Konstitutsiya baxtimiz poydevori

1-boshlovchi : Olti bo‘limli kitob,
Bor yigirma olti bob.
Bir yuz yigirma sakkiz,
Moddani o‘rganamiz.
2-boshlovchi: Ha, bolalar, O‘zbekiston Respublikasi
Konstitutsiyasi 6 bo‘lim 26 bob, 128 moddadan iboratdir. Biz
ularni mashg‘ulotlar davomida o‘rganib kelmoqdamiz. Qani, bu
moddalar haqida kim qanday fikr bildira oladi?
(O‘quvchilar Konstitutsiya moddalariga izoh beradilar.)

1-o‘quvchi: Vatanimning nomini,
Aytar birinchi modda.
O‘qib, o‘rgansak uni,
Muhabbat ortar qalbda.
2-o‘quvchi: Moddaning to‘rtinchisin,
Ulug‘ tilim tasdiqlar.
Ajdodlarim orzusi,
Ko‘zlarimda charaqlar.
3-o‘quvchi: Vatanimning bayrog‘i ,
Dilginamning qarog‘i.
Madhiya hamda gerbim,
Porloq yo‘lim chirog‘i
(5- modda)
4-o‘quvchi: Azimdir Toshkent shahar,
Juda keng saxiy bag‘ri.
Udir Vatan yuragi,
Ulug‘ xalqim tilagi
(6-modda)
5-o‘quvchi: Burchlarimizdan so‘zlar,
Bilsang o‘n birinchi bob.
Burchimni anglashimda,
Qomusim misli oftob.
6-o‘quvchi: Huquq, erkinlik haqda,
18-, 21-, va 31-modda.
O‘qib, o‘qib, o‘rganib,
Amal qilamiz, albatta.
7-o‘quvchi: Bo‘lmoq yaxshidir mulkdor,
Ham fermer-u chorvador.
Ko‘chmas mulkning egasi,
Tadbirkorlar sarasi
(36-modda)
8-o‘quvchi: O‘ttiz yettinchi modda ,
Mehnat qilish haqida.
Har kim sevsa kasbini,
Egallagay baxtini.
9-o‘quvchi: O‘ttiz to‘qqizinchi modda,
So‘zlaydi ta’minotdan.
Har bir inson keksaygach,
Mamnun bo‘lar hayotdan.
10-o‘quvchi: Tibbiy xizmat doimo,
Kerak har bir kishiga.
Sog‘lom tanda sog‘ aql,
Unum berar ishiga
(40-modda)
11-o‘quvchi: Bepul bilim olamiz,
Hur Vatanim qo‘ynida.
Vatanga xizmat qilish –
Har o‘g‘il-qiz o‘yida
(41-modda)