Kənd təsərrüfatı məhsullarının saxlanılması və anbarlanması üzrə logistika mütəxəssisi

TƏLİM NƏTİCƏSİ
5
76
5.1. AVTOMOBİL YOLU DAŞIMA MODELİNİN XÜSUSİYYƏTLƏRİNİ SADALAYIR
AVTOMOBİL YOLU DAŞIMA MODELİNİN XÜSUSİYYƏTLƏRİ VƏ XARAKTERİSTİKASI

---

Azərbaycan Respublikasının nəqliyyat hüququ
Nəqliyyat hüququ dedikdə daşıyıcı (nəqliyyat 
müəssisəsi) ilə müştəri arasında daşıma prosesinin 
həyata keçirilməsi üçün nəqliyyat vasitələrindən 
istifadə edərək, xidmət göstərilməsi ilə əlaqədar 
yaranan əmlak-dəyər xarakterli nəqliyyat 
münasibətlərini tənzim edən hüquq normalarının 
sistemi və məcmusu başa düşülür.
Nəqliyyat hüququnun predmetini nəqliyyat 
müəssisəsinin (daşıyıcının) müştəriyə sərnişin, 
yük və baqaj daşımaları üzrə və digər nəqliyyat 
xidmətləri göstərilməsi ilə bağlı olaraq yaranan 
ictimai münasibətlər - nəqliyyat münasibətləri 
təşkil edir. 
Nəqliyyat hüququnun mənbələri:
• Normativ hüquqi aktlar, əmlak dövriyyə adətləri, Konstitusiya Məhkəməsinin qərarları, yerli 
özünüidarə orqanlarının normativ xarakterli aktları, yerli icra hakimiyyəti orqanlarının normativ 
xarakterli qərarları və sairə. 
Mülki hüququn nəqliyyat hüququnda istifadə olunan əsas prinsipləri: subyektlərin hüquq 
bərabərliyi prinsipi, müqavilə azadlığı prinsipi, təqsirə görə məsuliyyət prinsipi, məhdud məsuliyyət 
prinsipi, pozulmuş hüquqların bərpasının təmin edilməsi prinsipi, təqsirə görə məsuliyyət prinsipi, 
məhdud məsuliyyət prinsipi, pozulmuş hüquqların bərpasının təmin edilməsi prinsipi, 862 mülki 
hüquqların məhkəmə müdafiəsi prinsipi, hüquqdan suiistifadəyə yol verilməməsi prinsipi və s. 
Nəqliyyat qanunvericiliyi, onun tərkibi və sistemi. Nəqliyyat qanun-vericiliyi dedikdə nəqliyyat 
fəaliyyəti ilə bağlı olaraq əmələ gələn ictimai münasibətləri tənzimləyən hüquq normalarının 
zahirən ifadə olunduğu ayrı-ayrı qanunların, qanun qüvvəli aktların və digər normativ hüquqi 
aktların məcmusu başa düşülür.
Nəqliyyat öhdəliyi dedikdə elə bir mülki hüquq münasibəti başa düşülür ki, bu münasibətə 
görə nəqliyyat müəssisəsi müştəriyə daşıma və digər növ nəqliyyat xidməti göstərir, müştəri isə 
bu xidmətin əvəzində müəyyən haqq ödəyir. Daşıma öhdəliyi isə elə bir hüquqi münasibətdir ki, 
bu münasibətə görə, daşıyıcı yükü, sərnişini və ya baqajı təyinat yerinə çatdırır, müştəri isə bunun 
müqabilində ona daşıma haqqı ödəyir.