Kombinatorika hám itimallíq teoriyasíNÍŃ bazí bir máselelerin úyretiw metodikasí

A N N O T A C I YA
Magistrlik dissertaciya jumısınıń aktuallıǵı: Matematika boyınsha oqıtıw processin jańalaw jolın izlew menen bir qatarda, oqıwshılarǵa jańa bilimdi jetkeriw metodların jetilistiriw, sonday-aq oqıwshılardı oqıtıwda kórsetkishli, logarifmlik teńlemeler hám teńsizliklerdi sheshiw usılların hám kónlikpelerin káliplestiriw jáne olardıń logikalıq oylaw qábiletin rawajlandırıw metodikasın jetilistiriw kerekligi eń aktual máselelerdiń biri bolıp esaplanadı.
Izertlew obekti: Ulıwma bilim beriw mekteplerinde algebra oqıw pánindegi kórsetkishli, logarifmlik teńlemeler hám teńsizliklerdi sheshiw usılların úyretiw barısı.
Izertlew predmeti: Kórsetkishli, logarifmlik teńlemelerdi hám teńsizliklerdi sheshiw barısında oqıwshılardıń logikalıq oylawın rawajlandırıw usılların jetilistiriw.
Izertlewdiń maqset hám wazıypaları: Bul magistrlik jumıstıń tiykarǵı maqseti mektep oqıwshılarına matematika boyınsha alǵan teoriyalıq bilimleri járdeminde kórsetkishli, logarifmlik teńlemeler hám teńsizliklerdi sheshiw uqıplılıqların jáne kónlikpelerin qáliplestiriw, logikalıq oylaw qábiletin rawajlandırıw boyınsha jańa usıllardı jaratıw.
Izertlew usılları: Tiykarınan matematika boyınsha alınǵan bilimlerdi kórsetkishli, logarifmlik teńlemeler hám teńsizliklerdi sheshiwde ilimiy izertlew usıllarınan hám bul tema boyınsha mısallar sheshiwdiń logikalıq metodikasınan paydalanıw.
Jumıstıń ilimiy jańalıǵı: Magistrlik dissertaciya jumısı nıń jańalıǵı sonnan ibarat: matematika boyınsha oqıtıw processin jańalaw texnologiyasın hám usılların izlew menen bir qatarda, oqıwshılarǵa jańa bilimdi jetkeriw metodların jetilistiriw, sonday-aq oqıwshılardı oqıtıwda kórsetkishli, logarifmlik teńlemeler hám teńsizliklerdi sheshiw uqıplılıqların hám kónlikpelerin káliplestiriw jáne logikalıq oylaw qábiletin rawajlandırıw metodikasın jetilistiriw bolıp tabıladı.
Magistrlik dissertaciya jumısınıń dúzilisi: Bul magistrlik dissertaciya jumısı tiykarınan 3 bap hám 7 paragraftan ibarat bolıp bunda I bap. Kórsetkishli hám logarifmlik funkciyalar, Kórsetkishli funkciya hám onıń qásiyetleri, Logarifmlik funkciya hám onıń qásiyetleri. II bap. Kórsetkishli hám logarifmlik teńlemelerdi sheshiw usılları, Kórsetkishli teńlemeler hám teńlemeler sistemaların sheshiw usılları, Logarifmlik teńlemeler hám teńlemeler sistemaların sheshiw usılları. III bap. Kórsetkishli hám logarifmlik teńsizliklerdi sheshiw usılları, Kórsetkishli teńsizlikler hám teńsizlikler sistemaların sheshiw usılları, Logarifmlik teńsizliklerdi sheshiw usılları. Sonıń menen birge bir neshe quramalı logarifmlik teńsizliklerdi sheshiwdiń logikalıq usılları kórsetildi.