Kimyo. Masala va mashqlar to

1.44. Chumoli kislotada vodorod, uglerod va kislorodning massa nisbatlari 1:6:16. Bu moddaning eng oddiy formulasini toping. (Javob: HCOOH).
1.45. Temir oksidida temir massasining kislorod massasiga nisbati 7:3 bo‘lsa, oksidning eng oddiy formulasi qanday bo‘ladi? (Javob: Fe₂O₃).
1.46. Oltingugurt oksidida oltingugurt atomi massasining kislorod atomi massasiga nisbati 2:3 bo‘lsa, shu oksidning eng oddiy formulasi qanday bo‘ladi? (Javob: SO₃).
1.47. 20 g massali oltingugurt 30 g massali kislorodga to‘g‘ri kelsa, shu oksidning eng oddiy formulasi qanday bo‘ladi?
Yechish: Masalani yechish uchun nisbat tuziladi va har bir elementning modda miqdorlari topiladi: 0,625:1,875=1:3. Demak, oksidning formulasi: SO₃.
1.48. 18 g massali alyuminiy 6 g massali uglerod bilan birikma hosil qilgan bo‘lsa, shu moddaning eng oddiy formulasini toping. (Javob: Al₄C₃).
1.49. Oksid tarkibidagi 12,8 g misga 1,6 g kislorod to‘g‘ri keladi. Shu oksidning eng oddiy formulasini toping. (Javob: Cu₂O).
1.50. Oksid tarkibida 16,8 g temir va 6,4 g kislorod borligi ma'lum bo‘lsa, uning formulasi qanday bo‘ladi? (Javob: Fe₃O₄).
1.51. Massasi 49 g bo‘lgan oltingugurtning xlorli birikmasida 6,4 g oltingugurt va 42,6 g xlor bor. Shu moddaning formulasi qanday? (Javob: SCl₆).
1.52. Natriy sulfat kristallgidrati Na₂SO₄.xH₂O tarkibida 55,9 % H₂O bor. x ni toping.
Yechish: Masalani yechishda Na₂SO₄ va H₂O ning massa ulushlarini ular molekulyar massalariga bo‘lamiz: (Na₂SO₄)_x(H₂O)_y va Demak, n=10 ekan.
1.53. Temir (II) sulfat (FeSO₄.xH₂O) kristallgidrati tarkibidagi suvning massa ulushi 0,453 ga teng bo‘lsa, x ni toping. (Javob: n=7).