Korreksiya sınağı

Mövzu 11. Diqqət və hafizənin psixodiqnostikası

Plan:

1. 
   Diqqətin psixodiqnostikası
   
2. 
   “Korreksiya sınağı” metodikası və onun tətbiqi
   
3. 
   Hafizənin psixodiqnostikası
   

1 plan. Insanın diqqəti müxtəlif xassələrlə xarakterizə olunur. Daha geniş yayılmış və vacib olan xassələr bunlardır: həcm, məhsuldarlıq, konsentrasiya, paylanma, davamlılıq və keçirilmə.

Diqqətin həcmi adətən belə qiymətləndidirlir: insana çox qısa vaxt ərzində (bir neçə on saniyəlik) bir neçə informasiya vahidlərinin məcmuyu, məs: sadə təsvirlər, hərflər, sözlər, rəqəmlər, səslər və s. təqdim olunur. Bundan dərhal sonra adamdan nəyi görə, eşidə və s. bildiyini qeyd etmək xahiş olunur. Onun bu an yadda saxladığı obyektlərin miqdarı diqqətin həcmi kimi nəzərdən keçirilir. Diqqətin məhsuldarlığı adətən insanın konket zaman vahidi əsasında iş prosesində diqqətin yüksək konsentrasiyası və davamlılığı kimi qiymətləndirilir.

Diqqətin konsentrasiyası və paylanması bir – biri ilə bağlı olan, lakin eyni zamanda bir – birinə zidd olan xarakterik xüsusiyyətlər kimi nəzərdən keçirilir. Psixodiaqnostika praktikasında onlar adətən eyni bir metodikanın köməyi ilə öyrənilir və qiymətləndirilir. Bu metodikaya aid edilən variantların birində adama məkan və ya müstəvidə daha çox yer tutan əhəmiyyətli dərəcədə məkanı əhatə edən, nizbətən kiçik obyektlər çoxluğu təqdim olunur. Sınanılan şəxs çox qısa vaxt ərzində məkanda və ya müstəvinin daha kiçik hissəsində olan qədər mümkün qədər daha çox detalı görmək (diqqətin konsentrasiyası), başqa halda əksinə, onların mümkün qədər daha çox hissələrini görmək (diqqətin paylanması) tapşırığı alır.