Vazirlikning ushbu xatti-harakatlariga baho bering.
Vazirlik tomonidan ushbu talabnomani rad etish asoslarini keltiring.
Xorijiy brend mahsulotlarni mamlakatga olib kirish bilan shug‘ullanayotgan shaxs tomonidan aynan ushbu nomni o‘z nomiga tovar belgisi sifatida olish qonunchilikka qanchalik to‘g‘ri keladi?
Tovar belgisi, uning huquqiy maqomiga amaldagi milliy qonunchiligimizga binoan baho bering.
Fikrlaringizni milliy va xalqaro huquqiy hujjatlar bilan asoslang.
24-kazus Saksovul urug‘ini o‘stirish usuli uchun patent olgan texnologiyaning egasi, ya’ni muallif (huquq egasi) o‘z ixtirosidan 1 yil davomida foydalanilganligi uchun buyurtmachi firmadan tegishli mukofot oldi. Patent egasining so‘zlariga ko‘ra, ixtirodan foydalanish natijasida firma olgan foydalar va unga berilgan mukofot mutanosib emas. Shu bilan birga, ushbu davrda muallif ixtirosi uchun hali patent olmagan, lekin talabnoma topshirilgan edi.
Ushbu holatda patent egasi Sizga tegishli maslahat so‘rab murojaat qilmoqda.
Patent egasi ixtironing iqtisodiy samarasini hisoblab (boy berilgan foydani undirish maqsadida), firmani unga munosib haq to‘lashga majburlash uchun sudga murojaat qilishi mumkinmi?
Patent egasi bilan ish beruvchi o‘rtasidagi shartnomaviy-huquqiy munosabatlar qay tartibda tartibga solinadi?
Vaqtinchalik huquqiy muhofaza deganda nimani tushunasiz?
Sanoat mulki obyektlari doirasida ixtironing huquqiy maqomiga aniqlik kiriting.
Fikrlaringizni milliy va xalqaro huquqiy hujjatlar bilan asoslang.
25-kazus “Lolazor” MChJ “Gril. do‘mboq jo‘jalar” nomini tovar belgisi sifatida o‘ziga ro‘yxatdan o‘tkazib oldi. Shahardagi Fastfud tarmoqlari assosiasiyasi O‘zbekiston Respublikasi Adliya vazirligining Apellyasiya kengashiga ushbu tovar belgisini bekor qilish bo‘yicha da'vo ariza kiritdi. Assosiasiyaning fikriga ko‘ra, ushbu tushuncha keng jamoatchilik orasida umume'tirof etilgan tushunchaga aylanib ketganligi bildirilgan.
