraldıcı simpatomimetiklərin birlikdə istifadəsi ramiprilin antihipertenziv təsirini zəiflədə bilər. Bu 

səbəbdən də arterial təzyiqə nəzarət məsləhət görülür. 



Litiumun xaric olunması AÇF inhibitorlarının təsiri nəticəsində ləngiyə bilər. Litium ilə müalicə dövründə AÇF 

inhibitorları  qəbul edən pasiyentlərdə qan plazmasında litiumun səviyyəsinin yüksəlməsi və litiumla

 

toksik 



zəhərlənmə simptomları (məsələn, kardiotoksik və neyrotoksik təsirlər) müşahidə olunmuşdur. Buna görə də 

bu preparatların birlikdə istifadəsi zamanı ehtiyatlı olmaq və litiumun qandakı səviyyəsinə müntəzəm nəzarət 

etmək lazımdır. Əgər əlavə olaraq sidikqovucu da istifadə olunursa, bu zaman litiumun toksikliyi yüksəlir. 

Diabet  əleyhinə olan preparatlar. AÇF inhibitorları insulinə qarşı rezistentliyi aşağı sala bilər.  İnsulin və 

sulfonil-sidik cövhəri törəmələri kimi diabet əleyhinə preparatlar və ramipril ilə eyni zamanda müalicə alan 

pasiyentlərdə qanda şəkərin miqdarının kəskin enməsinin mümkünlüyü nəzərə alınmalıdır. Bu preparatların 

birlikdə istifadəsinin əsasən ilk günlərində qanda qlükozanın miqdarı nəzarət altında saxlanılmalıdır. 



Allopurinol, prokainamid, immunosupressorlar, kortikosteroidlər,  sitostatiklər  və digər maddələr ramipril ilə 

eyni zamanda istifadə olunduqda leykopeniyanın inkişaf riskini artıra bilər. 



QSİƏP (qeyri-steroid iltihabəleyhinə preparatlar) (məsələn, asetilsalisil turşusu, fenilbutazon, indometasin) ilə 

birlikdə istifadə olunduqda digər AÇF inhibitorlarında olduğu kimi ramiprilin də antihipertenziv təsirlərinin 

zəifləməsi mümkündür. Bundan başqa AÇF inhibitorları ilə QSİƏP-in eyni zamanda istifadəsi böyrək 

funksiyalarının pisləşməsinə və qanda kaliumun miqdarının artmasına səbəb ola bilər. 



Ümumi anestetiklər və ya antihipertenziv təsirə malik anestetiklər ramipril qəbul edən pasiyentlərdə təzyiqin 

kəskin enməsinə  gətirib çıxara bilər. Qanın ümumi həcminin artırılması  və ya ehtiyac olarsa angiotenzin II 

istifadəsi kimi müvafiq ehtiyyat tədbirləri əməliyyatdan əvvəl və ya əməliyyat zamanı həyata keçirilməlidir. 

Kalium tərkibli preparatlar,  kaliumqoruyucu diuretiklər.  Ramipril tiazid diuretiklərinin səbəb olduğu kalium 

itkisini azalda bilər. Kaliumqoruyucu diuretiklər (spironolakton, amilorid, triamteren və s.), kalium tərkibli 

preparatlar hiperkaliemiya riskini yüksəldə bilər. Buna görə  də,  əgər bu preparatların birlikdə istifadəsi 

göstərişdirsə, onları ehtiyatla təyin etmək və kaliumun qan plazmasındakı qatılığını nəzarət altında saxlamaq 

lazımdır. 

Alkoqolun ramipril ilə eyni zamanda istifadəsi vazodilatasiyanın artmasına gətirib çıxara bilər. Ramipril 

alkoqolun təsirini artıra bilər. 

 

Hamiləlik və laktasiya dövründə istifadəsi 

Hamiləlik 

Hamiləlik dövründə bütün AÇF inhibitorları kimi ramiprilin də istifadəsi əks göstərişdir. Ramipril ilə müalicəyə 

başlamazdan əvvəl hamiləlik istisna olunmalı və müalicə dövründə hamiləlikdən qaçınılmalıdır. 

Əgər pasiyent hamiləliyi planlaşdırırsa, AÇF inhibitorları ilə müalicə dayandırılmalı və digər müalicə növü ilə 

əvəz olunmalıdır. 

Laktasiya 

Əgər laktasiya dövründə ramipril ilə müalicə vacibdirsə, pasiyent ana südü ilə qidalandırmanı 

dayandırmalıdır. 

 

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri 

Bəzi əlavə təsirlər (məsələn, başgicəllənmə) pasiyentin diqqətini toplamasına və ya reaksiyasına mane ola 

bilər. Arterial təzyiqi aşağı salan preparatlar xüsusilə müalicənin əvvəlində və ya alkoqol ilə birlikdə istifadə 

olunduqda nəqliyyat vasitələrini və digər potensial təhlükəli mexanizmləri idarəetmə qabiliyyətinə mənfi təsir 

göstərə bilər. 

 

İstifadə qaydası və dozası 

Kardopril tabletlərini kifayət qədər su ilə bütöv udmaq lazımdır. Preparatı yeməkdən  əvvəl və ya sonra, 

həmçinin yemək zamanı qəbul etmək olar. Tabletləri hər gün eyni vaxtda qəbul edin. 



Hipertenziya 

Sidikqovucu qəbul etməyən pasiyentlər üçün başlanğıc doza kimi gündə 1 dəfə 2,5 mq ramipril məsləhət 

görülür. Pasiyentin reaksiyasından asılı olaraq gündəlik doza 2-3 həftə intervalı ilə əvvəlcə 5 mq, daha sonra 

maksimal gündəlik dozaya - 10 mq-a qədər artırıla bilər. Əgər qan təzyiqinə yalnız ramipril ilə nəzarət etmək 

alınmırsa, müalicəyə sidikqovucu da əlavə oluna bilər. 

Əvvəlcədən sidikqovucu qəbul edən pasiyentlərdə ramiprilin ilk dozasının qəbulundan sonra arterial təzyiqin 

kəskin enməsi müşahidə oluna bilər. Buna görə də, mümkün qədər ramipril ilə müalicəyə başlamazdan 2-3 

gün əvvəl sidikqovucunun qəbulu dayandırılmalıdır. Əgər bu mümkün deyilsə, müalicə gündə 1 dəfə 1,25 mq 

doza ramipril ilə başlanmalı, daha sonra pasiyentin vəziyyətinə uyğun olaraq nizamlanmalıdır. 

Xroniki ürək çatışmazlığı 

Başlanğıc doza gündə 1 dəfə 1.25 mq təşkil edir. Sonra həkim pasiyentin vəziyyətinə uyğun olaraq dozanı 

nizamlamalıdır. Maksimal gündəlik doza gündə 2 dəfə qəbula bölünməklə 10 mq təşkil edir. 

Kəskin miokard infarktından sonra inkişaf etmiş ürək çatışmazlığı 

Məsləhət görülən başlanğıc gündəlik doza 5 mq-dır, bu doza gündə 2 dəfə - səhər və axşam 2,5 mq olmaqla 

daxilə qəbul edilə bilər. Əgər pasiyentə bu başlanğıc doza pis təsir edirsə, ilk 2 gün ərzində gündə 2 dəfə 

olmaqla 1,25 mq ramiprilin qəbulu məsləhət görülür. İstənilən halda, pasiyentin reaksiyasından asılı olaraq 



doza artırıla bilər.  Əgər dozanın artırılması davam edərsə, ikiqat dozanı 1-3 gün intervalı ilə artırmaq 

məsləhət görülür. 

Məsləhət görülən gündəlik maksimal doza qəbulu 2 dəfəyə bölünməklə 10 mq ramipril təşkil edir. 

Ürək-damar xəstəlikləri riski yüksək olan pasiyentlər 

Məsləhət görülən başlanğıc doza gündə 1 dəfə 2,5 mq ramipril təşkil edir. Pasiyentin reaksiyasından asılı 

olaraq doza müalicədən 1 həftə sonra ikiqat, 3 həftədən sonra isə 10 mq-a qədər artırıla bilər. 

Gündəlik dəstəkləyici doza 10 mq ramipril təşkil edir. 



Proqressivləşən böyrək çatışmazlığı olan pasiyentlər 

Məsləhət görülən başlanğıc doza gündə 1 dəfə 1,25 mq ramipril təşkil edir. Pasiyentin reaksiyasından asılı 

olaraq doza 2-3 həftə intervalı ilə ikiqat artırıla bilər. Nefropatiya olan pasiyentlərdə ramiprilin gündə 5 mq-

dan daha yüksək dozada istifadəsi barədə kifayət qədər məlumat yoxdur. 

Daha  əvvəl sidikqovucu qəbul etmiş pasiyentlərdə ramipril ilə müalicədən  ən azı 2-3 gün əvvəl (təsir 

müddətindən asılı olaraq) sidikqovucunun qəbulu dayandırılmalı və ya dozası azaldılmalıdır. 



Qaraciyər funksiyaları pozulmuş pasiyentlər 

Qaraciyər funksiyaları pozulmuş pasiyentlərdə ramiprilin metabolizmi və müvafiq olaraq qaraciyər 

esterazalarının fəallığının azalması  nəticəsində  fəal metaboliti olan ramiprilatın  əmələ  gəlməsi zəifləyir, 

nəticədə plazmada ramiprilin səviyyəsi artır. Ona görə  də, bu qrup pasiyentlərdə müalicə ciddi həkim 

nəzarəti altında başlanmalı və gündəlik doza 2,5 mq-dan çox olmamalıdır. 

Yaşlı pasiyentlər 

Başlanğıc doza azaldılır və sonra pasiyentin reaksiyasından asılı olaraq tənzimlənir. 

 

Əlavə təsirləri 

Ürək-damar pozğunluqları 

Çox rast gələn: başgicəllənmə, zəiflik, ürəkbulanma, baş  ağrısı, ürək döyüntülərinin artması, yorğunluq, 

reaksiyanın pozulması  və ya qulaqlarda küy ilə xarakterizə olunan simptomatik hipotenziya (xüsusilə 

müalicənin əvvəlində və ya ramiprilin dozasının artırılmasından sonra); ortostatik hipotenziya, bayılma. 

Az rast gələn: periferik ödemlər, hiperemiya, ortostatik tarazlığın pozulması; ayrı-ayrı hallarda bayılma, 

stenokardiya, aritmiya, döş  qəfəsində  ağrı, taxikardiya, miokard işemiyası  və miokard infarktı; damar 

stenozuna görə perfuzion pozulmaların kəskinləşməsi; vaskulit.

 

Mədə-bağırsaq sistemi pozğunluqları 

Çox rast gələn:

 

ürəkbulanma, qusma, qarında ağrı, ishal (bu əlamətlər adətən müvəqqəti xarakter daşıyır), 



həzm pozğunluqları, qarında narahatlıq, dispepsiya.

 

Az rast gələn: qastrit, pankreatit daxil olmaqla abdominal və ya mədə ağrıları, mədəaltı vəzi fermentlərinin 



miqdarının yüksəlməsi, nazik bağırsaqda angionevrotik ödem, anoreksiya, iştahanın azalması, qəbizlik, 

ağızda quruluq, disfagiya, qastroenterit, ağız suyu ifrazının artması, dad və ya qoxu hissinin pozulması, 

dadbilmə hissinin pozulması və ya tamamilə itməsi. 

Nadir hallarda: qlossit, aftoz stomatit (ağız boşluğunun iltihabi reaksiyası); hepatosellülar zədələnmə, kəskin 

qaraciyər çatışmazlığı, xolestatik və ya sitolitik hepatit. 

Dermatoloji pozğunluqlar 

Çox rast gələn: hiperhəssaslıq reaksiyaları (qızdırma ilə və ya qızdırmasız biruzə verən dermatit, qaşınma və 

ya səpgi). 

Az rast gələn: konyunktivit, övrə, qaşınma, alopesiya, onixolizis, tərləmə. 

Nadir hallarda: eksfoliativ dermatit, toksik epidermal nekroliz, Stivens-Conson sindromu, çoxformalı eritema, 

qovuqca, psoriazın kəskinləşməsi, psoriazabənzər dermatit, alopesiya, psoriaz, pemfiqoid və ya lixenoid 

ekzantema və ya enantema. 

Sümük-əzələ sistemi və birləşdirici toxuma pozğunluqları 

Çox rast gələn:əzələ spazmları, mialgiya. 

Az rast gələn: artralgiya. 

Metabolizm və qidalanma pozğunluqları 

Çox rast gələn: qanda kaliumun miqdarının artması. 



Tənəffüs sistemi pozğunluqları 

Çox rast gələn: quru (bəlğəmsiz) öskürək, bronxit, sinusit, dispnoe. 

Az rast gələn: astmanın kəskinləşməsi zamanı bronxospazm, burun tutulması. 

Nevroloji və psixiki pozğunluqlar 

Az rast gələn: amneziya, huşun qarışması, qıcolmalar, əhvalın pisləşməsi, depressiya, tarazlığın pozulması, 

eşitmənin itməsi, baş  ağrısı (qan təzyiqinin enməsi ilə  əlaqədar olmayan), yuxusuzluq, iştahanın itməsi, 

əsəbilik, narahatlıq, nevralgiya, nevropatiya, paresteziya, yuxusuzluq, vertiqo, görmə pozğunluqları. 



Cinsiyyət sistemi və süd vəzi pozğunluqları 

Az rast gələn: impotensiya, libidonun azalması. 

Nadir hallarda: ginekomastiya. 

Digər 

Çox rast gələn: döş qəfəsində ağrı, yorğunluq. 

Az rast gələn: pireksiya. 


Nadir hallarda: asteniya. 

 

Doza həddinin aşılması 

Doza həddinin aşılması hallarında aşağıdakılar müşahidə oluna bilər: periferik damarların həddindən artıq 

genişlənməsi, kəskin hipotenziya, şok, bradikardiya, elektrolit balansının pozulması, böyrək çatışmazlığı. 

Müalicə preparatın qəbul vaxtından, o cümlədən simptomların növündən və ağırlıq dərəcəsindən asılıdır. İlk 

növbədə  hələ sorulmamış ramipril orqanizmdən kənarlaşdırılmalıdır (mümkündürsə ilk 30 dəqiqə  ərzində 

adsorbentin qəbulu). Həyati göstəricilər və orqanların funksiyaları ciddi müşahidə altında saxlanılmalı  və 

ehtiyac olarsa ehtiyat tədbirləri görülməlidir.  Əgər dializ və ya hemofiltrasiya məsləhət görülərsə, nəzərə 

almaq lazımdır ki, ramiprilin qəbulu ilə eyni zamanda bəzi yüksək axınlı filtr membranlarının istifadəsi  əks 

göstərişdir. 

 

Buraxılış forması 

Kardopril 2,5 mq, 5 mq, 10 mq tabletlər 

10 tablet PVX/Al blisterdə. 3 blister içlik vərəqə ilə birlikdə karton qutuya qablaşdırılır. 

 

Saxlanma şəraiti 

25ºС-dən yuxarı olmayan temperaturda, orijinal qablaşdırmada saxlamaq lazımdır. 

Uşaqların əli çatmayan yerdə saxlamaq lazımdır. 

 

Yararlılıq müddəti 

Yararlılıq müddəti qablaşdırmanın üzərində göstərilmişdir. 

Qablaşdırmanın üzərində göstərilən yararlılıq müddəti bitdikdən sonra istifadə etmək olmaz. 

 

Aptekdən buraxılma şərti 

Resept əsasında buraxılır. 

 

 

İstehsalçı 



Lisenziya sahibi 

S.C. AC HELCOR S.R.L. 

Baia Mare, 50 Dr V. Babeş Street, 430092 Rumıniya.



 

Yüklə 246,62 Kb.

Dostları ilə paylaş:




Verilənlər bazası müəlliflik hüququ ilə müdafiə olunur ©azkurs.org 2024
rəhbərliyinə müraciət

gir | qeydiyyatdan keç
    Ana səhifə


yükləyin