Kbt я25 uot (059) Baş redaktor

4

Sənətşünas

Ə d ə b i y y a t

Əliyeva, K. Lətif Kərimov: 

həyat və yaradıcılığı [Mətn] 

/K.Əliyeva, E.İbrahimov; 

naşir B.Həsənoğlu; red. 

Ç.Əlioğlu.- Bakı: Aspoliq-

raf, 2007.- 248 s.

Quliyev, Ə. XX əsr 

Azərbaycan incəsənəti 

haqqında oçerklər 

[Mətn] /Ə.Quliyev; elmi 

red. K.Əliyeva; ön söz. 

Ö.Eldarov; Azərb. Resp. 

Mədəniyyət və Turizm 

Nazirliyi.- Bakı: Təhsil, 

2012.- 166 s.

Məmmədov, T.  Bədii 

fotoqrafiya [Mətn] 

/T.Məmmədov; red. K. 

Əliyeva ; məsləhətçi C. Hü-

seynov; Azərb. Resp. Təhsil 

Nazirliyi, Azərb. Dövlət 

Rəssamlıq Akad.- Bakı :[s. 

n.], 2011.- 173 s.

Muradov, V. Azərbaycan 

xalçaları. Qarabağ qrupu 

[Mətn] /V.A. Muradov; 

elmi red. K. Əliyeva; tərc. 

Y. Səlimov; dizayn. S. 

Hüseynov; H. Əliyev fondu; 

“Azər-ilmə” MMC; “Sehrli 

ilmələr” Azərbaycan Xalça-

ları Qalereyası.- Bakı: Elm, 

2010.- 272 s.

www.anl.az

---

238

AVQUST

19

Heykəltəraşlıq.Rəssamlıq.Memarlıq

170 

illiyi

İlya Rеpin 

1844-1930

AVQUST

Rеpin  İlya  Yеfimоviç  1844-cü  il 

avqust ayının 5-də Ukraynanın Xarkov 

vilayətində anadan olmuşdur. O, 1864-

1871-ci  illərdə  Peterburq  Rəssamlıq 

Akademiyasında  oxumuş,  1893-cü 

ildən  isə  həmin  akademiyanın  həqiqi 

üzvü seçilmişdir.

Repin portret, məişət və tarixi boya-

karlıq janrlarında fəaliyyət göstərmiş, 

ofort və litoqrafiyalar çəkmişdir. Onun 

1870-1873-cü  illərdə  yaratdığı  “Bur-

laklar  Volqada”  tablosunda  zülmə 

qarşı etiraz motivləri, sadə adamların 

mənəviyyatı, qüvvə və qüdrəti əks et-

dirilmişdir.

Rəssam  1873-cü  ildə  İtaliya  və 

Fransaya səyahət etmiş, 3 il orada qa-

laraq  Avropa  incəsənəti  ilə  yaxından 

tanış  olmuş,  “Paris  kafesi”  (1874-

1875),  “Sadko  sualtı  səltənətdə” 

(1876)  əsərlərini  yaratmış  və  plener 

üsulundan məharətlə istifadə etmişdir.

Xaricdən  qayıtdıqdan  sonra  1882-

ci  ildən  Peterburqda  yaşayan  Repin 

rus həyatının sosial ziddiyyətlərini və 

ictimai  münasibətləri  qabarıq  şəkildə 

təsvir edərək, “Qorxaq kəndli” (1877), 

“Bədnəzər  kəndli”(1877)  əsərlərində 

bir  sıra  kəndli  obrazları  yaratmış-

dır.  “Tövbədən  imtina”  (1879-1885), 

“Təbliğatçının  həbsi”  (1880-1892), 

“Gözləmirdilər” (1884-1888) tablola-

rında sürgündən qayıtmış inqilabçıla-

rın  obrazını  təsvir  etmiş,  qəhrəmanın 

ağır taleyini, onun ailə üzvlərinin hiss 

və həyəcanlarını mürəkkəb rəng çalar-

ları ilə göstərmişdir. Bu illərdə Repin 

“V.V.Stasov”  (1873),  “A.F.Pisemski” 

(1880), “L.N.Tolstoy” (1887) əsərlərini  

işləmiş, həmçinin tarixi janr sahəsində 

“Şahzadə Sofiya”(1879), “İvan Qroznı 

və  oğlu  İvan”(1885),  “Zaporojyelilər 

Türkiyə  sultanına  məktub  yazarkən” 

(1878-1891) adlı görkəmli portretlərini 

yaratmışdır.

İlya  Yefimoviç  Repin  1930-cu  il 

sentyabr  ayının  29-da  vəfat  etmişdir.  

1940-cı  ildə  rəssamın  dəfn  olunduğu 

Repino  qəsəbəsində  ev-muzeyi  açıl-

mışdır.  Çuquyevdə  də  Repinin  xatirə 

muzeyi açılmış, 1958-ci ildə Moskva-

da rəssama abidə ucaldılmışdır. Sankt-

Peterburq  Boyakarlıq,  Heykəltəraşlıq 

və  Memarlıq  İnstitutu  Repinin  adını 

daşıyır.